ផាច់ !!!!! ( មួយកាំផ្លៀង )
បន្ទាប់ពីច្រឡោតដាក់យ៉ុនហ្គីចប់ជីអុីនក៏បានយារដៃទាំងថ្ពាល់របស់សេហ្វីរ៉ាលាន់លឺសូរតែផាច់ តាមកម្លាំងដៃមនុស្សកំពុងតែខឹងបែបជាឈឺខ្លាំងណាស់ហើយ ។ មិត្តភក្តិមេនទេ ពូកែលាក់មនោសញ្ចេតនាណាស់តើមេនទេ មិនអីទេ ! ទុកអោយនាងពិសោធន៍ដោយផ្ទាល់ដៃទៅចុះដោយការទះមួយកាំផ្លៀងស្ទើរតែវៀចថ្គាមមួយនេះ យ៉ុនហ្គីប្រែជាស្រឡាំងកាំងព្រោះរឹកពារពាលជ្រុលរបស់ប្រពន្ធ គេមិនទាំងបានធ្វើអ្វីសោះចាំបាច់អីទះគេ ខឹងប្រចណ្ឌខ្លាំងពេកដល់ថ្នាក់សរសៃប្រសាទលែងដឹងមុខក្រោយខុសត្រូវហើយតើមេនទេ ?
" ជីអុីន !!! " យ៉ុនហ្គីស្រែកគំហកដាក់ជីអុីនជាមួយនឹងភ្នែកក្រហមថ្លែ
" សេហ្វយ៉ាងមិចហើយ ឈឺខ្លាំងដែលទេ ស្លាប់ហើយឡើងក្រហមងាំងតែម្តងហើយ ពុទ្ធោអើយចំជាឆ្កួតមេន " យ៉ុនហ្គីកម្រេលកម្រាលក៏ព្រោះតែឃើញផ្ទៃមុខរបស់សេហ្វីរ៉ាប្រែជាពណ៍ក្រហមស្រស់ស្នាមម្រាមដៃទាំង៥បង្ហាញលើផែនថ្ពាល់យ៉ាងច្បាស់បញ្ជាក់ថាវាពិតជាឈឺខ្លាំងណាស់ អ្នកឈរមើលទៅសង្គៀរធ្មេញសុឺតស៊តឈឺហើយចុះទម្រាំតែអ្នកទទួលរងទៀតនោះ តើឈឺខ្លាំងយ៉ាងណាទៅលោកអើយ ?
" មិនអីទេៗៗ " សេហ្វព្យាយាមធ្វើទឹកមុខធម្មតាមិនអោយយ៉ុនហ្គីបារម្ភពីនាងខ្លាំង ហើយក៏បន្តមានរឿងឈ្លោះវែងឆ្ងាយជាងនេះទៀត
" ជីអុីន ! នេះអូនឆ្កួតហើយតើមេនទេ ? មុននឹងធ្វើអ្វីមានយកអាត្រង់នេះមកគិតមុនដែលទេហាស៎ " មើលទៅគេដូចកំពុងតែខឹងនឹងនាងខ្លាំងណាស់ គេជះកំហឹងមកលើនាងទាំងផ្ទាំងៗ គេស្រែកដាក់នាងខ្លាំងៗជាមួយនឹងកែវភ្នែកកំពុងតែមានភ្លើងចេះដាល ដូចចង់ដុតនាងអោយខ្លោចរលាយយ៉ាងអញ្ចឹង គេមិនត្រឹមតែស្រែកដាក់នាងឡើយហើយក៏ថែមទាំងលើកដៃចង្អុលទៅចំខួរក្បាលទៀតផង ដែលសំនួរនឹងកាយវិការរបស់គេមានអត្ថន័យថា មុននឹងធ្វើអ្វីឡើងនាងមានយកខួរក្បាលមកគិតដែលទេ ? ពេលនេះនាងស្គាល់នឹងឃើញជាក់នឹងភ្នែកហើយ យ៉ុនហ្គីនៅពេលដែលខឹងក៏សាហាវដូចពាក្យមនុស្សធ្លាប់បាននិយាយពិតមេន នេះកុំតែនាងជាភរិយាដែលគេស្រលាញ់ មិនអញ្ចឹងនាងប្រហែលជាគិតថាមួយកាំផ្លៀងនេះយ៉ុនហ្គីស្អប់នាងខ្លាំងណាស់ហើយក៏អាចលើកដៃសម្លាប់នាងជាការតបស្នងដែលនាងហ៊ានលើកដៃទះមិត្តភក្តិរបស់គេផងដែល ។ ជីអុីនរលីងរោងទឹកភ្នែក នាងស្លុតអស់រលីងហើយ ព្រលឹងស្ទើរតែរត់ចោលរូបកាយព្រោះសម្រែករបស់គេ មនុស្សល្អរបស់អូនអើយបងប្តូរដល់ថ្នាក់នេះផងរឺ ? អូនមិននឹកស្មានសោះឡើយថាវត្តមានរបស់គេមានឥទ្ធិពលធ្វើអោយបងផ្លាស់ប្រែចំពោះអូនខ្លាំងដល់ថ្នាក់នេះផង !!!
BẠN ĐANG ĐỌC
♡ ផ្ចាញ់ស្នេហ៍លោកអ៊ុំ ♡ ( រដូវកាលទី ២ ) Complete ☑️
Lãng mạn" បើអ៊ុំជ្រុលជាគ្មានអ្នកណាហើយ ទុកអោយខ្ញុំតាមផ្ចាញ់ស្នេហ៍អ៊ុំចុះ " (សេរីត៎ពី ប្រពន្ធក្មេង ) មីន យ៉ុនហ្គី X ផាក ជីអុីន
