Dare You Come Back Home [U+Z]

Dare You Come Back Home(2)

[Unicode]

ကုန်းကျွင်း Orange ဖက်ရှင်ဒီဇိုင်းကုမ္ပဏီကြီးရဲ့ မန်​နေဂျင်း ဒါရိုက်တာ..။
အသက် ၂၆နှစ် ငယ်ငယ်ရွယ်ရွယ်နှင့်​ အောင်မြင်လာသူ..။ရုပ်ရည် ဥစ္စာ ​​အောင်မြင်မှု မိသားစု​​​နောက်ခံ ​အကုန် ပြည့်စုံပါ​သော အနှီ​ကောင်​လေး​တွင် သတင်းလိုလို အတင်းလိုလို စကားများ​ကြောင့် နာမည်တစ်ခုက​တော့ တွင်လုနီးပါးပင်..။

"မယကကျွင်းကျွင်း"

(မယက= မယား​ကြောက်)

~~~~~~~~~~~~~~~~~

"အား အားလုံးပဲ မင်္ဂလာပါ...ကျွန်​ ကျွန်​တော်က အလုပ်သင် ​​​မာဝမ်းယွမ် ဖြစ်ပါတယ် ကျွန်​တော့်ကို သင် သင်ကြား​ပေးကြပါဦး"

အူ​ကြောင်​ကြောင်နိုင်ပုံရ​သော အရပ်ရှည်ရှည်နှင့် မျက်လုံးဝိုင်းဝိုင်း ​ကောင်​လေးတစ်​ယောက် ၏ နှုတ်ဆက်သံအဆုံး အပြီးတွင်​တော့ အခန်းအတွင်း ရှိကြတဲ့ ဝန်ထမ်း​တွေအကုန် သူ့​နေရာ သူပြန်လှည့်ကာ အလုပ်ဆက်လုပ်ကြ​တော့သည်..။ တစ်​ယောက်မှ ပြန်​တောင် မနှုတ်ဆက်..။

​​မာဝမ်းယွမ် လေထုအ​ခြေအ​နေမ​ကောင်းသည်ကို ခံစားမိလိုက်သည်..။

"မင်းက မဂ္ဂဇင်းအဖွဲ့ကို အသစ်​ရောက်လာတဲ့ အလုပ်သင် ​မာဝမ်းယွမ် ဟုတ်တယ်မလား"

"ဟုတ် ဟုတ်ပါတယ်.."

"အာ ငါက ​လော့ချင်းရှန်း မင်းအဖွဲ့​ခေါင်း​ဆောင်​ပေါ့"

"အာ မင်္ဂလာပါ အဖွဲ့​ခေါင်း​ဆောင်​လော့"

​ခေါင်း​ဆောင်မှန်းသိသွား​တော့ ​မာဝမ်းယွမ် ​ခါးကို ၉၀°​​လောက်ထိ ကိုင်းချလိုက်ရင်း ထပ်နှုတ်ဆက်လိုက်​လေသည်..။

"ဟားဟား အဲဒီ​လောက်ကြီးလည်း မလိုပါဘူးကွာ..​ခေါင်း​​ဆောင်​လော့​ လောက်ပဲ ​ခေါ်ရင် ရပြီ"

"ဟုတ်ကဲ့ ​ခေါင်း​ဆောင်​လော့"

​မာဝမ်းယွမ် ခေါင်းပြန်​မော့လာကာ ရယ်ကျဲကျဲ လုပ်ပြလိုက်ရင်း ​ခေါင်း​ဆောင်​​လော့ကိုပြန်​ဖြေလိုက်သည်..။

​​ခေါင်း​ဆောင်​လော့ အရပ်က ၆​ပေ၁​လောက်ရှိနိုင်သည်..။ ဝတ်စားပုံလည်း ဖက်ရှင်ကျ၏..။မျက်​ထောင့်ချွန်ချွန်နှင့် နှာတံမြင့်မြင့် ..။​မော်ဒယ် ဟု​ပြောလျှင်ပင် ယုံချင်စရာ​ကောင်းလှသည်..။ပြစ်ချက်​ရှိသည်ကား နားရွက်တစ်ဖက်နှင့် တစ်ဖက် သိပ်မညီ​နေခြင်း..။မဟုတ်...နားရွက်တစ်ဖက်က ​အောက်ဘက်နား နည်းနည်း ပဲ့​နေသလို ဖြစ်​နေခြင်းပင်..။