အပိုင်း ၄၃
Unicode
" သူက အစစ်ဆေးခံနေရသေးလို့ လောလောဆယ်တော့ လွတ်ဦးမှာ မဟုတ်ဘူးတဲ့လား။ "
လီရှီချင်း အေးစက်စွာ မေးလိုက်တယ်။
" ဆီးစစ်ပြီးတော့ ဆေးမသုံးထားဘူးဆိုတဲ့ အဖြေထွက်ပေမယ့် ရောင်းဝယ်မှုနဲ့ပတ်သက်ပြီး မသင်္ကာလို့ ထပ်စစ်ဆေးခံနေရတယ်။ "
ဂိုဏ်းအတွက်နှစ်ပေါင်းများစွာ အလုပ်လုပ်ပေးလာတဲ့ အတွေ့အကြုံရင့်ရှေ့နေ ဝမ်ဝေစီက ပြောတယ်။
" တစ်ဦးချင်းစစ်ဆေးခံရတဲ့သူတွေကို နောက်ထပ်အကြောင်းကြားစာမရမချင်း လွှတ်ပေးလို့မရဘူး။ "
" သူနဲ့ခင်ဗျား မတွေ့ရသေးဘူးလား။ "
" ရှေ့နေ့ကျိုးက သူနဲ့ဒီမနက်တင် သွားတွေ့လာပါတယ်။ "
ဝမ်ဝေစီက မျက်မှန်ကိုပင့်တင်ရင်း
" ဒီအနီးအနားက မြို့တွေမှာ မူးယစ်ဆေးနဲ့ပတ်သတ်ပြီး တင်းကြပ်ထားတာ နှစ်နှစ်လောက်ရှိပြီဗျ။ ဆေးကို လက်ဝယ်တွေ့ရှိသူဆိုရင် ကျိန်းသေ အရေးယူခံရမှာပဲ။ အာဏာရှိသူတွေကလည်း မူးယစ်ဆေး ရောင်းဝယ်ဖောက်ကားတဲ့သူတွေကို တစ်ခါတည်းနဲ့တင် အမြစ်ဖြတ်ချင်နေကြတာ။ အဲ့တော့ ရှောင်းလီအတွက် အခြေအနေမကောင်းနိုင်ဘူးထင်တယ်ဗျာ။ "
လီရှီချင်းက နှာခေါင်းရှုံ့ကာ
" သူက ဘာပြောသေးလဲ။ "
" သူက ဆေးကို လင်းယုံဆီက ရတာတဲ့။ အဲ့အချိန်တုန်းက သူ့လက်ထဲက ပစ္စည်းကို လက်စဖျောက်ဖို့အချိန်မရှိခဲ့လို့ပါတဲ့။ ဒါပေမယ့်လည်း ဒီလောက်ပြဿနာတက်သွားမယ်လို့မထင်ဘူးတဲ့ဗျ။ သူလည်း အဝေးပြေးလမ်းမှာ ကားမောင်းပြန်နေတုန်း လမ်းမှာ အစစ်ခံရမယ်လို့ ဘယ်ထင်ပါ့မလဲဗျာ။
ဒါပေမယ့် စစ်မေးခံရတုန်းကတော့ သူက ဆေးကို တခြားမြို့က မဟုတ်ပဲ အဲ့ဒီမြို့တွင်းကပဲဝယ်တာလို့ အတင်းငြင်းတယ်။ ပြီးတော့ ဘာတွေဆက်ဖြစ်လာနိုင်တယ်ဆိုတာလည်း သိပုံမရဘူး သူက။ အဲ့တော့သူလည်း အထဲမှာ ပြင်းပြင်းထန်ထန် စစ်ဆေးခံနေရတော့တာပဲ။ "
လီရှီချင်း ဘာမှပြန်မပြောသေးခင် အခန်းထောင့်နားမှာရပ်နေတဲ့ ယန်မင်ကို ဝမ်ဝေစီ အကြည့်တစ်ချက်ပေးလိုက်တယ်။
VOCÊ ESTÁ LENDO
Lawless Gangster (Myanmar Translation)
RomanceOriginal Author - Bai Shan Hei Shui Total - 79 chapters + 5 extras Genre - Action, Romance, Modern Time Disclaimer - I don't own any of this novel content. All belongs to the author Bai Shan Hei Shui.
