#نبض
#للكاتبة_ضوء_القمر
Zahraa Hussain
مدري ليش
المايندهك للگصب يبچي اعله نايك
ومدري ليش
الماتگله الله كريم دوم مايمشي اعله مايك
......
عمار.كاعدين بديوان الشيخ والشيخ معصب اهوواي ونظرات الغضب من سعد وسعد مكان هامه احد ولا كأنه مسوي شي
مهدي :هذا من كل عقلكم مصدكين يحجي لو يعترف على روحه
عمار :ميسويها بس راح ينجبر
مهدي :منو يجبره ليش احسك ضام عليه
عمار :مهدي خلي نسمع الحجي وبعدين نسولف
مهدي :نشوف اشلون تصفى وياك
شيخ حمد :اي بأبن ابني يالشفيه وين جنت
سعد :والله ياشيخ واضح من كلامك متعرفون بشغل جبيركم وحفيدك الي مفتخر بي
شيخ حمد :تحجه عدل وبلا هالحجي وين جنت يالاغبر
عمار :بضيافتي شيخنه اختصرلكم الطريق
.كلها صفنت عليه راد عمي منذر يحجي جدي سكته وبدأ يحجي ويه سعد وسعد يحجي على راحته ومن وصلنه لسالفة البنيه واكيد العار نكر
شيخ حمد :سعدد لا تجذب البنيه اجتي واتعرفت بكلشي
سعد :وانتو صدكتوها
مهدي :وليش من صدكها وكلشي نعرف عنك عبالك ماسالنه لو غشمه احنه
سعد :اي غشمه والكل الي حجته الكم جذب
شيخ حمد :جببب طايح الحظ محد غشيم غيرك جا اكو واحد يكتب على روحه كمبيالات ولك يالاغبر مافكرت بينه مافكرت بالجهال منوو يتحمله
سعد :اي طفل انوب
منذر :شنو اي طفل جا هي منين حملت
سعد.لا يالعار اشلون تحمل :مالي شغل مراح اعترف بالطفل خلي تذبه
عمار.من حجه هيج كام جدي عليه وكوة ابوي وعمامي بعدو
شيخ حمد :جللب حقيير اشلون تذب بزرك ولك انت شنووو فوك شينك كوات عينك
سعد :اييي مااالي شغل تردون انتو تحملو والا اموته واموتها شكوو باقيه أهلها وميتين
شيخ حمد :طايح الحظ جااا هي هاي رجولة لك بدل متصيرلها زلمه معدل تصير عليها انت وعمها
سعد :والله مبينه اهواي حاجيه الكم وانتو مصدكين هالعار
عدنان :سعدد اهواي جاي تتجاوز شنو صغار وتضحك علينه مرة اذا انت عار وضحك عليك عمها احنه مو مثلك
سعد :عدنان اني سعد محد يضحك عليه
عمار.على سوالفه العار عمي عدنان ضربه بس للاسف العار ولا فاد بي
عدنان :احنه اهواي منطيك مجال وشخت علينه ولك اني تصيح بأسمي لك عاااار هو انت اشوكت صرت
سعد :هسه انتوو شرايدين زواج اي اعترف متزوج وهم هالطفل مني ولا اني معترف لا بيها ولا بالطفل
شيخ حمد :غصبا عنننك سااامع وتسجل زواجكم بالمحكمه والمرة والطفل ياخذوهم حقوقهم منك مفهوووم كلامي لو اعيد اسمعني ياسعد كلامي يوصلك ويتعداك لووو اسمع بيك مسوي شي انت وامكم بالعباس لا انت ابن ابني ولا انه جدك وهاالحجي الكم كلكم ساامعين
