Ginkgo Breath : Jin x Kook [ Completed ]

CHAPTER 05

අද සිකුරාදා දවසක්....                                                                                                              පැහැදිළි කාලගුණයක් තිබ්බ නිසා ජන්කුක් එයාගේ ලොකු ගෙදරින් එළියට බැස්සේ එයාගේ කළු පාට තොප්පිය  පළදගන්න අමතක නොකර...

හැමදාම යන්න ආස කරපු තැනට එයාගේ කකුල් ඇදුනේ සිය අණ කිරීමකින් තොරව...

Ginkgo ගස් වලින් පිරි උද්‍යානය..

ජන්කුක් ගොඩක් ආස කරා ඒ පරිසරයට...

ඒවගේම..

එතැන හැමදාම ඉන්න සිනාවේ දේවදූතයාට...

ජන්කුක් Ginkgo ගස් වලටත් වඩා ආස කරේ ඒ පියකරු සිනහවට...

ඒත් අඩු වචන ප්‍රමාණයකින් පිළිතුරු දෙන එයා එක්ක ඉද්දි ජන්කුක්ට වුණේ තමන්ම ප්‍රශ්නේ අහගෙන තමන්ම උත්තර සපයගන්න...ඒත් ජන්කුක් ආස කළා ඒ වෙනසට...

හිනාවෙන් පිළිතුරු දෙන දේවදූතයා කෙරෙහි අනුකම්පා සහගත බැල්මක් නෙමේ ධෛර්යය සම්පන්න බැල්මක් ලබා දෙන්න ජන්කුක් හැම විටම වෙහෙසුනා....

වෙනදා මෙන් අදත් ඔහු උද්‍යානයට පිවිසෙන විට එහි ඔහුගේ තනියට වූයේ Ginkgo ගස් පමණයි...ඔහු ඉදිරියට යන විට Ginkgo පත්‍ර තාලයට ලෙළදෙන්න වූයේ ඔහුව සාදරයෙන් පිලිගන්නවා හා සමානව....

සිනාවේ දේවදූතයා සහ ඔහු පළමු වර මුණ ගැසුන තැනයි මේ තාක් ඔවුනොවුන්ගේ හමුවීමේ මූලස්ථානය වූයේ..

උද්‍යානයේ  ඇති ලොකුම Ginkgo ගසද වූයේ එතැනයි...කෙටි අඩි තබමින් එම ස්ථානයට ගිය ජන්කුක් ලොකු ගසේ කදට පිට හේත්තු කොට ගෙන වියළුණු Ginkgo පත්‍රයන්ගෙන් ඇතිරිල්ලක් සාදාගෙන තිබූ පොළව මත හරිබරි ගැසී අසුන් ගත්තේ දෙනෙත් අඩවන් කරගෙන...

ස්වල්ප මොහොතකට පසු වියළුණු Ginkgo පත්‍ර '' චරස් '' යන හඩ නිකුත් කරමින් පොඩි වී යන බව සවන් වැකුණු ඔහු හීයක වේගයෙන් සිය දෙනෙත් විවර කරේ ඒ සිනාවේ දේවදූතයාම වග තර්ක විතර්ක වලින් තොරව දන්නා නිසායි...

ඔහු නිවැරදි කරමින් ඉදිරියට පැමිණියේ සිනහවේ දේව දූතයා නොහොත් ජින්..

තාරූණ්‍ය මුහුකුරා ගිය  යුවතිය විසින් ඉදිරියට තල්ලු කරගෙන ආ රෝද පුටුවේ රෝදවලට හසු වෙන වෙළුණු  Ginkgo පත්‍ර  තවත් තලා පෙලා දමමින් ජින් රෝද පුටුවෙහි ඈදි ගෙන ජන්කුක් සිටින ස්ථානයට පැමිණියා...

ගස් වලින් ගිලිහෙන පත්‍රයක් එලෙස පොඩි වී මිය යන්නාක් මෙන් ස්‌වය ජීවිතයද කෙදිනක හෝ මියයන වග විලාප නංවන Ginkgo පත්‍ර දෙස බලා සිටි ජින්ට සිතුණේ...

ජින්ගේ රෝද පුටුව නැවතුනේ ජන්කුක් සිටි ගස් සෙවණ යටමයි...ජන්කුක් දෙසට හැරී සිනහවත් සමග අචාර කළ ජින් ජන්කුක් කතා කරන තෙක් රැදී සිටියා..

ජින්ගේ සහයිකාව පිටත්ව ගිය පසු ජන්කුක් ජින්ගෙන් ආගිය තොරතුරු විමසුවා....

එහෙත් පිළිතුරු නම් ලැබුණේ නැහැ...ඔහුම පිළිතුරු සපයගත්තා මිසක...

ජින් ඉතා සාවදානයෙන් ජන්කුක්ගේ දෙතොළින් පිට වෙන සෑම වචනයක්ම අහන් හිටියා....ජින්ට හිතුනේ නම් ජන්කුක් පෙට්ටි ගොඩාක් තියෙන කෝච්චියක් කියලා...ඒ විතරක් නේමේ  අධික වේගෙන් ගමන් කරන කෝච්චියක්....

ජන්කුක්ගේ හැසිරීම, කතා බහ හැමදේම හරිම මිත්‍රශීලී...ජින් මේවා දැකලා ගොඩක් සතුටු වුණා වගේම ඒ හැසිරීම් වලට ආදරේ කරා...

ඒත් ජන්කුක්ට  ඕනි වුණේ කොහොම හරි ජින්ට කතා කරන්න සලස්වන්න...

'' ආහ් මට ඔයාට දෙයක් පෙන්වන්න තියේ...''

හදිස්සියේ දෙයක් මතක් වූ ආකාරයෙන් ඉක්මන් වදනින් එලෙස පැවසූ ජන්කුක් තමන්ගේ කලිසම් සාක්කුවෙන් ගත්තේ සිදුරු පැවති බටයක් වගේ දෙයක්..

ඒක දුඹුරු පාට බටනළාවක්...

_______________________________________________

To Be Continued......