ثار قديم(انتقام سيدي الشيخ)

البارت 28

وأوصي الروح .. بالچ للهوه تدنگين
خلي الموت لمن ياخذچ حرة

ترى الصبير ما يفرح بجية الغيم
ما يرضى المطر يتلاعب بعمره..

Abbas haji

حاتم،،، صيهود عيب  تجاوب  اني اجاوب بدالك يعني مقصد كلامكم صيهود هوه راح رمه على نفسه هههههه  وصايرلكم ساعه طرف ثالث وكو ناس وره رمي

كرار،،، اي والله اذا مو هاذ الرجال ليش يهدد بسمك

حاتم،،،  شعنده اخوك يفوت منا

كرار،،، ابنه يمكم الله يقبلها هوه مجاي يشوفه

حاتم،،، شوف نلف وندور ونرجع للبدايه كتلك هاي الامور انتهى وراح سدو خلاص من يكبر الولد عود خلي يجي يشوفه او هوه يروح

كرار،،، اني انصحك انو تخلي عينك على هاذا رجال ديحاول يزرع بلبله بينه وبينك

حاتم،،، ها صيهود اتريد تصير شيخ مبين  وتوكع بيني وبين ولد عمي مثل ما وكعت بين ابويه وبين اخوته سمعت هوايه حجي كافي بعد  اذا جايين علمود هيج مواضيع ما احب اسمعها اني واذا جايين تشوفون الحجيه الحجيه كاعده احنه نطلع بعد

كرار،،، شيخ حاتم احنه جايين نصفي الخلافات لان مو من شيمتك تطلع وتعوفنه

حاتم،،، اني سمعتكم وسمعت حجيكم  واحب ازيدكم علم اني بس اريد اخذ حق مهدي مو حقي حته لو انتو ضاربيني بغداد عادي بس ذنب بحق مهدي ميغتفر عليه  واتمنى ما تطلعون انتو

كرار،،، حجيه  انتي احجي وياه

حاتم،،، اني اترخص بعد

كرار،،، حجيه والله احنه ما رمينه على هذا البيت والله وهاذ الرجال ديلعب علي

خاجيه،،، اتمنى يكون كلامكم صدك بس المشكله محد يصدكم  بنسبه اني ما اكدر اضغط عليه هسه كمتو تخافون  وتجون تبررون نفسكم

كرار،،، امشي عمي ما اعتقد اكو فايده  وحجينه  كلها تعتبره كذب

جاسم،،، يمه والله كلامهم صحيح

خاجيه،،، اعرفكم يا ولد ولدي 

سندس،،، تعرفين اني مصدكتهم

سولاف،،، لا ابد لا تصدكينهم هذول ناس ماتهمهم غير مصالحهم

سندس،،،ما اعرفهم اني

سولاف،،، مر ايام وكام كل مره صيهود ياخذني لدوامي ويرجعني  وهاذ الولد كل ما هوه يجيبني ينتضرني بالسياره  مره فتحت الموضوع ويه حاتم

حاتم،،، شنو سولاف

سولاف،،، حاتم هاذ الولد من هوه ياخذني لدائره يبقى بسياره شنو سالفه بس فهمني عبالك ديراقبني

حاتم،،، ليش يراقبج

سولاف ،،، انته شتتوقعه اذا يبقى بل كراج وما يتحرك