أبنتي وأخي

اخر المحطات

💔💔💔💔

بالي ويه روحي الي مااعرف شنو وضعها مااعرف اشكد مر وقت وانفتح المصعد طلعوا منه السديه الي عليها حبيبتي وروحي

بسرعه توجهنالها انه وجاسر ودفعناها وياهم وهي تون تفتح عيونها الي يتحركن بعشوائيه وترجع اسدهن وكلامها مامفهوم

دخلناها للغرفه ورفعناها بهدوء انه وجاسر ماخلينه العاملات يرفعنها خاف يأذنها خليناها على السرير ودخلت وراهن الممرضه تحمدتلنا سلامتها وعلكتلها فلاجين وحضرت المغذي بين ماتكمل الفلاجين وطلعت رحت وراها سديت الباب ودرت اريد اروحلها اطمن كلبي عليها اروي شوك عيوني بعيونها

اول ما خطيت جمدت بمكاني وانه كوه اخذ النفس الصدري من كالت اسم أسر بصوت عالي احس كلبي انكسر كسر ماينصلح بعد

جاسر باوع عليه وبعدين تحمدلها بالسلامه بأس راسها وابتعد منطي مجال لمها وانه عيوني عليها التفتت عليه باوعتلها بنظرات عتب وخذلان وطلعت بسرعه وانه مخنوك اليوم اكدتلي كل الشكوك الي جانت تاكل بكلبي عرفت حبها الي ولا شي كدام حبها لأسر..

..........

هاهنا وانتهت رحلتنا فقد وصلت الى نهايتها..

وقد توقف بنا قطار التضحيات.. الابوة.. العشق..
في محطاته الاخيره لأنشد رحال السفر ونعود ادراجنا..