(انتـَ الترياـق والسُـم)

(أنتَ التـرياق والسُــم)

➿‏الوقت شيء مدهش
قصير جداً حينما تتأخر
و طويل جداً حينما تنتظر..

ريتان _ كعدت اني على جربايه وبس ابجي وبطني توجعني  احس نفسي ضايعه شنو راح يصير بيه شلون راح اعيش ربي فدوه ارحمني نجيني من هاي ناس شلون يفكرون شلون هيج يحجون عليه وهم مجرد بس شافوني نايمه بالغرفه ربي اني ضايعه وين اروح وين امشي تزوجت شخص اكبر مني ومااعرف عنه شي فوك كل هذا تزوجت بدون حقوق يعني اهلي نطوني فصليه ونطو فلوس حتى ينكطع دم ونكطع دم بدمي وبدم اخوي اخوي ضربوه وشفت دمه سال كدام عين ولابيه اضم اخوي واداوي جروحه ولا بيه احجي واليوم سال دم الفصليه لي اجت لهذا البيت جحيم حتى تبري شرفها وتكول لناس اني شريفه وكل لي طلع عليه جذب بجذب..
بس للأسف ماحد يفتهمي بهذا المجتمع متقمصين بعقدهم وثاراتهم واصولهم العربيه لي هي اصول اجداد اجدادي واجداد اجدداهم قطع صفنتي شيخ فتح الباب ويا طفل

حمزه= لكيتها كعدها على جربايه تبجي وكامشه بطنها ها بويه شبيج؟

ريتان= بسمه ممزوجه بدموع و حزن هاشيخ مابيه شي

حمزه= تعال بابا فوت دخل غالب وقفل الباب  ريتان هذا حبيبي ابني غالب

ريتان= تعال حبيبي احس طفل ضايج  ولا فاجأني بسؤاله عجيب..

غالب الطفل انتي الفصليه لي يكتلون بيج وماينطوج اكل ويحبسوج فوك وتجي الأشباح الج وتخبلتي

ريتان= باوعت على شيخ وعلى ابنه

حمزه= غويلب ياهو كالك هايج؟

غالب/جهال كلها تسولف هايج وحبوبه ماتغبل نتكرب صوبها تكول هاي مسودنه

ريتان= ضليت بس ابجي

حمزه= استغفرالله بويه عيب هايج تحجي

  غالب= بابا انه اخافن منها مااريدن ابقا هنا

ريتان= شيخ من رخصتكم انزل اكمل شغلي

حمزه وين تعاي ماكو شغل امشي يبي غراضج وتعاي نطلع مانبقئ بعد بالبيت

ريتان =شيخ اعذرني مااكدار اطلع وياك

حمزه= عاينت عليها بعصبيه شنهي ليش ماتريدن تجين وياي؟

ريتان= لان اني مااكدر افرقك عن ابوك وامك واهلك

حمزه= وياهو كالج تفركينه عن اهلي

ريتان= شيخ الله عليك لاتخسر اهلك علمودي اني تعودت على هاي العييشه صح صعبه بس حلوه عائلتكم والله يخليكم لبعض

حمزه= ريتان سامعه شي

ريتان= لا شيخ ماسامعه شي

   حمزه= وين موليه انتي هسه ؟؟

ريتان= دموعي، تطيح مثل لمطر شسوي مو بيدي هلبيت سجن افراحي  شيخ ماتشوف طفل شلون خايف مني وكامش ايدك ويرجف من الخوف مااريد اخوفه اكثر انزل اكمل شغل عفته علنص هسه الحجيه تصيح عليه