ł₦₵Ɇ₱₮łØ₦ ✔️

₵Ⱨ₳₱₮ɆⱤ 11

"ඔවුන් දෙදෙනාගේ බලයන් ඔවුන්ට හම්බවෙලාද?"

"එසේය උතුමාණනි....නමුත් ඔවුන්ගේ බල වැඩි දියුණු වීමට තව මසක් ගත වේවි.."

"ඔවුන් දෙදෙනා තවමත් එකට ද?"

"එසේය උතුමාණනි.."

"ම්ම්..තමුන්ට යන්න පුළුවන්. දියකිඳුරන්ගේ අධිරාජ්‍යයා..ඔබට පුළුවන් තව මසකින් ඔබේ කුමරාව රැගෙන යන්න"
ෆීනික්ස් කුරුල්ලන්ගේ අධිරාජ්‍යයා, තමාට එහාපසින් අසුන් ගෙන සිටි දියකිඳුරු අධිරාජ්‍යයාට එසේ පැවසීය.

"මේ පාර කලින් සිද්ධ වුණා වගේ වැඩක් වෙන්න බෑ..."

"ඔව් එහෙම වෙන්න ඉඩ තියන්න බෑ..අපිට එයාලගේ පොරොන්දුව නිසා එයාලව වෙන් කරලා උපද්දවන්න බැරි වුණා.."

"තොරතුරක් තියනවා එයාලව එකතු කරන්න පුළුවන් දෙදෙනෙක් ඉන්නවා කියලා. ඒත් ඒ දෙන්නව දිව්‍ය මාළිගයෙන් එවාපු නිසා අපිට ඒ බලයේ අයිතිකාරයෝ හොයන්ට බෑ" කිඳුරු අධිරාජ්‍යයා කීවේය.

පෙර වසර දස දහසකට පෙර තමා විසින් ම තම දෙ අතින්ම සමලිංගික වීමේ වරදට සහ නොගැළපෙන අධිරාජ්‍යයක කුමරෙකු හා හාදකම් පවත්වා ගැනීමේ වරදට අධිරාජ්‍යයන් දෙදෙනා තම පුතුන්ව ඝාතනය කළෝය. නමුත් වසර දස දහසක් ගත වන තුරුත් ඔවුන් දෙදෙනාට තම පුතුන් දෙපළ කොහි උපදින්න යන්නේද? ඔවුන් ඉපදුනේද නැද්ද යන වග පිළිබඳ සොයාගත නොහැකි විය. ඊට හේතුව නම් ඔවුන් ඒ වසර දස දහස පුරාවටම එකඳු වතාවක හෝ මනු ලොව උපත ලබා නොතිබීමයි.

මසක් ඇතුළත දේවින්ද සහ වගීෂ ගේ බලයන් වැඩි දියුණු වූ පසු මුලින් ම එළඹෙන පුර සඳ පායන දිනයේදී ඔවුන් ව නැවත තම රාජධානි කරා රැගෙන යන්නට අධිරාජ්‍යයන් දෙදෙනා සැලසුම් සකස් කළෝය. කෙසේ හෝ මෙවර දේවින්ද සහ වගීෂ දෙදෙනාව රාජ්‍යයේ කිරුළු පළඳවා රජ කරන්නටයි ඔවුන්ගේ අරමුණ වූයේ. නමුත් මේ දෙව්ලොව නිලධාරීන්* දෙදෙනා ඔවුන්ගේ අරමුණු වලට බාධාවක් විය හැකි බව විශ්වාස කළ ඔවුන් දෙදෙනා ඒ නිලධාරීන් දෙදෙනා සොයා තමාට හැකි උපරිම උත්සහයන් දරන්නට විය.

.
.
.
වගීෂගේ නිවසින් පිටව ගිය දේවින්ද කෙලින් ම තම නිවසට ගියේ වගීෂ මෙන් ම තමාට ද තම සිරුරේ හැඩය වෙනස් කළ හැකිද යන වග පරීක්ෂා කර බලන්නටය. කුමන ආශ්චර්යයක් වුවත් මේ බලයත් සමඟ ම ඔවුන්ට කරදර බොහෝ ප්‍රමාණයකුත් උරුම වූ බව දේවින්දට ඉවෙන් මෙන් වැටහුණි. එමෙන් ම දේවින්ද ට ලැබී තිබූ බලය සහ වගීෂට ලැබී තිබූ බලය සැසඳුවහොත් ඔවුන් දෙදෙනාගේ බල එකිනෙක පරස්පර විරෝධීය. ඉන් නිසැකයෙන්ම ඔප්පු වෙනවා ඔවුන් දෙදෙනා එක රාජ්‍යයකට අයත් නොවන බව. රාත්‍රීයට පෙනෙන සිහින වල තමා හා තවත් දියකිඳුරෙක් සිටි බවත් ඔවුන්ගේ අවසානයත් දේවින්ද දුටුවේය. ඔහුගේ සිතේ සාධාරණ සැකයක් ඇති වී තිබුණා ඒ දියකිඳුරා අනෙකෙකු නොව වගීෂම බව.