ليان اثنين
ريم ولج واحد ناقص واحد مو زائد
ليان ليش يمه يختلف
ريم اي حبيبتي تختلف يله شكد ؟؟
ليان مادري عيدي الشرح ماما
ريم حبيبتي هاي خامس مره اعيد
لجين اساعد بالشرح ؟
ريم لا ماريد
ليان اي يمه بس ترزلني
لجين بعد احسن يمه اروح لبيت جدتي
ريم واين الدنيا ليل
لجين حبابه
ريم روحي بس انتبهي علئ طريق
لجين اوك
ليان يمه اني هم اروح اريد
ريم خلصي وروحي
لجين طلعت من الباب وتوجهت لبيت جدي هسه وكتهم يتعشورن كلهم وصلت دكيت الباب طلعتلي رحمه المعفه
رحمه طلعت وشفت لجين سديت الباب بوجها لان ليوم جاين عمامي من ناحيه ابوي وماريدها تدخل
لجين اني اعلمج يا معفنه دكيت الباب مره ثانيه
رحمه ولي
لجين فتحي لا الازمج بالطلعه المدرسه واكتلج
رحمه ولي ماريد افتح الباب
لجين بسيطه يامعفنه تمشيت بالحديقة شويه وخذت تفاحه وغسلتها وكعدت اكلها نوب كمت افتر دكيته فتحلي الباب حسام الخايس
حسام نعم شكو؟؟
لجين ولا هذه بيتك! علمود تكلي شكو توخر لااكسر راسك دفعته ودخلت
حسام الازمتها من كفها اوكفي لجين
لجين دفعت يده ونكتت ملابسي نعم؟؟
حسام ولد عمامي جوه
لجين واني شكو مثلا
حسام مايصير دخلين
لجين انلصم احسن عضيت التفاحه نوب رجعت لحسام اكولك عمامك واين عايشين
حسام بالنجف
لجين ها يعني راح اشوف كلهم عبايه ماشاءالله
حسام شبيج غير بالنجف
لجين تلصم الخايس دخلت وكلها عبايه وحجاب حتئ الي من كدي كلها تباوعلي بنضره جني وحده كافره سلام عليكم
كلها وعليكم السلام وحرمه الله وبركاتوا
لجين جددددددددو شلونك شخبارك التمن طيب لو لا ؟؟
محمود يخبل ياهو مسوي
لجين ماما بس اني ساعدتها
حمديه يمه فدوه لبنات سبعه واكول كليلات
لجين كاعده بوسطهم كلها تباوع عليه جان تنط وحده من كد امي بس امي احلئ
زينب هاي بنت مهيمن ؟؟؟
رسلان اي
زينب شنو بس بنات جابت ماكو ولد
سعاد والله اريده يزوج مايقبل يكول خطيه ماريد اكسرها وهيه جابت اثنين بنات وهاهيه كعدت
ام زينب خطيه زوجي اكو بنات مثل الورد خذيله وحده
سعاد اي اريد ازوجه بس مدري شنو مسويتلة سحر علويه شوفي شبي؟؟مخسور
لجين باوعت علئ العلويه مره جبيره
العلويه لا يمه هو لامسحور ولا شيء بس يحبها
زينب يا يحبها يابيبي بس خطيه جلبت بي
لجين باوعت عليها وخنزر بيها مال اكوم واجرها من حجابها البنفسجي
سعاد والله مانلكه احسن من زينب ل مهيمن بس مايقبل عنيد وباوعت لجين بنضره ستهزاء
لجين باوعت علئ زينب تباوع وتضحك وسعاد هم وكفت انتي هي ام الابنفسجي شبيج تضحكين شايفه فلم وتضحكين حتئ وجهج مايساعد ثاني شيء ابوي يحب امي واخذها عن حب وتقدم لها مرتين ويموت عليها اذا انتي ليهسه ماتزوجي مشكلتج مومشكلتنا فهمتي لولا؟؟؟؟
أنت تقرأ
عيناك ولحن القديم
Nouvellesفي بطن واحد ولدت حياتين مختلفتين الاولئ متماشية مع العادات والتقاليد تدور مع عقارب الساعة اما الثانية ضد العادات والتقاليد عكس عقارب الساعة من ستنجح بالحياة
