أبنتي وأخي

البارت الواحد والعشرون

    صباح الورد حبيباتي 🌹🌹

🥀🥀🥀🥀🥀🥀

‏خُذيني معكِ
حيثُ تعيشي عالمكِ الوردي
لنتشارك معًا شايكِ المُفضل
الذي تسكُبيه في فنجانُكِ المورد بالجوري
خذيني معكِ
سئِمتُ عالمي المليء بالسواد
خذيني لكِ
لِعالم لا أفيقُ به على أيامٍ رمادية.

🥀🥀🥀🥀🥀🥀

حمزة : غمضت عيوني عرفت جاسر وعرفت نيته اصلاً استغربت شلون صبر هل فترة الطويله

ذيب بسرعه استغل الموقف لصالحه وخلاهم كدام الأمر الواقع عبالك جان يتحايل ومنتظر اي فرصه حتى يستغلها

اتفقوا من ينتقلون هنا بعد كم يوم يجيب خواله ويمشي سلموا وطلعوا

بعد مادخلوا ابوي والحجي التفتت عليه الي ملامحه بيها فرح كتله

سويتها

جاسر : شنو؟

حمزة : لاتغشم نفسك ادري بيك تعمدت تكول هذاك الحجي حتى اجيبها هنا.. سوة نفسه مافتهم

جاسر : عله منو قصدك؟

حمزة : تنهدت وكتله.. ملك

جاسر : اصلا ولا اذكرها ولاحاطها ابالي سويت كل هذا علمود جنه حتى تبقى قريبه علينه مااريدها تبتعد عنه هاي دنيا وكلشي بيها عاد تبقى كدام عيونه مأمنين عليها

حمزة : رفعت حاجبي مامصدك كلامه ضربني علة متني ودخل وهو يكول

جاسر : لاتفكر هواي موزين عله راسك كثر التفكير يدوخ وانه خوك

حمزة : دخل واني بقيت بمكاني تنهدت وكلت اعرف روحي ماراح اتخلص منج كلما تبعدين راح ترجعين وتحمل يحمزة عذاب قربها.. تنهدت ودخلت جوة

ملك

بقيت مصدومه واني اسمع لكلام غيث الي يباوعلي بأسف كمت من مكاني بغضب وكتله

بس اني مااريد ارجع هناك ماصدكت استقرت حياتي وتعودت على فراكهم تريد ترجعني لنقطة الصفر كام من مكانه وكف بصفي كال وهو يمسح على راسي

غيث : هذا هو يرويحتي ماكو شي رسمي بيناتنه مجرد كلام راح اردلهم خبر مااكدر انتقل وخلي لبنيه تروح لقسمتها

بعد اخوج كلشي قسمه ونصيب اهم شي عندي انتي مرتاحه

ملك : صح يحجي ويسوي نفسه الموضوع عادي عنده بس الحزن مبين بنظرات عيونه