#نبض
#للكاتبة_ضوء_القمر
Zahraa Hussain
عفه كلبي صلافه لبيه لاون
چفوفي مارخن للوكت لاون
عنيد وما صحت للمشه لا ون
ولاهمني لگطع وصله عليه
.......
نبض.مرت اسبوع على روحتنه لنجف والوضع شبه ساكن بيبي اي حركة منها ماكو ولا حتى من فريال او مشكلة وهالشي اهواي ربكني من غير اشوف بيبي دومها بالها مشغول وهالشي اهواي مخوفني عليها
..خاله بعد ما رحنه اكو احد اجه ورانه
صبرية :احد والله يمه مااذكر بس اظنن اجه منو مااعرفن
نبض :منو رجال لو مرة لو عرف
صبرية :مااذكر يمه عليش صاير شي
نبض :لا خاله ماكو
..مااستفاديت شي عبالي راح اعرف ليام سافر وحسيت فراغ اهواي جبير وكرم ماموجود هم واسامه اهواي مشغول وبقيت لوحدي ..طلعت برا البيت صاير يخنك من غير أفكاري الي متعبتني كلش
ابو سلمان :ها عمو كاعدة هنا
نبض :هلا عمو وحدي وين اروح
ابو سلمان :الجماعه عافوج
نبض :اي والله كلمن انشغل وبقيت وحدي وبيبي ماادري بس مبين عليها مشغولة
ابو سلمان :اااايي يابنتي الدنيه مشاغل ليش متطلعين تشوفين المختبر والشغل بي
نبض :اشلون اطلع وحدي
ابو سلمان :هسه اشوفلك واحد من الولد اني جوة يم الحجيه ان ردتي شي بس كولي
نبض.اهواي اشياء اريد اعرف شصار عليها :عموو
.التفت عليه وباوع بعيوني حس انو اكو أسئلة اهواي بيهن
ابو سلمان :كولي عمو امري
نبض :مايأمر عليك ظالم اكو شي او اشياء لازم اعرفها
ابو سلمان :لا ماكو شي ليش
نبض :هيج يس حبيت اسأل اخذ راحتك
..عافني وراح واني ادري كل الزين اكو شي بس ليش ميقبل يحجون هيج الموضوع صعب يحجو الي
.دك جهازي جان ليام
..تدري احسن وقت اتصالك
ليام :الكلوب سواجي اشلونج
نبض :الحمدلله بس
ليام :خير بس شنو اكو شي
نبض :مااعرف بس اظن اكو محد يحجي
ليام :مثل شنو يعني
نبض :سالفة الخطبة محد حجه بيها لسه
ليام :شنو القضية ليش لساهم ليش ماسالتي عمج الولد
نبض ماحجو حتى الولد ماجابو سيرة اصلا متأكدة اكو شي بس ميحجون والدليل كرم سافر لبيت عمه وحتى ماحجه شي وياي بالعادة يتعارك وياي
ليام :غريب والا ليش استغرب متأكد جدتج وعمامج محذريهم والا كرم مستحيل يسكت والدليل على كولتج سافر المهم لا تشيلين بال تصفى مااظن يأذوج بيوم وان صار شي وشفتي نفسج بطريق مسدود اتصلي بيه مباشرتا واني اتصرف
نبض :ليام انت خايف من شي
ليام.مااريد اسبق الأحداث بس خايف عليها :لا بس تحسبا لكلشي المهم ارتاحي وحاولي اطلعين بلكي اكمل شغلي وارجع
نبض :لا ليام مااريد اتعبك وياي بعدين ماكو شي اهم شي حياتك مااريد بيوم اسببلك أذى
ليام :ماأحب هالحجي منج نبض تعرفين معزتج عندي وخوفي عليج مثل ابوج وأكثر لا تتصورين بيوم اعوفج او اتعب منج سامعه اريدج بكلشي تفكرين بيه اني وياج دوم لا تفكرين بهيج سوالف
