أبنتي وأخي

البارت الثاني

أم ألفضل

#أبنتي_وَأخي

‏علمتني الحياة ألا أظهر ضعفي، وألا أتحدث عن ألمي، وأن أتجاوز حزني، وأن أخرج للناس وأنا مبتسم دائمًا!

- شكسبير

بعد مرور تسع سنوات

ملك

رجعت للبيت واني فرحانه ابتسامتي مافاركت وجهي اليوم يرجع جاسر صارله ست اشهر ببغداد عدهم دورة ضباط وهو من ضمن الكادر التدريبي المشرف على الدورة..

مااعرف اذا هسه وصل لو بعده هو البارحه كالي باجر ارجع ان شاء الله.. اول ماوصلت السياره يم باب البيت فتح الباب قبل لاتوكف بدون ماانتبه

ابو جاسم : ها ها ديري بالج بويه بعدني غير تنتبهين شبيج مستعجله اليوم هههه

جنه : اعذرها عموو اليوم الغالي هنا

جاسم : هاا استاذ جاسر اليوم هنا

جنه ; مانعرف وصل لو بعده وهاي الخبله مستعجله تريد تتدخل حتى تشوفه

ضربتها على ايدها وحاجيت عموو ابو جاسم.. هذا الرجال خلا جاسر سايق النه قبل  اربع سنوات.. كتله

ملك : اسفه عموو عبالي وكفت

ابو جاسم : ههههههه ماصار شي اهم شي سلامتج سلمولي على استاذ جاسر وياكم وتحمدوله بسلامة بنيابه عندي

ملك :  الله يسلمك عموو

نزلت بسرعه دخلت اركض واني فرحانه وجنه وراي...

جاسر : كاعد بالديوانيه يم جدي وحمزه والمحها من الشباج دخلت تركض وهي تضحك ضحكت عله ضحكتها وكمت بسرعه جدي كال

ابو إبراهيم : ها وين؟

جاسر : شبعت منكم جا هي طلابه اريد اروح اشوف بنيتي

حمزة : انه جاي وياك

جاسر : طلعت من الديوانيه كتله شعندك انت لاحكني عبالك جلبي

حمزة  : انعم الله عليك النوب سويتني جلب

جاسر : ضحكت عليه ودخلنا جوة شفتها مطيتني ظهرها وتحجي ويه مرت عمي ايوب انه موصيهم يكلولها تاجلت جيته اسبوع
اسمعها تحجي بتذمر ومبينه كوه لازمه نفسها ماتبجي

ملك : شلون هيج هو البارحه كال باجر اجي ليش اجلوها.. اني رراح اخابره مو بكيفه اليوم ينزل يعني اليوم