Dare You Come Back Home [U+Z]

Dare You Come Back Home (3)

[Unicode]

မနက်ခင်း ​နေ​ရောင်ခြည်နုနု​​လေးက အဖြူ​ရောင်သုတ်ထား​သော ပြတင်း​ပေါက်​လေးမှ တစ်ဆင့် ကွန်ဒိုခန်းဖြူဖြူ​လေးထဲ ဖြာကျလျက်...။

ဆံပင် ခပ်ရှည်ရှည် ​​ကောက်​ကောက်​လေး ကို ဖရိုဖရဲ စီးထားကာ အပြာ​ရောင် ညအိပ်ဝတ်စုံ မလဲရ​သေးပါပဲ မနက်စာလုပ်ရန် ပြင်​နေသည့် ​ကောင်​လေးတစ်​ယောက်က​တော့ မ​နွေး​​ထွေးနေရှာ​ပေ..။

"ကြက်ဥက ​ထောပတ်နဲ့ ​ကြော်တာ​ကောင်းတာလား ဆီနဲ့​ကြော်တာ​ကောင်းတာလား?"

ကျန်းကျယ့်ဟန်​တစ်​ယောက် ကြက်ဥတစ်ဖက် ဒယ်အိုးတစ်ဖက် ကိုင်ရင်း ​ဝေခွဲမရဖြစ်​နေ​တော့သည်..။

ဒီ​နေ့က ကုန်းကျွင်းကို အိမ်​ပေါ်က နှင်ချလိုက်တာ၃ရက်​မြောက်​နေ့ပင်..။ပုံမှန်ဆိုလျှင် ကျန်းကျယ့်ဟန် မထခင်က​တည်းက ကုန်းကျွင်း ကနှစ်​ယောက်စာ မနက်စာလုပ်ထားပြီးဖြစ်သည်..။

ကုန်းကျွင်း အလုပ်နှင့် ခရီးသွားရမည်ဆိုရင်​တောင် ​ရေခဲ​သေတ္တာထဲ မုန့်အပြည့် နှင့် ရိက္ခာအပြည့် လုပ်ခဲ့​ပေးပြီးသား..။

"ပေါင်မုန့်ပဲ​စား​တော့မယ် ​​တော်ပြီ!"

ကျယ့်ဟန် ကြက်ဥ​ကြော်မဲ့ အစီအစဥ်ကို လက်​လျော့လိုက်​တော့သည်..။​​ပေါင်မုန့်ကို ကိုက်လျက် ​ကော်ဖီတစ်ခွက်​​ဖျော်​နေရင်း အာရုံ​ရောက်လာတာက ဖျက်စီးခံထားရ​သော ပန်းချီကား..။

"ကျစ် ဒီ​ခွေး​ကောင်​လေးက​တော့ မကြီးမငယ်နဲ့"

ဒီ​ကောင်​လေးဆိုးသမျှ အကုန်သည်းခံ​ပေးနိုင်​ပေမဲ့ ဆွဲလက်စ ပန်းချီကား ဖျက်စီးခံရ​တာ​တော့ ပညာ​ပေးမှဖြစ်မည်..။လုပ်သွားတာကလဲ မကြီးမငယ်နှင့် နှုတ်ခမ်း​မွှေးနှင့် ဂျို ထပ်ဆွဲသွားခြင်း..။

ကျယ့်ဟန် ​ပေါင်မုန့်ကို ဖြည်းဖြည်းချင်းဝါး​နေရင်း ပုံကို အသစ်ပြန်မဆွဲပဲ အ​ပေါ်က​နေမှ လိုက်ပြင်ကြည့်ဖို့ ကြိုးစားကြည့်သင့် မသင့်ကို ​တွေး​ကြည့်လိုက်​တော့ မလွယ်..။အသစ်ပြန်ဆွဲရ​အောင်လည်း စိတ်မပါ​တော့..။ကျန်းကျယ့်ဟန် စိတ်ရှုပ်ရှုပ်နှင့်သာ ​ပေါင်မုန့်ကို ဖိဝါးစား​နေ​လိုက်​တော့သည်..။