تحملني رغم حزني
الحزن سالفتي من زِغري
تحملني لون ناوي تكمل عمرك بـ عمري
إذا طشيتك بـ روحي
وإذا مره ضعت بيّه
لتعاتبني بيش انخاك بـ الـ ماعرفوا شبيه
بـ الخلوني اون الليل
وأللوم الليّل وأبجي الليّل يوميه
Abbas haji
يا يمه شو ايديك متلفلف شكو شبيك
صيهود ماكو شي خاله بس وكعت من صطح
حنين،،، خطيه هسه ايدك شونها
صيهود،،، لا اختي هسه الحمد الله زين تحسنت حجيه امريني خو ماكو احد مضوجكم
فاطمه،،، لا يمه ماكو ايشي بس انته بهل حاله ما اريد اعذبك
صيهود،،، لا خاله امريني اني زين الحمد الله بس اشري
فاطمه،،، فدوه الكلبك تعرف ما النه بهل دنيه غيرك كلت علساس تشتريلنه ذبايح علمود المرحوم راس سنه ماله بعد جم يوم
صيهود،،، اعرف حجيه ليش اني ناسي هذا اليوم المشئوم اي وتدللين باجر جاهزات وخليهم يحيبونه بالحوش جم ذبيحه رايدين
فاطمه،،، 10
صيهود،،، واحد من عندي صارن 11 باجر اذبحهن وجيبه الكم
فاطمه،،، لا تستعجل ابني
حنين،،، هل ايام احنه نحتاجك اتمنه توكف ويانه حد ميخلص راس سنه
صيهود،،، على بختكم اني بالخدمه هسه اطلع اروح و يومين كبل موعد اني مجهزلكم كلشي طباخين وتمن والذبايح
فاطمه،،، يمه فدوه الطولك
صيهود،،، غمزت الحنين تعوفني وتروح راحت حنين خاله وره راس السنه مال مرحوم اريد اطلب منكم طلب
فاطمه،،، كول ابني اذا اكدر عليها اسويها الك
صيهود،،، اريد اطلب ايد بنتج غرام اذا ما عدكم مانع
فاطمه،،، ابني يصير خير خلي يخلص سنه وتعال اطلب الي تريده
صيهود،،، اشكرج خاله واعرف بيكم ما تقصرون اني اكوم اترخص
فاطمه،،، هلا بيك يمه اني رحت يم غرام كتلها ها يمه شعندج بلغرفه طامسه
غرام،،، يمه كاعده اباوع على جهال يلعبون
فاطمه،،، اريد احجي وياج حجايه بس ما اريدها يطلع من حلكج
غرام،،، كولي يمه اني اسمعج ما عندي شي
فاطمه،،، صيهود هسه جان بيتنه
غرام،،، ها صدك اي شكو بيها يمه
