(انتـَ الترياـق والسُـم)

البارت السابع

------------------
عن الحب في صورته الحقيقية يقول الرافعي: فاعلم أنِّي لا أُحبُّ فيها شيئًا مُعينًا أستطيعُ أن أُشير إليهِ بهذا أو هذهِ أو ذلكَ أو تلك، ولا بهؤلاءِ كلها.. إنَّما أُحبُها لأنها هي هي، كما هي هي!

ريتان :تقول لكم...
الأن..!
اتمنى ان اكون وحيداً في عالم مضلم ، لكي اصرخ صرخه مستغيث بترو أول اصبع من اصابعه من اصل عشرين ...!
------------------------------------------------------

ريتان: وصلنه للقصر مثل ما وصفته هو طبعاً بيت جبير
وبي ناس وزلم مسلحه واكفه تهوس هوواي ناس كولش أنرعبت منهم شكلهم يخوف.

ابو حمزه: بويه فوت سيارة للبيت حتى البت تنزل
حمزه: صار بويه،
ريتان:دخلو السياره للبيت ونزلو الشياب   وبقيت بس اني ولي اسمه حمزه،
ابو: حمزه بويه عود نزل البت جوه يم النسوان موش تنسى!
حمزه: خوش بويه ان شاء الله
اني البت مانتبهت عليه لان مغطيه وجها بعبايتها كل ساعه وغطت وجها
ومن توخر عبايتها تخلي كلينيس على وجها
وبس تبجي لبنيه زغيره اني ماارضى بالضلم
ومااحب شي اسمه فصليه وهديه لأنها المرأه خطيه تنضلم وخصوصاً مجتمعنا دومهم ظالمين المرأه معتبرينها مثل العبه عدهم يودونها وين ما يردون وفوكاها يعتبرونها خدامه الهم مو مرأه وأم أولاده ويحترمها ويشوف شنو رأيها
اني هذني اتسودن منهن من يجونك وينطوك حرمه هديه ليش ولك تنطيها هديه خوب تاني إبن الحلال اليجيك ويدك بابك لو الا تنطيها لو يجيك ويكلك اتزوجها ولكم ليش هيه ماعدها رأيي ما تريد صفات لرجلها المستقبلي لو هاي هيه ختفت حقوق المرأه......كَطعت تفكيري ونسيت كلام أبوي خل اوديها للنسوان وألحك أبوي..

حمزه: يالله يابوي انزلي بسرعه
ريتان: مااكدر انزل خوفي غلبني  ياربي اوكف وياي ياألهي مااتحمل احس نفسي راح يغمه عليه من كثر الخوف....
بويه: انزلي شجاج جنج سعفه تهتزين
بسج تره احنه هم بشر مثلج موش وحوش

ريتان :(بكلبها انتم ابد مو يم البشر)
انتم. ناس ماتعرفون الله اصلاً.. خل اسكت لايسمعني
حجيت آله  بدموعي والله ممااكدر انزل
انتضرني شويه بس اهدى ماااكدر

حمزه:شنتضرج  ماتشوفي ازلم هنا يلا
اكووووول انزلي بسج

ريتان: صاح بيه وكمزت نزلت بلكوه وجسمي يرجف اول مره اشوف هيج ناس خايفه يا ربي ساعدني اتخطى هلمحن،
خايفه على اهلي على اخويه بسام
خايفه من المستقبل كله
خايفه اذا ادخل هذا الباب اطلع جنازه منه لأن ماعرف شمنتظرني....

حمزه :وطي راسج
وسرعي بمشيتج يلا..

ريتان :نزلت راسي وكمت امشي
دخلت *للسجن سميته* لأن ما احسه راح يكون بيت فتح الباب ودخلت للبيت وعسا انو تكون دخلتي بيها الخير..
اول مافتح الباب كالي ادخلي
ريتان: شيخ ليش؟؟