#نبض
#للكاتبة ضوء القمر
Zahraa Hussain
لو بيدي اضمچ عالبشر
ماله البلم غير النَهر
مفضوح كلمن يعشگ
مثل الهوه الحب ينكشف
من يحترگ لو يغركَ
وانه بداية غيبتچ
بثنينهن شافوني ،
...(قبل البدأ بالقراءة اريد منكم تقرون باحساس لان هالبارت مليان احساس )
نبض.بعد ماطلعت من البيت رحت لهناك هو المكان الوحيد الي متأكدة اي شي احجي ينسمع مكان كله حنان ودفئ .اليوم مثل سنه اني بالنجف بس هالسنه عمي نسى اليوم شنو او بالاحرى اللته ومنا سالفة وسام حقه لو ينسى ماللوم احد .الي صار وياي استغلته فرصه وطلعت من بدون مااخبر احد صح تصرفي غلط ويمكن البعض يشوفه طفولي بس اني حقي اهلي راحو واني محتاجتلهم اهواي بس همه جفو بيه خلوني لوحدي
.من وصلت للمنطقه خففت السرعة حتى اذكر كل ركن بيها وأذكر طفولتي الي مااذكر كلشي منها .ومن وصلت للبيت الي وعيت على كل ركن بي وكل شبر بي وماتهنيت بي
.اخر مرة اجيت جنت خامس اعدادي صارت مشكلة مااذكر بوكتها شنو السبب بس كلش ضجت واجيت هنا بيومها تخربطت وحالتي حالة جان كرم واسامه وياي همه لكوني تذكرت موت اهلي وجنه امس صاير الحادث
..نفضت ذكرياتي ونزلت افتح الباب ماحبيت احد يعرف بيه هنا السيارة دخلتها جوة
..الأشجار والحديقه مااعرف منو يعتني بيهن لان ماعندي مفتاح صدفه لكيت نسخه من فترة
.اباوع على كل ركن واشوف طفله تركض وابوها وراها تضحك للهوى وامها تصور بيها .ولقطه ثانيه تلعب جوة المطر وامها تصيح بيها وابوها فرحان لعبها
..للحظة تحول هالضحك والنور واللوان إلى حزن وانطفئ النور وطفلة وحيدة
..غمضت عيوني بقهر والحزن هد كلبي هد
..ماما اليوم جايه احتفل بميلاد بابا تعودتي تحتفلين بي كل سنه كل سنه اجيكم لهناك بس اعذروني لان مااجيت ادري بيكم منتظريني لكن مابيدي حيله
..اثاث البيت كان مغطى بقماش ابيض حتى لوحات جانت لبابا لان جان يحب الرسم وجمع لوحات مغطيهن بداية الصالة تقابلك لوحه جبيرة رسمها شخص عزيز على بابا اذكر بوكتها كانت هدية بابا لماما بمناسبة زواجهم باللوحه اني بحضن بابا وماما بصفنه وبابا حاضن خصرها وهي تبتسم بوجه الي كان عيونه مركزات عليها
..أجمل لوحه شفتها اشكد تمنيت أخذها وياي من بيبي صارت الوصيه عليه بس مقبلت وبجيت اهواي بس بيبي ظلت مصرة على قرارها
..بقيت افتر بالبيت نسيت نفسي ويه كل خطوة كنت امشيها .مثل الحلم رحيلهم واتمنى اصحى منه .البيت الي جان كله صوت ضحك تحول لبيت بدون اللوان
مااعرف اذا راح تسمحلي بيوم ارجع افتح هالبيت او لا..رغم ادري بروحي هالمكان اهواي اتأذه وتوصل بيه أفقد .بس هالمرة اني اصلا فاقدة
..فتحت باب لمكان جان الي بي ذكريات واجمل ايام قضيت بي بس للاسف كانت ايام معدوده تنعد على الأصابع. المكتبة اكثر مكان احبه بابا مو بس جان يحب الرسم واللوحات لا كان يحب يقره ومرات يكتب .وجنت اكعد ساعات يمه
..اخذتلي كتاب قديمه وكعدت اقره واصوات ببالي وارسم بخيالي طفولة حلوة انسلبت منها الروح
..إلى أن اخذتني غفوة.
......
كرم :اسامه تتوقع راحت لهناك
اسامه :وين تقصد
كرم :بيتهم
اسامه :بيتهم لا يمعود نسيت المفتاح عدنه واشلون تروح وحدها وهي تدري بروحها تتأذه
كرم :ميهمها المهم مكان تحبه حتى لو يأذيها واظن اليوم بالذات هي محتاجه هالمكان
اسامه :لحظة اليوم مو الي دوم تروح بي للنجف
كرم :اي وبما انو متكدر تروح لنجف راحت لبيتهم امشي نتأكد
..اشكد اتمنى اطلع غلطان اخر مرة حالتها جانت تبجي ومن عدها غيرنه القفل وخليت المفتاح عندي اشكد تسأل عنه مااجاوبها بس اشلون وصلت للمفتاح مااظن كدرت تدخل .نبض ليش تعذبين نفسج
..اسامه
