ثار قديم(انتقام سيدي الشيخ)

البارت الخامس

وكم تشتاقك روحي في سِرِّها ..وأنت سرٌّ فيها...
والسر لا يباح.
لا أعلم ما الذي يميزك عنهم ؛ ولكني : أراك عشقا لا أراه :بالآخرين

Abbas haji

فاطمه،،، باجر تجي بيبيتك خاجيه

حاتم،، هلا بيها بس شعجب جايه

فاطمه،،، اني خابرتها وسالت على احوالها كالت اني باجر جايه بيتكم

حاتم،،، يمه انتي خو ما حجيتيلها اي شي

فاطمه،،، لا محجيت اي شي تراها هيه تعرف مينضم عليها

حاتم،،، والله يا يمه ما اعرف شكلج مر اليوم صار ثاني يوم اجت بيبيتي خاجيه رحبنه بيها وضلو يسولفون سوه وراها اجت عليه

خاجيه،،، ابني انته تعرف اولاد عمك شون تنطيهم اختك

حاتم،،، جده شسوي بس فهموني اني شحجي اطلع غلطان غرام كتلها اني ما اكدر اكسر حجايه عمي جاسم انتي كولي حياتي وما اكدر اعيش ويه هاذ كلامي بي شي

خاجيه،،، وليدي انته تعرف هذول تربيت امهم مو ابوهم كم مره سوو مشاكل ويه الوادم

حاتم،،، حجيه انتي افتهمتي كتلج عليه

خاجيه،،، افتهمتك بس هسه عندي شرط عليك ولازم توافق

حاتم،،، امريني واني انفذلج

خاجيه،،، تزوج وتستقر بعد كافي

فاطمه،،، حجيه يامه كتله يكلي والله اني ما اتزوج حد ما اخذ ثارنه

خاجيه،،، يا ثار يحجي عليه رجال انهزم وراح وخوته بوكته ما اخذو حقه هسه انته جاي دور عليه منو يكول رجال عايش

حاتم،،، عايش ومتأكد عايش وسالفه زواج اصبرولي عن قريب اتزوج

فاطمه،،، كلش زين اني هم راح احجي ويه اختي

حاتم،،، لا مو بت خالتي اني مفكر بوحده وخالها بالي

خاجيه،،، عيني فطيم انتي شنو اله تاخذين من خواتج عوفي الولد هوه يختار المهم عندي يتزوج واني قررت ابيع بيتي وجي اعيش وياكم

فاطمه،،، هلا بيج بس بيتج حرامات تبيعي

خاجيه،،، فطيم هاذ بيت ابني نسيتي لو شنو ما تردين اكعد بيت ابني

غرام،،، بيبي هلا بيج امي متقصد غير شي انتي البيت بيتج

خاجيه،،، اي بنتي اذا مو بيتي ما اقرر اعيش هنا

حاتم،،، حجيه مو بس البيت راعيها هم كدامج

فاطمه،،، يمه بيبيتج تعبانه روحي سوي غده وخلي هيه هم ترتاح

خاجيه،،، اي اريد غرفه بيها مبرده

فاطمه،،، الغرف كلها بيها تبريد