Ginkgo Breath : Jin x Kook [ Completed ]

CHAPTER 11

'' හියුන්... මේ කොළේ දිහා බලන්නකෝ..''

ජන්කුක් ඔහුගේ අතේ තිබූ Ginkgo කොළය ජින්ගේ ඇස් ඉදිරියෙන් යවන ගමන් කිව්වේ....ජින්ගේ අවදානය එදෙසට යොමු වුණ පසු ජින් විමසිල්ලෙන් ඒ කොළය දෙස බලලා නැවතත් ජන්කුක් දෙස බැලුවේ හිස් මුහුණින්....

'' මේ බලන්න...මට මේ කොළේ පෙන්නේ අපේ පෙනහළු දෙක වගේ..හියුන්ටත් එහෙම පේනවද? ''

ජන්කුක් ඇහුවේ එම පත්‍රය තවත් ජින්ගේ ඇස් සමීපයට රැගෙන යන ගමන්....

සුළු මොහොතකට පසු ජින් සිනහවෙමින් හිස හෙලව්වේ ඔහුටත් එය ඒ ආකාරයටම පෙණුන බැවින්...

'' හියුන් ආසයි නේද මේ කොළ වලට...ඉතින් ආස නැද්ද Ginkgo කොළත් එක්ක හුස්ම ගන්න...හියුන්ට හුස්ම ගන්න අමාරු වෙන වාරයක් තියේ නම් මේ කොළේ ඉක්මනට මතක් කරගන්න...එතකොට ඔයාට ඉබේම ඒ ක්‍රියාවලිය පහසු වෙයි...''

ජන්කුක් ප්‍රකාශ කරේ හරි අපූරු යෝජනාවක්...

ජින්ට ලොකු හිනාවක් එක වර මුවින් පිට වුණේ ජන්කුක්ගේ හුරතල් ප්‍රකාශය හමුවේ....ඒත් ජින්ට හිතුනා ඒක ඇත්තටම හොද අදහසක් කියලා...

'' කොහොමද මගේ මොළේ..'' ජන්කුක් ඇහුවේ ජින්ගේ උරහිසට ඔලුව තියාගන්න ගමන්...

'' න්...නියමයි..!! ''

'' හියුන් ඔයා දන්නවද දෙයක්...මන් ආසයි මන් මැරුණට පස්සේ එතැනට ස්මාරකයක් හදන්නේ නැතුව Ginkgo පැළයක් හිටවනවානම්...''

'' ම්...මොනාද....ක්..කියවන්නේ...''

ජින් ඇහුවේ අමුතු ස්වරයකින්....ජන්කුක් ජින්ගේ අතත් තුරුළු කරගෙන හිනාවුණා පමණයි...

'' කැහ්...කැහ්...කැහ්...''

ජන්කුක් එක්වරම ජින්ගෙන් ඈත් වුණේ ඔහුට හැමවිටම එන කැස්ස හේතුවෙන්...ජන්කුක් අමාරුවෙන් කහින ආකාරය දෙස බලා සිටි ජින් ඔහුට හැකි පමණින් ජන්කුක්ගේ පිට අත ගෑවේ සුළු හෝ සහනයක් බලාපොරොත්තුවෙන්...

'' ඇ...ඇයි..ජන්කුක්...''

ජන්කුක් කටට තද කරගෙන සිටි ලේන්සුව හෙමින් අයින් කර පසු ඔළුව වනුවේ ඔහුට ප්‍රශ්නයක් නැහැ කියන්න...

ඒත් ජින් දැක්කේ නැහැ ජන්කුක්ගේ ලේන්සුවේ ගෑවිලා තිබුණු රතු පැහැති ලේ බිදු කිහිපය ....

__________________________________

To Be Continued....