حال۔۔۔۔۔
وہی پسند ہے اہلِ ریا کو دنیا میں
جو پارسا نا ہو مگر پارسا نظر آۓ
صبح کا تڑکا شام میں ڈھلنے لگا تھا مگر وہ ویسے ہی دنیا و معافیہ سے الگ اپنی سوچوں میں ڈوبی ہوئی تھی۔۔۔۔شام کا یہ منظر۔۔۔۔آس پاس ہریالی۔۔۔۔وہ اپنے مسکن سے کوسوں دور۔۔۔۔آزاد مگر جذبوں کی قید میں تھی۔۔۔۔
اُس کے حسین بال اُس کے خوبصورت چہرے کو بوسے دے رہے تھے۔۔۔۔آج اُس کا دل بہت اداس تھا۔۔۔۔
کالج بھی نہیں گئ تھی وہ۔۔۔۔شاید اُس ستم گر کو دیکھنا نہیں چاہتی تھی۔۔۔۔کیونکہ اُس کی ہر ادا سے بے رخی ٹپکتی تھی ۔۔۔۔جو اُس کی برداشت سے باہر تھا۔۔۔
"کیا حال ہیں چوڑیل؟" اچانک ولی کی آواز گونجی ۔۔۔۔
وہ جس سٹول پر بیٹھی تھی وہاں اپنے بائیں جانب مردانا آواز سنائی دی۔۔۔۔۔اس نے گردن موڑ کر دیکھا تو ولی اپنی حسین پرسنیلٹی کے ساتھ۔۔۔۔۔ براؤن جینز اور بلو شرٹ میں کسی کے دل میں بھی باآسانی اتر سکتا تھا۔۔۔۔۔۔۔وہاں موجود تھا
بیلا بھی اُس سے کم نا لگی۔۔۔۔۔۔۔۔وہ مغربی طرز کے لباس میں خود کو مکمل چھپاۓ۔۔۔۔اس پر لونگ کوٹ زیب تن کیے ہوۓ تھی۔۔۔۔۔
"تم کہاں سے نمودار ہو گۓ جن۔۔۔۔۔" بیلا نے بھی پورا پورا بدلا لیا۔۔۔۔
"آۓ ہائے۔۔۔جن اور چڑیل کا اچھا کونبو ہے"۔۔۔۔ولی نے پھر اُسے چھیڑا۔۔۔۔
"میں تمہارا سر پھاڑ دونگی ولی"۔۔۔۔۔وہ چڑ گئ۔۔۔۔
ارے چڑیلیں تو پورا کا پورا چیر پھاڑ دیتی ہیں۔۔۔۔تم صرف سر پھاڑو گی۔۔۔۔یعنی تم اچھی چڑیل ہو۔۔۔۔"ولی نے ہنسی دباتے کہا۔۔۔۔
"تمہارے خیال میں چڑیلیں اچھی بھی ہوا کرتی ہیں؟"۔۔۔۔بیلا نے گھورتے ہوۓ پوچھا۔۔۔۔
"ہاں ہوتیں ہیں۔۔۔۔جو اچھے بھلے شریف جنوں کو چمٹ بھی جاتیں ہیں۔۔۔۔۔جیسے ابھی میرے سامنے ایک چڑیل بیٹھی ہے۔۔۔۔ہری ہری آنکھوں والی۔۔۔۔بھورے بھورے بالوں والی"۔۔۔۔۔ولی اب بھی اسے چھیڑنے میں مشغول تھا۔۔۔۔
یہ بھورے نہیں گولڈن ہیں۔۔۔۔۔بیلا نے اس کی تصصیع کی۔۔۔۔
یعنی تم نے مان لیا تم چڑیل ہو وہ بھی سنہرے بالوں والی"۔۔۔۔ولی کہتا ہوا زور زور سے ہنسنے لگا۔۔۔۔۔
"ہاں سنہرے بالوں والی۔۔۔۔جو اب تمہارے بالوں کا بیڑا غرق کرے گی"۔۔۔۔کہتے ساتھ وہ اس کے سارے بال خراب کر گئ۔۔۔۔
"ارے ارے۔۔۔پاگل لڑکی!۔۔۔۔۔وہ کہتا اُسکے ہاتھ پکڑنے لگا۔۔۔۔
"لڑکی؟۔۔۔۔ابھی تو چڑیل تھی میں"۔۔۔۔ وہ پھر سے اس کے بال بگاڑنے لگی۔۔۔۔
دونوں ہی کے چہرے پر خوبصورے مسکراہٹ تھی۔۔۔۔زندگی سے بھر پور۔۔۔۔ولی اپنے مقصد میں کامیاب ہوا تھا۔۔۔۔
اُسے بیلا اداس بلکل اچھی نہیں لگتی تھی۔۔۔۔۔۔وہ اب بھی اس کے بال خراب کیے مزے سے ہنس رہی تھی۔۔۔۔۔
"ویٹ!۔۔۔۔تم نے ابھی کیا کہا؟"۔۔۔۔وہ کچھ سوچتے کہنے لگا۔۔۔۔
"کیا کہا میں نے؟"۔۔۔۔بیلا حیران ہوئی
ابھی تم نے کچھ کہا تھا۔۔۔۔۔کہ تم میرے بالوں کا کیا کرو گی۔۔۔۔ولی اسے حیرانی سے دیکھتا گویا ہوا۔۔۔۔
"بیڑاغرق"۔۔۔۔بیلا نے پھر دُھرایا۔۔۔۔
ایگزیکٹلی۔۔۔۔۔یعنی تمہیں ہماری اُردو زبان آنے لگی ہے۔۔۔۔
"کیا فرق پڑتا ہے ولی؟۔۔۔۔میں جذبوں میں اب بھی پیچھے ہوں"۔۔۔۔ وہ کہتی پھر اداس ہوگئ۔۔۔
"اگر میں تمہیں مشورہ دوں۔۔۔تو مانو گی"۔۔۔۔
مجھے پتہ کیا لگتا ہے ولی؟"۔۔۔۔
"میں اپنے آپ کی بھی نہیں مان سکتی"۔۔۔۔۔
"کیوں خوار کر رہی ہو خود کو بیلا؟"۔۔۔۔وہ افسردہ ہوا۔۔۔
"میرے بس میں کچھ نہیں ہے ولی"۔۔۔۔میں پہلے بھی کہہ چکی ہوں۔۔۔۔۔تمہیں کیا۔۔۔۔میں ہر شے سے کہہ چکی ہوں۔۔۔۔۔ہر شے اعتراف کرتی ہے۔۔۔
میں یہ بھی جانتی ہوں؛؛۔۔۔
"اگر میں اُسے کہتی ہو کہ مجھے تم سے محبت ہے تو وہ میری عزت دو ٹکے کی کر دے گا۔۔۔۔کیونکہ اب میرا وجود اس کے لیے ناقابلِ برداشت ہے۔۔۔۔
اور اگر میں نہیں کہتی تو میری زندگی مجھے ٹکوں کی لگے گی"۔۔۔۔جو اب سچ میں لگنے لگی ہے۔۔۔۔۔
وہ کہتی اپنا سر جھکا گئ۔۔۔۔۔
اُس کے چہرے سے درد و کرب ٹپک رہا تھا۔۔۔۔۔
