#نبض
#للكاتبة_ضوء_القمر
Zahraa Hussain
جرف النهر يختلف مومثل جرف العين
الماي ياهو اليجي والدمـع بس للزين
.........
في ديوان الشيخ عذاب .
راكان.كاعد يم جدي بعد مااتصل بيه واني انتظر يكمل سوالفه ويه شخص يمه مبين عليه الهيبه. رغم عصبيتي بس اجيت مااريد بغياب الوالد احد يحجي كمل الرجال وسلم وراح .
شيخ عذاب :حي الله الغالي
راكان :الله يحيك شيخ
شيخ عذاب :اي بويه وينك متبين ان شاءالله خير
راكان :مشغول وتعرف الوالد ماموجود وزاد عليه اوقات الشغل مو مال اعوف خالد لوحده وباقي شغلي اجيبه للبيت
شيخ عذاب :الله يكويك
راكان :يكوي بختك اي شيخي رايدني بشغلة
شيخ عذاب :جا انه بس بالشغل اريدنك غير وليدي وأريدك دوم يمي بس أكول مشغول وكافي عليك شغله
راكان :بالخدمة جدي
شيخ عذاب :كفوو ادريك كدها خلنه بالاهم شسالفة الكاع
راكان :والله ياجدي سالفة طويلة اول مااجيت للعراق اشتريت كاع وعلى أساس اجهزلها وره فترة طلعو ورثه بالكاع وعفتها وهناك عرفت كاع للوالدة الله يرحمها من رحت حتى اشوف السند لكيت بي نقص وعفتها وانوب قبل شهر تقريبا اشتريت كاع وجهزت المواد حتى ابني لان مظل وكت والبارحة هم طلعو ورثه وضجت كلش
شيخ عذاب :حكك بويه لون تضوج لچن كياعيني كلها چدامك وأخذ الي تعجبك وهمات هنه الكم
راكان :تسلم شيخي والنعم والله بس اني مااخذ اشتري منك تقبل اخذ ماتقبل اشوف غير منطقة
شيخ عذاب :شالحجي بويه جا انه المن تعبت وشكيت غير الكم انت وولد عمومتك وبعدين هي الكم إذا متاخذ مني تاخذ منين لعد
راكان :جدي مو هيج قصدي بس اني اريد ابدي من الصفر وكلشي اشتري واذا على سالفة اخذ منك عادي ماعندي مشكلة بس هسه مو وقتها
شيخ عذاب :جا اذا هسه متاخذ مني متى تأخذ وتقبل اساعدك
راكان.اشلون اكله انو اني مااريد مساعدة من احد مااريد احد بيوم يكول اني ساعدتك حتى توكف
..شيخي يجي وقتها
شيخ عذاب :هذا هو وليدي الي تشوفه اختارلك كاع وابيعها الك بس ها اني احدد السعر الي اريده وتقبل بي بدون اي نقاش
راكان :السعر الي يحدده القسام شيخي حلال حرام
شيخ عذاب :مالك دخل كاعي وانه حر
راكان.صفنت بوجهه ادري بي يحاول بكل الطرق بس مو وياي اذا هو عنيد اني اعند منه :ان شاءالله شيخ
..بقيت يمه على الغدة وهم ايمن اجه وعمامي جانو موجودين وحجو بسالفة زواج عمر طبعا عمر ابن عمي ثامر جان عايش برا وهسه رجع طلع يدرس ورجع حتى يتزوج البنيه الي قبل لا يسافر حاجزيها اله
شيخ عذاب :بويه علامك هو هذا حجي البت من سنين حاجزيها لابنك عرفتو شي عنها سالتو اشبيها مابيها لو هسه يله من رجع تزوجون
