أبنتي وأخي

تكملت البارت

اكـل لــروح تنسيهـم تدنك رأسهـا وتسكت  !

لـــ مظفر النواب

🥀🥀🥀🥀🥀🥀
مهرة

ساعه ماتنوصف واني اشوف الاخوان واحد متحامي على الثاني طول فترة تواجدي هنا ماشفت حمزة بيوم قلل من احترام جاسر هذي اول مرة يسويها

كام جاسر من مكانه وحلكه ينزف ودفر حمزة ببطنه خلا يتلوة من الالم

بعدنا مخبوصين بيهم ماانحس اله الحجيه وكعت بالكاع فاقده على صريخ خالتي ام جاسر كلهم التفتوا علينه

ركضولها لكفها جاسر بين اديه وهو يصيح حتى يفتحولها الباب اخذوها وطلعوا حتى خالتي راحت وياهم بعد ما جابتلها جنه عبايتها بقينه اني وجنه وحده تباوع للثانيه والخوف ساكن كلوبنه منا عركة حمزة وجاسر ومنا وكعت الحجيه

مرت ٣ساعات يعني تقريباً صارت ب٢ يله رجعوها لاكين ضغطها مفول وشعره عن الجلطه
الحجي وعموو لعبوا لعب بجاسر وحمزة وهم يلومون بجاسر لان جاب بملك هنا غصب عنها...

مررن الايام الوضع متكهرب ومشحون بالبيت حمزة وجاسر محد يطيق الثاني وكل واحد منهم بصوب

جاسر صاير كتله من الاعصاب على اقل شي يهجم البيت علينه اذكر مرة ناسيه بدلته العسكريه مكاويتها كلب الغرفه على راسي بالصياح حتى التحفيات كسرها واني بس ابجي مامتعوده على عصبيته بس شاف حالتي وشلون تهسترت من الخوف هدء وبسرعه راضاني وهو يعتذر ويسب بنفسه..

اليوم كاعده بالمختبر اسحب بعينات الدم للمرضى كاعد مقابيلي شاب عمرة يمكن بنص الثلاثينات سحبتله دم ودخل جاسر ابتسمت من شفته اجاني لان اتفقت وياه هو يرجعني حتى نطلع نتغداء خارج البيت 

بسرعه اختفت ابتسامتي من شفت خزرته.. الولد طلع وهو تقدم عليه وكال بنتر

جاسر : هااي يومي هيج كاعده بالحضون

مهرة : شتقصد مافهمت شبيك جاسر شنو الحضون.. دار راسه ورجع التفتت عليه وكال وهو كاتم غضبه

جاسر : خلصتي؟

مهرة : اي بس اسلم العينات لبديلي.. كمت من مكاني واخذت العينات سلمتهن للولد ورجعت عليه اخذت جنطتي وطلعنا وهو عروك وجهه بارزه فتحلي السيارة صعدت وهو دار صعد وطبك الباب بقوة التفت عليه وكال

جاسر : هاااي يووميه هييج كاااعده بحضنن ووواحد

مهرة : اااحترم نفسسك جااسر شنوو هل حجي.. شخط السيارة وكال