♡ ផ្ចាញ់ស្នេហ៍លោកអ៊ុំ ♡ ( រដូវកាលទី ២ ) Complete ☑️

ភាគទី ៨០ : គេដាច់ចិត្តជាមួយនាងហើយ ដាច់ពិតមេន ដាក់គ្មានអាល័យស្តាយស្រណោះ

" ចាស៎លាហើយ ! មនុស្សអតីត " នាងសម្តែងធ្វើជាចិត្តដាច់ទាំងដែលពេលនេះយ៉ុនហ្គីគឺដាច់ចិត្តជាមួយនាងពិតប្រាកដ យ៉ុនហ្គីបានបែរខ្នងដើរចេញទាំងមិនងាកក្រោយទាល់តែសោះ ជីអុីនពិតជាឈឺចាប់ខ្លាំងណាស់នៅពេលដែលមនុស្សដែលនាងស្រលាញ់អស់ពីបេះដូងគេបានដើរចាកចេញទៅទាំងដែលនាងពេញស្រលាញ់រូបគេខ្លាំង តែនាងគ្មានសិទ្ធហៅរូបគេអោយត្រឡប់មកវិញក៏ព្រោះតែនាងបានធ្វើទៅហើយនាងជាអ្នកបំផ្លាញបេះដូងនឹងទំនុបចិត្តរបស់គេយ៉ាងឃោឃៅជាទីបំផុត

" យ៉ុនជុន ! តោះត្រឡប់ទៅវិញកូន " យ៉ុនហ្គី
" ប៉ាប៉ា តែកូនមិនទាន់បានអោបលាម៉ាក់អុីនទេ "
" មិនបាច់ទេ តោះឆាប់ត្រឡប់ទៅផ្ទះយើងវិញ " យ៉ុនហ្គីបានលើកពរកូនប្រុស បើមិនពរដូចច្នោះទេអាល្អិតក្បាលរឹងម្នាក់នេះច្បាស់ជារត់ទៅរកម៉ាក់អុីនរបស់វាមិនខាននោះទេ ។

" តែប៉ាកូនចង់អោបម៉ាក់អុីនសិន "
" កុំអីម៉ាក់អុីនមិនសូវស្រួលខ្លួន កុំទៅរំខាន "
" ម៉ាក់អុីនមិនស្រួលខ្លួនអញ្ចឹងប៉ាប៉ាមិនអោយម៉ាក់អុីនទៅជាមួយផងទៅ អោយម៉ាក់អុីនទៅតែម្នាក់ឯងគ្រោះថ្នាក់ណាស់ប៉ាប៉ា " ក្មេងមិនដឹងខ្យល់អីមិនដឹងរឿងមនុស្សចាស់ក៏ចេះតែប្រឹងនិយាយទៅ តែថាចិត្តក្មេងនេះណាក៏ស្រលាញ់ហើយបារម្ភពិតប្រាកដពិតមេន

" ម៉ាក់អុីនមានអ្នកមកយកហើយ " យ៉ុនហ្គីព្យាយាមធ្វើយ៉ាងណាមិនអោយកូនចូលទៅរញ៉េរញ៉ៃរំខានជីអុីនព្រោះដឹងថាជីអុីនស្អប់ យល់ល្អកុំបាច់ជួបគ្នាវាក៏រិតតែល្អជាទីបំផុត ...។

" ម៉ាក់អុីន...ម៉ាក់អុីន...យ៉ុនជុនទៅសិនហើយ "
" យ៉ុនជុនស្រលាញ់ម៉ាក់អុីនពេញបេះដូង " យ៉ុនជុនបានតែត្រឹមស្រែកពីចំងាយទៅកាន់ម៉ាក់អុីន ! ជីអុីនញញឹមលាយទឹកភ្នែកទ្រាំឈរមើលយ៉ុនហ្គីពរកូនចាកចេញទាំងមិនងាកក្រោយទាល់តែសោះ នៅពេលដែលប៉ាកូនទាំងពីរអ្នកចាកចេញទៅបាត់នាងក៏ទ្រហោរស្រែកយំចេញមកខ្លាំងៗទឹកភ្នែកដូរទឹកទន្លេត្រូវបាននាងបង្ហូរចេញមកទាំងអស់មិនទប់ស្កាត់ អ្នកណាថានាងចិត្តខ្មៅនោះ នាងគ្រាំទ្រូងស្ទើរដាច់ខ្យល់ស្លាប់ទៅហើយបើអាចស្លាប់បាននាងស្លាប់ភ្លាមៗ អារម្មណ៍ត្រូវអង្គុយមើលមនុស្សជាទីស្រលាញ់ដើរចាកចេញទាំងចិត្តដាច់បំផុតវាពិតជាឈឺចាប់រកអ្វីមកថ្លែងពុំបានឈឺដល់ថ្នាក់នាងអស់ពាក្យនឹងរាយរ៉ាប់ !