(انتـَ الترياـق والسُـم)

البارت الثاني عشر

   
  ♦️  في الواقع، لقد تَشَكَلت الحَياة و تَعَقَدت العَلاقات الإنسانية بَشَكل غَريب للغاية، يَتَجاوز القُدرة على الفهمِ للدرجة التي يَشعر معها المرء أنه حائراً وغارقاً في الحُزنِ حين يُفَكر حيال ذلك.

ريتان :كالعاده خلصت واجبي المنزلي بس ليوم جان متعب جداً يمكن لان تعبانه ومنا لا أكل ولا ماي صعدت فوك المخزن مالتي راح اسمي* مخزن السُـم *
ودي بس اوصل بسرعه علمود أريح الدرج صار طويل عليه أصعد أصعد وما واصله اووف الله يمهلني الصبر وأخيراً وصلت ارتاحيت الحمد لله دخلت وكعدت شويه استراح وبعدين صليت اشو سمعت لباب يندك كمت جان يطلع أبنهم لشيخ حمزه.. خطيه ذاكرني وجاب أليه إكل تشكرته وأخذته منه وبعدين سألني عن أبنهم ذاك الحقير..

حمزه:أكلج بويه هم اجاج لولد رضا وصل حدج؟

ريتان: لا شيخ مااجه

حمزه :اها خوش جا طبي لحجرتج بارده دنيا

ريتان: ايي شيخ

حمزه :اعاين على فراش نايمه عليه كرتونه ومخده الله اكبر شنهي هاي من مصيبه احنه اهل الكرم هيج نسوي بضيفنه لااكل ولا شرب ولامجان
بويه ريتان انتي عندج فراش گلت خلن أسألها بلكت تفكيري غلط وأهلي منطيها فراش

ريتان: ايي عندي الحمدلله

حمزه: وينه بويه مااشوفنه

ريتان: هذا شيخ اشرت على كرتون لي مسويته دوشك والمخده الجابتها الي اسيل

حمزه :الله واكبر شنهي هاي صددج تحجين يابويه

ريتان :ايي شيخ صدك

حمزه :شنهي ماتكولين اريدن فراش

ريتان :هذا عندي والحجيه وترفه مايقبلن الله عليك شيخ لا تكول الهم عندي مخده انام عليها

حمزه: لا تفورين دمي شنهي سالفه. معگوله (معقوله) حبوبتي هيج تسوي

ريتان :شيخ اني تعودت انام على هاي المخده وهذا الكرتون واتغطه بعبايتي.

حمزه: شنهي بويه ماتشوفين انتي مريضه

ريتان: لا شيخ مابيه شي زين الحمدلله

حمزه: يصير خير يصير
اني رايح خمس دقايق واجي

ريتان: خير شيخ شكو

حمزه:لاتخافين  ماامش شي نزلت وأنا  أحجي بروحي يعني البت لا كتلت عمي لاسوت شي وهاي هيج يأذونها شنهي هاي سالفه ماتسولف هاي توطي روسنه لللكاع علمها ابوي مايحجي شنهي مسحور
فتحت كنتوري بي فراش   وخذتلي بطانيه  وفراش ومخده.. خذتهن وصعدت الها خطيه هلبت.. صعدت الها انطيهن..

ريتان: واكفه يم باب المخزن
وشفت شيخ باوعت عليه بستغراب معقوله اكو واحد كلبه طيب بهذا البيت؟