With Christmas ❄️

Part 2

Jong Inတစ်ယောက် 11 ထိုးနေပြီမို့ ချိန်းထားတ‌ာနောက်ကျနေ၍ဆိုင်ထဲကိုအပြေးအလွှားဝင်လိုက်တော့ ဆိုင်ထဲကနေထွက်လာတဲ့ လူတစ်ယောက်နဲ့ဝင်တိုက်မိသည် ။ သူမှားတယ်ဆိုပေမဲ့စိတ်ညစ်နေတာကြောင့် ထိုလူကိုတောင်းပန်ရမဲ့အစား အော်လိုက်မိသည်။ စွယ်တာလည်ပင်းပိတ်ပေါ်မှာ နောက်ထပ် V shape စွယ်တာအပွတစ်ထည်ထပ်ဝတ်ထားကာ ဘောင်းဘီအနက်ရောက်နဲ့ လူသေးသေးလေးကတော့ သူ့ကိုခါးကျိုးမတတ် ဦးညွှတ်ကာတောင်းပန်ပြီး သူ့အထုတ်လေးကိုကောက်ကာ ထွက်သွားလေသည်။ သူလည်းဘာလို့မှန်းမသိ နောက်ကျောပြင်ကိုငေးကြည့်နေပြီးမှ ထိုလူသားလေးကိုလှည့်ကြည့်လာတာကြောင့် ချက်ချင်းပြန်လှည့်ကာ ဆိုင်ထဲကိုဝင်ထိုင်ရင်း Chan Yeol ဆီဖုန်းဆက်လိုက်သည်။

"Yeollie မလာသေးဘူးလား ငါရောက်နေပြီ"

"ငါထွက်လာပါပြီကွာ မင်းငါ့အတွက် ကြိုမှာထားလိုက် "

"အေးအေး"

ဖုန်းချပြီးမကြာဘူး စားပွဲခုံပေါ်ကို fileတစ်ခုပစ်ချလာပေးရင်း

"Jong In တို့များ ဖြစ်လိုက်ရင်အသဲအသန်နော် ၊ တကယ်ပဲ ဒိတ်ဒိတ်ကျဲကိုမှ စုံစမ်းခိုင်းရတယ်လို့"

သူဘာမှပြန်ပြောဘဲ ရှေ့က file ကိုယူကြည့်လိုက်တော့ ဓာတ်ပုံတစ်ပုံကိုတွေ့လိုက်သည်။

ပုံကိုကြည့်လိုက်တော့ မြင်ဖူးသလိုရှိတဲ့ မျက်နှာမျိုး သူလည်း သေချာမကြည့်ဘဲအိပ်ကပ်ထဲထည့်ထားလိုက်ပြီး ဆက်ဖတ်ကြည့်တော့

Name_ Doh Kyung Soo
Age _ 24
Do Groupရဲ့တစ်ဦးတည်းသောသား
Do Group ဆိုတာက ကိုရီးယားနိုင်ငံမှာ ဒုတိယအချမ်းသာဆုံး စားသောက်ကုန်လုပ်ငန်းစု
Hobby _ Cooking & Reading
ကိုရီးယားမှာရှိတဲ့ ROSE နဲ့ rose လက်ခွဲဆိုင်တိုင်းရဲ့ပိုင်ရှင်
ROSE ဆိုတာက Do groupနဲ့ မသက်ဆိုင်တဲ့သူ့ကိုယ်ပိုင်လုပ်ငန်း
............................................
Kim Jong Inတစ်ယောက်စာရွက်ကိုဖတ်ရင်း အထင်ကြီးသွားသည်။ သူ့ထက်နှစ်နှစ်လောက်ပဲကြီးပေမဲ့ ကိုယ်ပိုင်လုပ်ငန်းကြီးတစ်ခုကိုပိုင်ဆိုင်သည့်အပြင် ဒုတိယအချမ်းသာဆုံးလုပ်ငန်းစုရဲ့အမွေခံတစ်ဦးတည်းသောသား စားဖိုမှူးတစ်ယောက်တဲ့ ။ဒါကြောင့် Yeollieကပြောတာ ဒိတ်ဒိတ်ကျဲလို့