أبنتي وأخي

البارت الثالث

أم ألفضل ( زهراء الحريري)

#أبنتي_وَأخي

البارت الثالث

مو حزن لكن حزين
مثل صندوق العرس ينباع خردة عشك من تمضي السنين

مظفر النواب

جاسر

اخذت الممر الي كبال غرفه العمليات رايح راجع مااعرف يمتى وصلت هنا وشلون ومنو الخابر عله الاسعاف

كلبي احسه راح يطفر من مكانه هل كد مايضرب  بجدران صدري عشت رعب مو طبيعي والكافل اموت اذا صارلها شي..

اللتفتت اريد ارجع مااحس اله ضربه عله وجهي كومتني بالكاع

أسر : وحك هو العباس اذا صار عليها شيء اموتك بيدي

جاسر : كمت عله حيلي وركعته گله عله وجهه كومته بالكاع وخليت خشمه يصب دم خزرته وكتله ... اذا عدتها مرة ثانيه اله اخلي طلقه بنص راسك كواد

كام من مكانه وهو خازرني مسح خشمه وكال

أسر : وحك هو العباس اذا صارلها شي انه الي خلي طلقه بنص راسك

جاسر : هميت ردت اركعه ابوكسي حلفت افلش وجهه وطلع حركة كلبي على ملك بيه بس اكو احد لزمني من وراى

التفتت حمزة عيونه حمر ولازمني بدون مايفهم السالفه شنو

ياربي شلوني بيه انه ويه معجبين ام لسانيين

حمزة : شمالكم تخبلتوا تتعاركون بالمستشفى هسه احنه يباحال وانتم واحد متحامي عله الثاني ماتكلولي شجاكم

جاسر : نكتت ايدي منه وكتله وجهه كلامك هذا للعاشك الولهان مو الي

حمزة : شتقصد ياعاشك؟

جاسر : استغفر الله انه شلون جفصت هسه انه بحالهم عفتهم ووكفت يم باب العمليات صارلها بلنص ساعه من دخلوها..

ياروح جاسر هيج ترخصين روحج لجلي ولج ماكلتي هذا شلون بيه اذا متت اخخ ياربي رحمتك بهل يتيمه.

اجوا ابوي وجدي وعمامي اثنينهم والولد امي الحجيه وامي كلهم للمستشفى ورانا..

ام إبراهيم : عمت عيني ياحبوبه منين اجتج هل متلولحه ياربي رحمتك بيها يتيمه ولاعدها ام بيها خير ولا اخو بي خير..

جاسر : حجيه مووكته هذا الحجي.. بقينه على وضعنه بالخمس ساعات ونص ضبط هنا بعد ماكدرت الزم اعصابي احس فقدت اخر ذرت صبر عندي