ثار قديم(انتقام سيدي الشيخ)

البارت السادس عشر

#اي_ياگلبي..

يـگتلني #اليگـلي منـيلك هـل شـيب...
الشيب منك يابعد #شيبي...

Abbas haji

حاتم،،، اتزوج  حنين لان احبها واموت عليها

سولاف،،، براحتك تزوج ما اهتم بس لان اعرف بيك ما تتحمل

حاتم،،، كافي شنو هواي واثقه من نفسج والله اتزوجها واخليها طلع عيونج وما اخليج تكومين من الفراش اله واني متزوج عفتها وطلعت بره بديوان نمت  من وراها ما اعرف افكر بلي ديريد يكتلني لو افكر بكلام سولاف نمت صار صبح غرام سوت ريوك لكيتهم امي والحجيه كاعدين يمه اني قررت اتزوج

فاطمه،،،يمه احلى خبر والله صدك تحجي لو تشاقى

حاتم،،، والله صدك احجي

خاجيه،،، شنو هل بيت بيها مفاجئات شكثر الله يهدينه

حاتم،،، حجيه هاي المفاجئه الي تسمينها من زمان بالي

خاجيه،،، والله راح ينكسر كلبي وليدي على هل مسكينه شمسويه حته انته تذبها بهيج موقف

حاتم،،، ما احبها

فاطمه،،، لعد ابني طلكها

غرام،،، اني وياج يمه رايي من رايج طلاك احسن حل

حاتم،،، لا ما اطلكها وراح اتزوج وعيش حياتي

غرام ،،، صدك تحجي خويه

حاتم،،، اي والله

غرام،،، احسن فكره ومن حقك تزوج

فاطمه،،، اوكفي ام احسن اخاف يجيبلي وحده انكس من هاي

خاجيه،،، ناس وين عايشه وبيش تفكر وفطيم تفكر وين

حاتم،،، يمه باجر روحي اطلبيلي حنين

خاجيه،،، لا كملت سبحه

فاطمه،،، والله ما اخليها الباجر هسه وره الريوك اروح

خاجيه،،، يجوز الولد يشاقه وانتي شنو هلكد مستعجله يفطيم

فاطمه،،، شون ما استعجل من اشوف ابني يتزوج وافرحله

خاجيه،،، جا ما فرحتيله بزواج الاولي لو هاي بيها بت اختج

فاطمه،،، اي والله لان بت اختي وحنه وين نلكه احسن منهم

خاجيه،،، خل اروح لغرفتي قبل ما انهار فد مره

حاتم،،، يمه لا تستعجلين باجر روحي

فاطمه،،، لا يمه ما اخليها الباجر والله  هسه وره ريوك اروح وباجر ارجع اجيب الخبر ويايه

غرام،،، اجي وياج اني هم

فاطمه،،، لا يمه عينج عالبيت  ضلي يم اخوج

حاتم،،، رحت للديوان كعدت اجوني خطار  المحافظ والقائم مقام وياه ضباط  وضلينه نسولف ما قبلت منهم يرحون بس راحو