قوة عائلة الصاوي

البارت الثالث ♥

يترك جاسم و فارس يد عهد التي وقعت علي الارض و صرخت : باااااابااااا مااااامااااا متمشووووش لاااااا
لتقف و تذهب تجاه محمد ة تردف ببكاء و هسترية : انت بتقول ان ان يعني انا... و تبتلع تلك الغصة و تكمل ..بنتك صح طب لو فعلا عاوزني  اكون مرتاحة خليني اروحلهم والنبي ارجووك مش هقدر  اكون هناا لتشعر و كأنها نفسها يختفي رويداً لتستسلم لذلك الظلام وقبل ان تقع هناك يد امسكت بها ...
لم تكن تلك اليد سوا يد جاسم ليصرخ الجميع في هلع
ليردف محمد : عهد بنتي فوقي يا حبيبتي
ليردف احمد : اهدي يا محمد طلعها يا جاسم ترتاح
ليصعد جاسم بها الي الاعلي
لتردف شاهندا : هاتها فوق الاوضة بتاعتها هتبقي هنا الخدم جهزوها من شوية
ليضعها جاسر علي السرير برفق شديد
وتجلس بجانبها شاهندا لتحاول ان تجعلها تفيق
ليردف محمد بقلق : هي مش بتفوق لي
لتردف ياسمين محاولة تهدئته : متخافش يا بابي هتبقي كويسة
لتردف جيدا بضيق : هو انت مش دكتور يا فهد ما تشوفوها
ليقترب فهد و يردف : طب ابعدوا اشوفها مالها انتوا يعني سايبنلي فرصة
بينما تقف ليان في دنيا اخري تتابع فارس فقط
يقف جاسم و فارس بجانب بعض ينظرون فقط

ليهتف فارس بقلق : طب ايه يا فهد نوديها المستشفي احسن
فهد : لا لا متقلقوش دا من الصدمة بس سيبوها ترتاح شوية
لينسحب احمد : ما يلا محمد ننزل تحت
محمد برفض  : سيبني معاها شوية
شاهندا : لا يا محمد سيبها ترتاح عشان متقلقش و اول ما تفوق هنقعد معاها يلا بقا

لينسحوا جميعاً يذهبون و يجلسون في الصالون
جيدا بتوتر : متوقعتش ان كدا يحصل
لتردف ليان بنفس التوتر : ولا انا يا تري هتعمل ايه اما تفوق
لتردف ياسمين بقوة : هتعمل ايه يعني المفروض تتقبل الموضوع و غصب عنها
لتردف شاهندا : بالهدوء ياسمين متنسيش انها صغيرة لسا و مصدومة كمان يعني اهدوا عليها
لتردف ليان بمزاح : يا شوشو يا عاقلة
فارس بغضب : احنا ف ايه ولا ايه
ليان بنرفزة : وانت مالك وانا كلمتك اصلا
فارس بغضب كبير : اتلمي يا ليان واحترمي نفسك
وقبل ان ترد ليان هتف احمد بغضب و قوة : اييه احنا ف ايه وانتوا بتعملوا ايه
ليان : يا بابي
احمد : مش عايزة اسمع كلمة تاني
ليمر الليل علي الجميع و يخلدون كل شخص لجناحه

.........................
في منزل ايمن و فايزة تجلس شروق تحتضن ملابس عهد و تبكي بقوة
و خالد يجلس شارد بينما تمرد دموعه
لتهتف شروق ببكاء : لي يا ماااما ها لي سيبتيها طب و هي وافقت تبعد عننا
لتهتف فايزة ببكاء : غصب عننا يا حبيبتي يا بنتي
ليردف ايمن محاولة التماسك : بس بقا اسكتوا كفاية
خالد بغضب : لا يا بابا مش كفايا احنا اللي ربيناها اتعلمت معانا كل حاجة الحلو و الوحش الضحك و العياط الجد و الهزار الحب والحنان دا كله اتعلمتوا معانا احنا و يمكن هي مش عاوزة هناك مش المفروض نسألها
شروق ببكاء و غضب : لا ازاااي لازم يسبوها و يجوا و تلاقيها كانت منهارة
ايمن بغضب ووجع : عاوزني اعمل ايييه هااااا انطقوا هي بنتهم في النهاااية و دي ناس واصلة هعمل ايه هاخدها غصب عنهم ولا هعمل ايه ولا هما اصلا هيسبوها و اطمت هي شوية و هتتعود يبقي نسكت و نسيها ف وسط عيلتها ولا نحارب ناس احنا مش ادها
خالد بغضب : تمام يا بابا عن اذنك ليذهب صافعاً الباب خلفه بقوة
لتحتضن شروق والدتها ببكاء