أبنتي وأخي

البارت الأول

أم ألفضل

#أبنتي_وَأخي

البارت الأول

ـ أتمنى دائماً أن يُلهمني الله السكوت،
مهما بلغت حاجتي في الكلام .🤎

ملك 💔
.

...........

2006/4/22

واكف بالباب العصر ادخن جكاره بالبوكه من جدي وابوي صافن على الشارع

والمح بنيه زغيرة تمشي وتتعثر وتفرك بعيونها
قربت من فرعنه
قلصت عيوني مركز عليها فتحتهن متفاجئ هاي ملك كل الي اجه ابالي متعاركه ويه البنات الي وياه بالمدرسه

تمشيت الها وكفت كدامها وهي من شافتني وكفت رفعت راسها تباوعلي وتبجي وتناشغ كتلها شبيج ولج ليش تبجين

اكيد متعاركه ويه البنات انتي ماتوبين ولو موصوجج صوج جدي الي دللج زياده عن اللزوم لحد ماستفرعنتي عله العالم

عكدت حواجبها وخزرتني عبالك وحده جبيرة وفاهمه ولاتكول بنيه بالصف الثالث حجت بعصبيه

ملك : جاسر وخرر من طريقي ولاتحجي وياي بعد
ترى والله اكول لجدوو وعموو جاسر  يشرب جكاير ومو بس هاي هم اكلهم بالليل يخابر بنات

فتحتت عيوني مو بنت مصيبه وادري بيهم يصدكونها لان هي شكد وكحه ولسان بس مااجذب كتلها

جاسر : تهددين ولج مليكه والكافل اذا سمعتج كايله لحد اله اعلكج باب الحوش

مسحت عيونها بديها بطريقه طفوليه وكالت

ملك : توخر من يمي لا انه اروح الجدو هسه ونشوف منو الي يتعلك بالباب

كتلها ولي منا يله

هزت ايدها ودخلت العرمه الله يساعد المعلمات عليج شلون متحملاتج ام السانين...

مرت الايام ولاحظتها دائما ترجع تبجي كمت اراقبها بدون ماتدري اول ماتدخل للبيت تغسل عيونها يله اطب جوة

خفت خاف احد متعرضلها اكو هيج وحوش انفسهم تدني عله الأطفال غبت عن مدرستي وانتظرتها تطلع من البيت حتى اروح وراها طلعت من الباب وجنه وراها وهي ولاهامه تمشي بدون ماتنتبهلها

هاي عود موصينها عليه عود هي الجبيرة الحمد لله تمشي ليكدام وجنه تدعبل وراها تريد توصلها

دخلن للمدرسه واني بقيت كاعد على الرصيف والشمس دكتني لحد ماخلص دوامهن شفت الطلاب بدت تطلع بسرعه خفيت نفسي ادري بيها نبها بسرعه تنتبه عبالك جني