مهيمن رحنا البيت اهلي
ام مهيمن ها شبيها خوفتني لو عفتها تموت من جانت الصغيره احسن من الهبطة الي أخذها هسه
ناصر تعالى عمو حبيبتي شبيج
نور خطية ماتهنت بطفولتها
مهيمن يمه اني كمره منبه وحاجي ممنوع احد يمد يده علئ بناتي يعني له تموت يله ترتاحين
ناصر شبيك مهيمن شكو شنو السالفة
مهيمن امي الازمه لجين ومهددتها شلون تضرب حسام و رحمة يعني أطفال شنو توقعين ؟
ام مهيمن اني بس رزلتها وهيه مدري شبيها بنتك مخبلة ومعاقة ياهو يزوجها الله يساعده
مهيمن تريدين تخبليني شوكت تخليني ارتاح من اموت
ابو مهيمن شكو شنو هذه الصياح
ام مهيمن تعال شوف ابنك شلون يصيح علية
ابو مهيمن شكو مهيمن ليش تصيح
مهيمن سوالفت السالفة كلها له
ابو مهيمن لج مره شكبرج وتدخلين بسوالف اطفال
ام مهيمن اي ادخل ماريدها ابدا لاهيه ولابزرها ومارتاح اذا مايتزوج غيرها شنهاي المعاقة مثل بنتها
مهيمن استغفرالله بصياح وسديت الباب حيل وطلعت وأخذت لجين
رجعت البيت تعبان وكاره الدنيا وشفت ريم
ريم خابرتني نور وسوالفتلي السالفة عرفته راح يجي عصبي فحاولت لطف الجو الله يساعدك ابو البنات بابتسامه
مهيمن رافع حواجب اخاف ماعاجبج
ريم هههههه كيك مورجال ضيم
لجين باوعت بوجه بابا واني بنصهم وكلت اي صح حلو بس مشيب
مهيمن اني ولج
ريم اي صدك جوجو شوفي طالع شيب ولزمت سعره
مهيمن اخاف ماعجبج
ريم ولو يا ابو بنات أهم شيء الأخلاق
مهيمن واني ماعندي أخلاق
ريم ههههههههاي خرب عقلك شكد احبك تذكرت هذه رجلي اباوع عليه رافع حواجبة وحاضن يدي كلت هسه يجيني بوكسي
مهيمن ولج شنهاي الضحكه جانت تخبل من تضحك
لجين حلوه ضحكتج
ريم بنتك تجشعني
مهيمن اي مو هاي ام لسان شلون ماتجشعج
لجين ههههاي شكرا بابا
ريم متت ضحك عليها لان تحاول تضحك نفسي
مهيمن ضحكتني وهيه تحاول تضحك مثل امها
دخلنا جوه وتعشينا وريم نومت البنات واجت الغرفة نومتها بحضني وكلت ريم عرفتي بالسالفة ليوم ؟!
ريم اي عرفت ليش اجذب عليك
مهيمن تعبت ريم من كلشي
ريم بسته وبتسمت
مهيمن هسه راح التعب
ريم ضحكت يعني اني اوخر التعب
مهيمن اي وعلي انتي علاجي اصلا
ريم احبك
مهيمن واني اموت عليج بعد كلبي
أنت تقرأ
عيناك ولحن القديم
Contoفي بطن واحد ولدت حياتين مختلفتين الاولئ متماشية مع العادات والتقاليد تدور مع عقارب الساعة اما الثانية ضد العادات والتقاليد عكس عقارب الساعة من ستنجح بالحياة
