نبض

البارت الثالث

#نبض
#للكاتبة ضوء القمر
Zahraa Hussain
الحزن چودر بنص گلبــي
رسالـه ونگعوني بماي والمكتوب مَـ يبيّن
ولا گدروا يفهموني
الحچي اليخنگني يطلع كلّه بعيوني

.....
نبض.مرات الحجي اذا طلع يحرج اهواي اكثر من الصمت ومرات هالصمت الي دومه يحمل نفسه اكثر من طاقته يتحول طاقه مكتومه متعرف بأي لحظة ينفجر. مرات نسكت وناخذ من الصمت سلاح ومرات هالسلاح يكون سبب بدمارك..

..اني تعودت اسكت وبكل مرة تصير سالفة اتجنبها بالصمت مو خوف ولا ماعندي لساني او ماعندي شخصية بالعكس بنيت لنفسي شخصية خليت المقابل يحس بغلطه مجرد مايشوفني. أما ليش اسكت لان مو كلشي يستحق نرد عليه ولا كلشي يستحق نطي حجم ومساحة وحتى وان كان هالشي يضرنه او يفيدنه. مرات بيبي تعصب مني وتزعل لان ماادافع ولا احجي ودوم اقابل المشكلة الي تواجهني بهدوئ اما احلها بطريقتي او اخليها من وحدها تنحل
..بس مرات لا ارد واخليهم يتندمون على كل لحظة فكرو يحجون بيها وياي
..ماانطيت ذيج الاهميه ماطول بيبي ماخبرتني بشي يعني مو سالفة جبيرة صعدت بدلت ونزلت توني اريد ادخل المطبخ واسمع ذلك الحجي الي يسم البدن ولو مو جديدة عليه .مرت عمي ابو وسام موجودة ومرت عمي سالم فريال طبعا فريال وماادراك مافريال هي تصير بنت عمهم مو غريبه هي الوحيدة مو غريبه لان مرت عمي ابو وسام غريبه ومرت عمي ابو سلمان هم فريال مايعجبها العجب ودوم شالعه كلب بيبي صاحبه لسان وخباثه وحسدوه

فريال :اكول ام وسام
ام وسام :كولي عيني
فريال :هاي مو على اساس تبقى يم اهل امها اشو رجعت
ام وسام :منو كلج هالحجي نبض سنه اخيرة وين  تروح هناك يصير صعب عليها دوام وبعدين ليش شايله همها
فريال :عشتوو اشيل هم هي منو واهتم بس ااخ من مرت عمي مترضه عليها لو نفتك منها
ام وسام :شنو هالحجي البنيه ممقربه منج مو زين من عمتي وساكتلج لو نسيتي سوالفج
فريال :هااا ولج تهدديني ترا اني فريال لا حسابلج انتي مرت الجبير لا حبيبه خليني ببالج محد يكدر عليه

ام وسام :اشوف لو ترحين منا افضل مااريد اتناقش وياج وهناك تعرفين الحق المن

نبض.رغم صفني كلامها بس عبرته بمزاجي بس اريد افهم عمي شنو شغله وياها ليش هيج مخليها مسيطرة دخلت .عمه ام وسام .خليها كلمن يعرف مكانته بهالبيت

فريال :والله وطلع لسانج يبت عهود
نبض.مااحب احد يجيب اسم امي على لسانه :منو كلج ماعندي لسان وبعدين مو كلشي يستحق نرد عليه..
فريال :اييي هيج احجي واني أكول تربيه ملكه مستحيل تفشل

ابو وسام :فررريال
.نبض.دخلت عمي ابو وسام جان افضل حل

فريال :هلا ابو وسام تعال شوف بنت اخوك اشلون تحجي
ابو وسام :بنتي نبض اخذي راحتج مااريد اتعبين
نبض :صار عمو
.طلعت وعمي ذلك الحجي حجاه بحيث فريال بلعت لسانها شنو لازمين عليها ماادري وليش هي تسكت من واحد يذكرها بالماضي .
.لحد الليل اجتي بيبي تعبانه مجرد ماسلمت ودخلت غرفتها رحت عليها
..الله يساعدج بيبي