أبنتي وأخي

البارت الواحد والثلاثون

ام ألفضل (زهراء الحريري)

#أبنتي_وَأخي

البارت الواحد والثلاثون

اصابعي تود عناق اصابعك ورأسي يود الميل ع صدرك

🕊️🕊️🕊️🕊️🕊️🕊️

حمزة

ما ابالغ ولاجذب من اكول هذا اصعب موقف مرر عليه بحياتي حسيت روحي بين نارين نار اخوي الزعلان عليه ومااعرف اذا ميت لو بعده يشم الهوه

ونار حبيبت روحي الجارح كلبها وهاضم روحها خوفي لااخسرها اذا بلغتها بقيت بس صافن بوجها مااعرف شكول بس عيوني اترجم حالتي من خلال دموعي

ابوعلها جسمها كله بده ينفض عبالك بيها صرع شفتها احتقنت بالون الازرك ردت اكوم مااحس اله تكومت بمكانها والطلاب الجانت تباوعلنه بصدمه انخبصت قبل لااوصلها وصللها ليث ورفعها من الكاع ركضت عليه واخذتها وانه اكله اركض شفولي سيارة.. ركض كدامي وانه وراه والطلاب كلها تباوع علينه الأساتذة الشافونه مااعرف شيحاجوني...

وصلت يمه لكيته فاتحلي سيارة وكاعد بمكان السايق الظاهر سيارته والباب الوراني مفتوح صعدتها وصعدت بصفها وخليت راسها بحضني وهي على فرد نفضه لزمت جف ايدها حسيته ثلج بقيت افرك بيهن بديه وانه كل شويه استعجل بالولد

وصلنا للمستشفى فتحت الباب قبل لا توكف السيارة اول ماوكفت نزلت واخذتها لصدري وركض للطوارئ

خليتها على السديه الفارغه واجت بسرعه البنيه تفحص بيها..

ضليت افرك بوجهي حاير شسوي اريد اروح اطمن على جاسر دخل ليث كتله

حمزة : الله جابك خلي بالك عليها بين مااروح اشوف اخوي

ليث : بدون ماتوصي دكتور

حمزة : طبطبت على كتفه اباوعلها جاي يفتحون بعيونها مااعرف شنو السبب دنكت بست راسها وطلعت بسرعه

خليتها بالطوائ وركضت لغرفه العمليات وانه احس كلبي مفوت نبضاته اجه ابالي اخر موقف بيناتنه

عضيت على شفتي بغضب وانه اركض ربي رحمتك لاتاخذ عزيزي والزعل بعده متخلخل بخوتنه باوعت كدام غرفة العمليات الكون مكلوب كلها رتب وقيادات عليا رجليه سرت بيهن رجفه وبردن وانه اشوف ابوي مدنك راسه تدنيكت ابو فاكد ابنه وعكاله ماموجود بس الشماغ وطايح عله متنه الي يهتز دليل بواجيه

انفاسي تسارعت ومااجه ابالي غير بس جاسر مات عيوني غوشت وانه المح قائد جاي بتجاهي وقميصه مليان دم