ł₦₵Ɇ₱₮łØ₦ ✔️

₵Ⱨ₳₱₮ɆⱤ 01

නම් ගම් සිද්ධි සියල්ලක්ම මනඃකල්පිත ඒවා බව කරුණාවෙන් සළකන්න .
_________________♡___________________

කොළඹ ප්‍රසිද්ධ පිරිමි පාසල් දෙකක සිසුන් එදින විද්‍යා තරඟයක් සඳහා පැමිණ තිබුණි. විද්‍යා තරඟයක් වුණත් බිග් මැච් එකක වගේ උණුසුම තිබුණු මෙම තරඟයේ අවසන් වටය සඳහා සුදුසුකම් ලැබූ පාසල් දෙක සැබැවින්ම ප්‍රතිවාදී පාසල් දෙක විය. ඔවුන්ගේ රණ්ඩු සෑම විටකම පාහේ අහන්නට දකින්නට ලැබුණු ඒවාය. පාසල් දෙකේ විද්‍යා සංගමයේ සභාපති දෙදෙනා තමන්ගේ research එක පිළිබඳව ඉදිරිපත් කල යුතු විය. වඩාත් ආකර්ෂණීය ම ඉදිරිපත් කිරීම ජයග්‍රහණය කරනු ඇත.

"ඒයි වගීෂ! දිනලා වරෙන් මචෝ. අරුන්ට නම් චාටර් වෙන්න බෑ."

"ඔව් ඔව්. උඹ පුළුවන් උපරිමයෙන් උත්සාහ කරන්න ඕන තේරුණාද?"

"හරි හරි බන්" වගීෂ යාළුවන්ට එසේ කියමින් වේදිකාවට ගොඩ වුණේය. වේදිකාවේ අනෙක් කෙලවරේ සිටියේ ඔහුගේ ප්‍රතිවාදියාය. ඔහුගේ නමක් ගමක් හෝ නොදැන සිටියද වගීෂට ඔහු ප්‍රතිවාදියාය. ඔහු හොඳ වුණත් නරක වුණත් ඒවා මේ තරඟෙට අදාල නෑ. කොහොමහරි දිනන්නයි ඕන. වගීෂ ඔහු දෙස දවා හළු කරන බැල්මක් හෙලුවා. ප්‍රතිවාදියාත් වගීෂට නොදැවෙනි ලෙසට රවා බැලුවේ තෝ මොන ඇටකිච්චෙක් ද වැනි සම්ච්චල් පෙනුමක් මුවඟේ රඳවාගෙන. ප්‍රතිවාදියාට වඩා තරමක් ශරීර ප්‍රමාණයෙන් කුඩා වුවත් වගීෂ හට දුටුවන් වශී කරවන දේහදාරී සිරුරක් තිබුණේය. තළෙළූ සම, දිගැටි දෑස්, තරමක් ඝනව වැඩුණ ඇහිබැම ඔහුගේ කඩවසම් පෙනුම ඔප් නැංවීය.

" වාර්ශික විද්‍යා තරඟාවලියේ අවසන් වටය සඳහා ඔබ සැම සාදරයෙන් පිළිගන්නවා. Stephan විද්‍යාලයේ ආචාර්යවරුන් සහ සිසුන් ද, Lennon විද්‍යාලයේ ආචාර්යවරුන් සහ සිසුන්ද මෙම අවස්ථාව සදහා ගෞරවයෙන් පිළගනු ලබනවා. අවසාන වටයේ මුල්ම තරඟකරු.. කොළඹ Lennon විද්‍යාලයේ දේවින්ද විතානගේ."

හොඳින් මස් පිඬු තිබූ ශරීරයකට දේවින්ද හිමිකම් කීවේය. කඩවසම් බවට දේවින්ද යන නම කීවාත් කම් නොවන තරමේ කඩවසම් බවක් ඔහුට තිබුණි. කිසිවක් සිදු නොකරම වේදිකාවේ බැබලුනු ඔහු තමන්ගේ වාරය සඳහා ඉදිරියට පැමිණෙන අයුරු වගීෂ වශී වී මෙන් බලා සිටියේය. නමුත් එක්වරම ඔහු පියවි සිහියට පැමිණියේ දේවින්දගේ කටහඬිනි.