( ၆ )
ကိုယ့်ကို မေ့ချင်တဲ့အခါ
သူ့ကို ချစ်တဲ့အကြောင်းတွေပြောပါ။
ကိုယ့်ဆီ ပြန်မလာချင်တော့တဲ့အခါ
သူ့ကို '' ဘယ်တော့မှမခွဲဘူး '' ဆိုတဲ့ ကတိတွေ
ပေးပါ....အယ်မာ။
( ၇ )
တနင်္ဂနွေခေါင်းလောင်းသံတွေက
ခြောက်ကပ်ကပ်ပဲ အယ်မာ။
ဆိုခဲ့ဖူးတဲ့ ကတိသစ္စာတွေကို ပြန်ကြားမိတော့
'' ထာဝရ '' ဆိုတာဟာ မယုံကြည်ချင်စရာပါပဲ။
( ၈ )
ဘဝအဆက်ဆက်မှာ ပြုစားလှည့်ပါ အယ်မာ။
နာကျင်ရဦးမယ်ဆိုရင်တောင်
မင်းပြုစားတိုင်း ကိုယ်ရူးပြီး
နောက်ထပ် အကြိမ်ကြိမ် မင်းရှေ့မှာ
ကိုယ် ကျရှုံးပြပါ့မယ်။
( ၉ )
စီးကရက်လိပ်တွေ လျှော့သောက်ဖို့
ကိုယ် မမှာတော့ဘူး အယ်မာ... ။
နောက်ဘဝတစ်ခုမှာ ကိုယ်တို့ ပြန်ဆုံမယ်မလား။
မင်းကို ချစ််ရမယ့်ကံနဲ့ပဲ ကိုယ် သန္ဓေတည်ချင်တယ်။
( ၁၀ )
အတိတ်ဟာ အတိတ်ပါပဲ။
အတိတ်ဟာ မင်းပါပဲ။
ကိုယ် ပြန်လှည့်တွေးရုံပဲ တက်နိုင်တယ် အယ်မာ။
