تره بلونين أبد لتصدك ____تعيش
باجر تنتهي تحصيل ____حاصل
إلسنابل خضره تحرسهه____ إلفلاليح
وإذا صوفرت تذبحهه____ إلمناجل🌿🌾🍁🌾
Abbas haji
لانه صيهود
صيهود،،، هاولج تخابرين وطولين السانج عليه
حنين،،، ردت اصيح
صيهود،،، صيحي حته يجون ويعرفون حقيقتج
حنين،،، شتريد مني
صيهود،،، ولازم حنجها بقوه اسمعي زين مو اني تجي وحده صاقطه تعلي حسها عليه هاي مره ثانيه بس المره الثالثه اكص السانج
حنين،،، انته ليش هيج تسوي ويايه
صيهود،،، انجبي كتلج هاي اخر مره تعاي كليلي لكيتي المعسل
حنين،،، عوف المعسل احجي بموضوع هسه ليش انته تدخل بل امور
صيهود،،، عجيب من السانج صدك يحتاج كص
حنين،،، لا والله صيهود انته مو كلت راح اساعدج
صيهود،،، عجيب منج
حنين،،، اني اريد اخلص من غرام وانته كساع مدخل بلموضوع تعال انته اتزوجها وحته اخلص منها وتعال دور على تريد بنفسك وخلصني منها
صيهود،،، هم خوش فكره
حنين،،، اي والله سامعه خالتي تكول اذا يريد غرام انطي
صيهود،،، هاي ام غرام هيج كالت
حنين،،، اي والله
صيهود،،، حلو احلى خبر هاذ
حنين،،، اي اخذها وعوفني اني اتخلص من داير مداير لا تدخل
صيهود،،، هلمره سامحتج مرت لاخ اذا الكاج تحجين وحق علي ما تلومين اله نفسج تره بسهوله اوصلج شفتي يلى اني رايح ودوري علا المعسل اليه
حنين،،، والله خابصني بلمعسل انته
صيهود،،، ما اريد احجي زايد هسه خل اروح واي شي يصير بهل بيت احجيلي واي رجال يجي انطيني خبر
حنين،،، بلمقابل
صيهود،،، بلمقابل بلبدايه اخلصج من غرام وراها سندس وراها سولاف راح اخلصج منها بلاخص
سولاف كعدت صبح
غرام،،، تعاي سولاف احجيلي شبيج ما اعوفج حد ما تكليلي
سولاف،،، مابيه شي والله
غرام،،، صايرلج يومين مو على بعضج احجيلي
سولاف،،، ماكو شي والله بس احس بتعب وارهاق
غرام،،، الي تمرين بي مو مالتعب وارهاق مع الاسف عليج مجاي تحجيلي اي شي تضمين عليه يا سولاف
