الحب هو ذلك الامتحان الذي يتسارع الجميع لخوضه ولان النتيجه للاغلبيه الرسوب بسبب صعوبة مادتين وهيه الصدق والوفاء
Abbas haji
حاتم ،،،طلعت المسدس وخليته براسه تعرف اكدر هسه اكتلك واخذ حق ابويه منك
سولاف،،، شيخ اترجاك عوفه هوه مريض وحالته مو زينه
حاتم،،، انجبي ولزمت راس سولاف وحصرت راسها بالكاع
حاتم،،، لك انته تعرفني اباوع عليه وصافن عليه باوع اني انته حرمتني من ابويه وكتلته عبالك ما اكدر اكتلك اكدر هسه اخليك بعد ما تتنفس بس تعرف ليش ما اكتلك اني اكلك مو من شيمتنه نكتل الناس الي ما يكدر يشرب المي اتمنه هسه تصير زين حته اخلي المسدس بحلكك ها تنزل دموعك تبجي من الخوف ابشرك بنتك فصليه الي حد ما انته تصير زين من تصير زين اكتلك وهذاك الوكت اديحها ورجعها الامها صدك اريد اكلك شي لاخ اخاف بالك انو تنهزم وتطلع تره اتموت انته وراها بنتك تموت
سولاف،،ء مو حرام عليك مجلب برجال ما يكدر يحجي وتحجي عليه
حاتم،،، اسكتي ولا كلمه انتي
سولاف،،، ما اعرف شكلك
حاتم،،، كلي لابوج شون كتل ابويه ونهزم متحبين تعترفين ابوج قاتل
سولاف،،، اترجاك عوفه ابوس ايدك عوفه مريض ولا تضل تحجي يمه هيج
حاتم،،، تعرف شكلك معى الاسف حالتك هيج لان احب اكتلك بس معى الاسف لا حول ولا قوه بس ابشرك بنتك اتحطمت حياتها بسببك
سولاف،،، حاتم كوم اطلع خل نرجع
حاتم،،، لا وين نروح باقين اهنانه انتي مو ردتي تشوفين ابوج هاج شوفي
سولاف ،،، شمرني على ابويه وهوه راح للهول اباوع على ابويه دموع تنزل من عينه كانما يريد يكلي شي بس ما يكدر اجت امي طبت جوه ورحبت مره لاخ بينه وطبت للمطبخ تسوي اكل واني اريد احضنها وكللها حاتم منو وشنو قضيتنا بنفس الوقت جنت اخاف ما اريد اخسر شخص من عائلتي واني افكر اكول معقوله مرات يتصرف وياي غير شكل يحسسني انو هوه يحبني ومرات لا يحسسني كأنما اني قاتله ابوه ولي سواها بابويه مو قليله بقينه بيت اهلي يومين ورجعنه البغداد راح لدكتور الدكتور ما موجود يخابره على مبايلى شخصي ميجاوبه بقينه ليله وحده بغداد ثاني يوم رجعنه البيتنه طبينه للبيت
حنين،،، الحمد الله عسلامه شيخ
حاتم،،، الله يسلمج
غرام،،، ها خويه رديت بسلامه
حاتم،،، اي طبعا لان محد عرف بيه اني طلعت الاربيل
غرام،،، شون وهل سولاف معرفو بيك انته من رجعت
حاتم،،، حنين روحي لشغلج اريد احجي ويه اختي على انفراد
حنين،،، ماشي تدلل
