မျက်လုံးတွေလူးလွန့်လှုပ်ရှားရင်း အသာအယာဖွင့်ကြည့်လိုက်တော့
နှာခေါင်းထဲကိုဆေးနံ့စူးစူးကတိုးဝင်လာခဲ့သည်။
ဆေးရုံတစ်ခုကိုရောက်နေတယ်ဆိုတဲ့အသိက
သူ့ကိုပိုနာကျင်စေသည်။
ငွေကြေးကလွဲရင်အရာရာချို့တဲ့သောသူတစ်ယောက်အတွက်
ဘဝတစ်ခုကိုအသစ်ကပြန်စရတာကမှ
တော်ပါဦးမည်
ယခုဘဝမှာပတ်ချာလည်နာကျင်နေရတာပင်ပန်းလွန်းလှပြီဖြစ်သည်။
မျက်နှာကြက်ဖြူဖြူကိုငေးစိုက်နေတုန်းနားထဲကိုဝင်လာတဲ့အသံတစ်ခုကိုကြားလိုက်ရသည်
" ခင်ဗျားသက်သာလား"
သက်သာလားလို့ဂရုတစိုက်မေးနေသော
သော်ဇင်ကို နိုင်းနေခဟာအသာအယာ
ခေါင်းညိတ်ရင်းတုံ့ပြန်လိုက်သည်။
" အခုတော့ အားလုံးသိသွားပြီပေါ့"
ခပ်တိုးတိုးရေရွတ်ရင်း ပြုံးတော့
ကိုသော်ဇင်ဟာ သူ့ကိုစေ့စေ့သာကြည့်နေသည်။
" မေရွက်ဝါကိုထားခဲ့တာ ဒါကြောင့်လား"
တစ်ခွန်းချင်းပီပီသသမေးလိုက်တဲ့ သော်ဇင့်စကားကို
နိုင်းနေခဟာပြန်မဖြေပါ။
" ဒါ့ကြောင့်လားလို့"
ဒီတစ်ကြိမ်တော့ သော်ဇင်ရဲ့အသံဟာခပ်ကျယ်ကျယ်ထွက်လာခဲ့သည်။
ထိုမှသာနှုတ်ဆိတ်နေသောနိုင်းနေခသံမှစကားသံထွက်လာတော့သည်။
" ဟုတ်တယ်
ကျွန်တော် မေရွက်ဝါကိုရင်နာနာနဲ့
အဝေးကိုပို့ခဲ့တာ
ဒါပေမဲ့ခဏခဏ လွမ်းတိုင်း
သူ့ဆီရောက်ဖို့ ကြိုးစားနေမိတဲ့
ကိုယ့်စိတ်ကိုယ်မထိန်းနိုင်ခဲ့ဘူး
အဲ့ဒီ့အတွက် ကျွန်တော်
ကိုသော်ဇင်ကိုတောင်းပန်ပါတယ်"
နိုင်းနေခ ပြောတဲ့စကားကို သူဟာကြားပေမဲ့ ရပါတယ်ဟု
ပြန်မဖြေဖြစ်ပါ
သူဟာဒီလောက်သဘောကောင်းတဲ့လူမျိုးတော့မဟုတ်ခဲ့
ရင်ထဲမှာ စိုးထိတ်တဲ့ခံစားချက်ကလွဲရင်ဘာမှရှိမနေတော့ပါ
YOU ARE READING
Friends With Benefits
Romanceဘယ်သောအခါမှ ချစ်တယ်မပြောဖူးတဲ့ နိုင်းနဲ့ အကြိမ်ကြိမ်ချစ်တယ်လို့ပြောခဲ့ဖူးတဲ့မေရွက်ဝါ နှစ်ယောက်စလုံးဟာ အချစ်ထက် တခြားအရာတွေအတွက်သာယာဖို့သက်သက် သဘောတူညီချက်တချို့နဲ့ တွေ့ဆုံခဲ့ပြီး အရာရာနောက်ကျမှ တစ်ယောက်ကိုတစ်ယောက်မခွဲနိုင်တော့မှန်းသေချာတဲ့အခါ.....
