#نبض
#للكاتبة_ضوء_القمر
Zahraa Hussain
انا المذبوح سكتة وگبري حدر الثوب
انا المذبوح يامكثر سچاچيني
.....
الايام تمضي ولكن ببطئ لبعضنا والبعض الاخر تمر بسرعة هناك أشياء كثيرة تحدث وتجعلنا نغير نظرتنا للاخرين هناك السلبي منها والايجابي ولكن تبقى نظرتنا خاصه
نبض.كعدت بعد ليلة طويلة هالفترة اهواي تعبت او كلنه تعبنه وخاصه بعد موت رياض الي مضه عليه اسبوعين والبارحة جانت كعدت الشيوخ حتى يفصلون
طبعا عمامي مقبلو بالفلوس لان مراح ترجع الي راح ولا
راح تفيدنه بشي وطلبو ينطون الي مسوي الحادث
..نفضت الأفكار من راسي لان صار اسبوعين احنه نحجي بالسالفة تعب مو طبيعي للعقل. غيرت ملابسي طبعا اسود لبست ولو دوم الأسود مناسبني اخذت ملازمي ونزلت
..صباح الخير بيبي
حجيه ملكه :صباح النور
نبض :اشلون صرتي اليوم
حجيه ملكه :الحمدلله بعد دوامج جهزي نفسج نطلع
نبض :وين نطلع
حجيه ملكه :عرس ابن خالج
نبض :هاي صدك بيبي وين نروح هو رياض مصارله اهواي من توفه اشلون نروح
حجيه ملكه :الواجب واجب يمه والناس زود منهم اجلو عرسهم لا تنسين مايربطنه بيهم غيرج
نبض :اعرف ولهذا هم اجلو العرس علمودي بس بيبي مو مال ترحين اني اروح مااريد احد يحجي
حجيه ملكه :لا مترحين وحدج نروح نسلم ونرد
نبض.مكدرت اعاندها وهم صح كلامها عيب بس والله مو بنفسي اروح وهم اني لابسه اسود وخطية حازم .ونفس الوقت مو ناقصه مشاكل
..صار الي تشوفي
..اجاني كرم وطلعنه
..اكلك كرم اكو سالفة نسيت أسألك عنها
كرم :وهي
نبض :البارحة جنت ضايج وماتتحاجه خير شصاير
كرم :مو صاير شي لا تشغلين بالج
نبض.هو هذا الي فالح بي لا تشغلين بالج وصلنه الكليه
اول محاضرة جانت للاستاذ الي صارحني اكيد بكل مرة يدخل يباوع اذا موجودة أو لا بس كرم عرف وبدل مايكعد بصفي كعد كبالي حتى لا يشوفني
انهار :هالخبل اشبي
نبض :مابي بس شاف عيون عليه
انهار :جا اشبيه محد يسويلي هيج
نبض :هههه خليج هيج مرتاحه عبالج هالشي حلو لا والله يشلع كلبج
انهار :بس غير حلو
نبض.ضحكت هاي متدري بسالفة عبالها مثل القصص متعرف اشكد اتخبل من هالسالفة تحسسني بسجن كافي عليه سجن بيبي كل هذا تحت مسمى نخاف عليج ..عفت أفكاري الي متعبتني على جهه وانتبهت على المحاضرة وعيون هالاستاذ مافارقتني طول المحاضرة. بس خلصنه كرم مباشرتا باوع عليه
كرم :بدون حرف اطلعن اول الطلاب مفهووم
نبض.ماردت عليه وصدك بس انطانه اذن طلعنه
انهار :نهاية ابن عمتج يدخل سجن من روه ذولة
نبض :اسم الله يمعودة شنو القضية
انهار :متشوفين اشلون متخبل
كرم :ليش هنا واكفات
انهار :عاجبنه اكوو مانع هم كول اكو احد هنا
كرم :انهار لسانج لا اطولي وياي
نبض :اش كافي ورانه امتحان
