[Unicode]
"ဘီဘီ ဘာလို့ ကိုယ့်ကို မစောင့်တာလဲ"
ဖုန်းထဲ ဟော့ပေါ့ဆိုင် လိုက်ခဲ့ဖို့ ပြောပြီးပြီးချင်း ကုမ္ပဏီ အပြင်ဘက် လှည့်ထွက်သွားတဲ့ ကျယ့်ဟန်ကို ကုန်းကျွင်း အနောက်ကအမှီလိုက်ကာ လက်ဆွဲရင်း မေးလိုက်သည်..။
"ဒီမှာ လူများတယ် ဟော့ပေါ့ဆိုင် အရင်သွားပြီးမှ ပြောရအောင်"
ကုန်းကျွင်းမျက်နှာကို မကြည့်ပဲ အေးအေးဆေးဆေး ဆက်ပြောကာ လမ်းဆက်လျှောက်သွားတဲ့ ကျယ့်ဟန်ကြောင့် ကုန်းကျွင်း အခြေအနေ နားလည်သွားရတော့သည်..။
သူ သဝန်တိုနေတာ..။
ကုန်းကျွင်း ကျယ့်ဟန်စကားကို နားထောင်လျက်ပင် ဟော့ပေါ့ဆိုင်ထဲမရောက်မချင်း စကားမစ..။
ဟော့ပေါ့ဆိုင်ထဲရောက်တော့ ကျယ့်ဟန်က သူ့အတွက်သူပဲမှာလိုက်သည်..။ကုန်းကျွင်းကို ဘယ်လိုအရသာ စားမှာလဲ တစ်ခွန်းမမေး..။
ကုန်းကျွင်းလည်း အလိုက်တသိပင် လိုတာလေးတွေ ဆက်မှာကာ ကျယ့်ဟန်ရှေ့တည့်တည့်က ခုံကို ဝင်ထိုင်လိုက်သည်..။
ကျယ့်ဟန်က လုံးဝသူ့မျက်နှာကို မကြည့်..။
ကုန်းကျွင်း စိတ်ထဲ ငိုချင်လာသည်..။ဆူပူသောင်းကျန်းလိုက်တာထက် ငြိမ်နေပြီး အေးစက်စက် ဆက်ဆံတာက ပိုဆိုးသည်လေ..။
"ဘီ..ခုနက "
"ဒီ ဝက်သားပြားက ဒီဝိုင်းက ယူမယ်ပြောထားတာလားဗျ"
ကုန်းကျွင်း အရဲစွန့် စကားစပြီးကာမှ ဆိုင်စားပွဲထိုးလေးကြောင့် စကားစတို့ပျက်သွားရသည်..။
"ဟုတ်တယ် အာ ဒါနဲ့ လက်ဖက်စိမ်းဖျော်ရည် ရတယ်မလား"
"ဟုတ် ရပါတယ် "
"ဒါဆို တစ်ခွက်ချပေးပါ"
ကုန်းကျွင်း :....။
(တရုတ်တွင် လက်ဖက်စိမ်းသည် ဖောက်ပြန်ခံရခြင်း/ဖောက်ပြန်နေသည်ဟု အဓိပ္ပါယ်ရှိ)
"ဘီဘီက လက်ဖက်စိမ်းဖျော်ရည်မကြိုက်တတ်ပါဘူး"
"အခုသောက်ချင်လို့လေ"
![Dare You Come Back Home [U+Z]](https://img.wattpad.com/cover/288728296-64-k625063.jpg)