ثار قديم(انتقام سيدي الشيخ)

البارت السادس

أبيع احزان تالي الليل من راد
وسؤالي اللي طرحته اليوم من رد
ليش الطيب ويه الناس منراد
لأن مايمتلك ذرة أذيه
==============

Abbas haji

سولاف،،، حاتم موافقين

حاتم،،، عليج الله صدك تحجين

سولاف،،، اي والله شنو بس لا متريدني

حاتم،،، لا والله احلى خبر تسوه دنيه يمي

سولاف،،، ماشي بس حاتم  شويه اخر الموضوع لا تستعجل

حاتم،،، صدك تحجين لا والله ما اخرها وحق الله ومستعجل كلش كلش

سولاف،،، شبيك لازم ناخره شويه

حاتم،،، والله منتظر هذا الخبر منج من زمان وهسه ما اصدك وافقتي والتأخير  مو من صالحنه باجر اني وامي نجي عليكم  اطلب ايدج ميخالف من اخطبج  بعد وراها اذا يتاخر هم ميخالف

سولاف،،، ما اعرف شكلك براحتك اكلك كلت وين نعيش

حاتم،،، بغداد غير

سولاف،،، لا نبقى ويه امك بناصريه

حاتم،،، حتى اذا بغداد امي وبيبتي هم يجن يمنه

سولاف،،، بكيفك بس برايي نعيش بناصريه افضل

حاتم،،، بكيفج هسه خل نتزوج عودين انعيش على الجبل لو  بصحراء

سولاف،،،ماشي براحتك اذا تريد روح خلص شغلك بس حبيت انطيك خبر

حاتم،،، احلى خبر سمعته بحياتي ماشي يكلبي اخذي راحتج لو باجر لو عكبه نجي

سولاف ،،، براحتك انت بعد

حاتم،،، ماشي  يمه فرحان وصلت للي اريده

فاطمه،،، شكو يمه وين واصل مثلا

حاتم،،، راح اتزوج

فاطمه ،،، اي علخير  ولو اني ما قابله بهل زواج

خاجيه،،،، ها فطيم شنو الي انتي ما قابله بيه

فاطمه،،، اجت اجت هسه راح تعكر مزاجي

حاتم،،، يمه اسكتي عيب

خاجيه، ، ها وليدي شو فرحان

حاتم،،، حجيه باجر لو عكبه شون ما ترهم اروح اخطب

خاجيه،،، صدك يا يماي فرحتني احلى خبر سمعتها منك

فاطمه،،، حجيه اي طبتج خير علينه

خاجيه،،، مبين من وجهج المعبسته

فاطمه،،، شنو

خاجيه،،، ولا شي اسمع ابني روح اعرض البيت مالي للبيع وبيعه ومصاريف كل عرسك عليه

حاتم،،،، لا حجيه الحمد الله عندي خير من الله

خاجيه،،، لا ابني هاي البيت حق ابوك لان بس هوه تعب ويانه اني وجدك وهسه اني انطيها الجهاله