#نبض
#للكاتبة_ضوء_القمر
Zahraa Hussain
من وديت دمعي وي الضرف صوغة
كسرت بخاطر الساعي
وكت !
خلة الرسايل تنقرة وتنعاف
صارن مالهن داعي !!
......
نبض.كضيت الليل سهرانه بعد مااخذ العلاج نام بس وجه بقى لونه اصفر قريت علاجه جان رمل بالكليى مجنت اعرف بس ليش ممسوي عملية اذا يخلصه منهن..طبعا مغير ملابسه مجرد مانزع السترة .واني كوة نزعت البدلة وليست تراك طويل وبقيت كاعدة رغم ميته تعب بس خفت يصير بي شي بليل .مدري اشلون غفيت وحسيت الفجر عليه. كمت صليت وقربت عليه لكيته متحسن. وكتها ارتاحيت وكدرت انام
...
راكان.مركزت على نفسي ابد من وره آلم كليتي اشلون جانت ليلتي ماادري من كعدت لكيتها نايمه بغير مكان مبين جانت كاعدة .خليتها ودخلت سبحت وخابرت ضاري لازم اسوي العملية
..الوو هلا يخوي
ضاري :هلا بالمعرس شكو داك عليه وعروستك يمك
راكان :بلا هالحجي اشوكت ترجعون
ضاري :بعد رجعتكم بإذن الله ليش
راكان :احجزولي وياكم تذكرة
ضاري :خير خما بيك شي
راكان :ماكو شي بعدين افهمك
ضاري :زين وعروستك
راكان :اني اتصرف المهم احجزلي
ضاري :تم على هالخشم
راكان :تسلم
ضاري :محتاج شي
راكان :لا سلامتك
.سديته ورجعت للغرفه لكيتها كاعدة
نبض :صباح الخير
راكان :صباح النور
نبض :اشلون صرت
راكان :الحمدلله بقيتي سهرانه
نبض.مكان يباوع بعيوني هيج احسن حتى لا أخجل :مو اهواي
راكان :تمام جهزي نفسج نطلع
نبض :وين
راكان :نطلع نزور
نبض.ماناقشته رغم جنت نعسانه بدلت لبست تنوره بينصل بصلي وقميص بصلي بي ورد ماروني وذهبي وسترة ماروني ماخليت مكياج مجرد كحل ولبست شالي وطلعت لكيته يخابر من شافني اشرلي على العباية .مجنت جايبه وياي كمل اتصاله
راكان.طلعت وشفتها بهاللبس عصبت مو مال اطلعها هيج :وين عباتج لا تكولين مجبتها
نبض :اني مالبس بس بالزيارات وعباتي بالجنط الي بالبيت
راكان :اشلون تنسيها اني مو بلغتج لبغداد نطلع
نبض :راحت عن بالي ترا لبسي مابي شي
راكان :والزيارة
نبض :البس جادر صلاة
راكان :سالفة احجيها لغيري امشي نشتري مناك
نبض.مااحب احد يجبرني باللبس اني غلطت مز ماجبتها طلعنه واشرالي عباية وجهازه ولا وكف اتصالات شنو القضية عالاقل كولو عريس ولو ممبين علينه
..زرنه وبعدها تريكنه وافترينه اشويه مصار بينه حجي مجرد أسئلة عادية واجه الليل وهو نفس ماهو اني من هالناحيه جنت مرتاحه يعني اطمن ولا هو بادر بشي حسيته ولا مهتم لوجودي او مو حاس جنت ابادله نفس الشعور ..وقررت اتعامل وياه بنفس الأسلوب. واني بهالسالفة مشهودلي
يوم السبعه كلها موجودة ومخبوصين طبعا مرت ابوه مقصرت سوت ذيج الحفلة الي الكل يشهد بيها وفرحتها ماتنطيها لاحد .بس اللبس لبستني عشر فساتين كل فستان لبسته عشر دقايق وابدله مجنت احب هيج بس انجبرت ونفس الشي راكان كال خلي تسوي الي يعجبها
