දේවින්දගේ හදවතේ වගීෂ පිළිබඳ ව මොනයම් හැඟීම් තිබුණෝ වගීෂ ට ඒ සම්බන්ධව හැඟීමක් නොතිබුණි. ඔහුගේ හිතේ ඇවිලී තිබූ තරහවට දේවින්ද නොදැනුවත්ම පිදුරු එක් කර තිබුණි. ඔහුට ඔහුගේ හැඟීම් පාලනය කරගත නොහැකි වීම නිසා වගීෂ තවත් දේවින්දගෙන් ඈතට ගියේය. නමුත් ඉන් හොඳක් සිද්ධ නොවුණාමත් නොවේ. බනින්නට හෝ වගීෂගේ මනසේ දේවින්ද නිතරම සිටියේය.
"ආ ෂිට් මේ මිනිහා මගේ ඔලුව පුරාම!!"
"මොකාද?" වගීෂ හා සමඟ පාඩම් කරමින් සිටි නෙතීෂ ඇසීය.
"ක..කවුරුත් නෑ" වගීෂ නැවතත් පොතට අවධානය ලබා දුන්නේය.
"දේවින්ද ගැන ඔය තරමට හිතන්න හේතුව මොකක්ද වගීෂ?" සමුද්‍ර ඇසුවේය.
"මොකක්ද?' වගීෂගේ දෑස පුදුමයෙන් විසල් විය. සමුද්‍ර ගේ පැනයත් සමඟ වගීෂ සහ නෙතීශ ගේ අවධානය වගීෂගේ පොත වෙතට යොමු වුණි. පොතේ පිටුව පුරාවටම තිබුණේ දේවින්දගේ නමය. එය දුටු විගසම වගීෂ එම පිටුව ඉරා එය කුණු කූඩයට විසි කළේය.
"උඹයි ඒකයි අතරේ මොකක්ද වෙන්නේ?"
නෙතීශ තම පෑන ද පසෙකින් තබා වැදගත් කතාවකට මුල පිරුවේය.
"මුකුත් නෑ අපි තරහකාරයෝ. එච්චරයි"
"වගීෂ මේ! අපිව තම්බන්න හදන්න එපා. එදා Lennon එකේ Science day එකේදී මොකක් හරි වුණා නේද? ඇත්ත කියපන් වගීෂ" ඒ සමුද්‍ර ය.
ඔවුන් තිදෙනා හොඳම යාලුවෝ බව සැබෑවක්. ඒ වුණත් මේ වගේ දේවල් එයාලට කියන්නේ කොහොමද? එදා වුණ දේවල් කොහොමද කටක් ඇරලා වගීශ මෙයාලට කියන්නේ. ඇරත් වගීෂ Gay කියලා හිතලා එයාව කොන් කෙරුවොත් කියන බය එයාගේ හිතේ තිබුණා. කොහෙවත් යන ගස් මීමෙක් නිසා තමන්ගේ යාළුවන් ව නැති කරගන්න වගීෂ වුවමනා වුණේ නෑ.
"ඌයි මායි අතරේ ප්‍රශ්නයක් තියනවා. වෙලාව ආවාම උඹලට කියන්නම්"
"හරි හරි මචෝ ඕනි එකක්. හැබැයි මතක තියාගනින් වගීෂයෝ දේවින්ද කියන්නේ කවුද කියන්න අපි තාම දන්නේ නෑ. තේරුණාද?"
"ඔව්"
"අයියේ!! මේ මන් පන්ති යනවා ඈ" ඒ නෙතීශගේ නිවුන් සහෝදරියයි. ඇය ද තම සහෝදරයා මෙන් මැත්ස් කරනවා වුණත් ඔවුන් යන භෞතික විද්‍යා පන්තිය ඇයට දිරවූයේ නැත. ඒ නිසා ඇය වෙනත් පන්තියක් තෝරා ගත්තාය.
ESTÁS LEYENDO
ł₦₵Ɇ₱₮łØ₦ ✔️
No FicciónNOT A FANFICTION. තරමක් වෙනස් කතාවක්.🌈 ප්‍රසිද්ධ පිරිමි පාසල් ද්විත්වයක්. පාසල වෙනුවෙන් කරට කර සටන් වදින විද්‍යා විෂයන්හි නිපුණයන් දෙදෙනෙක්. ... නොගැලපීම්, ගැටුම් අතර ගලායන කතාවක්....ඔබ නොහිතන අමුතු දේවල් සිද්ධ වෙන කතාවක්.... නම් ගම් සිද්ධි සියල්ල...
