عيناك ولحن القديم

البارت التاسع والخمسون

مهيمن بدأ الدكتور ينطيها جرعات كهربائيه علمود تصحه بس حيل متاذيه مادري شنو السبب بعد فتره طويله يله بدأت يستجاب كلبها الحمدالله

محمود اكيد تاذت

ناصر اي جدي متاذيه

عمر بس خليها تصحئ وكلشي مانريد بعد

مهيمن خليها تصحئ ياجدي يكلون كلبها ضعف حيل خليها تصحئ وشتريد اسوي لها

ناصر توكلوا علئ الله

كلهم ونعم بالله

ممرضه صحت المريضه

مهيمن حيل فرحت دخلنالها ها بابا لجونه شلونج ؟؟

لجين جنت تعبانه وجسمي ياذيني حيل اخ هلا

مهيمن باوعت عليها بتوتر اكو شيء ياذيج !!

لجين لا بس اريد اطلع

ناصر عمو بس ارتاحي شويه

لجين لا اريد اطلع اكره المستشفئ

محمود هاهيه نطلعها مأطول تكرها يله بسرعه حضروا السياره حفيدي مريضه عمر راح يجيب السياره وناصر راح يدفع الفلوس

مهيمن يله بابا علئ كيفج تكدرين تحركين لواشيلج

لجين مايحتاج أكدر احترك طلعنا وتوجهنه لبيت جنت نايمه بالسياره حيل تعبانه

مهيمن بابا حبيبتي وصلنا كومي

لجين طلعت من السياره وتوجهت لغرفه من غير كلام والبيت جان فارغ ماكو لا ماما ولا وليان مابيه حيل اسئل عليهم رأسا نمت

ريم اجه اتصال من مهيمن طلعت لجين وهسه هم بالبيت رأسا لبست عبايتي يله وليان بسرعه لبسي حجابج خلينا نروح لبيت

نور ليش شكو

ريم طلعت لجين من المستشفئ

هدئ اي بشري

يوسف بشري ريم

ريم كلبها حيل متاذي بس عالجوها بالصدمات الكهربائيه وجسمها حيل متاذي منها تكول رأسا نامت

يوسف يله امشينا

حمديه خذوني وياكم جيبولي جواريب

يوسف يمه واين بيج حيل كالوا مابيها حيل الصبح اخذج لها

حمديه كلت اروح يعني اروح جيبوا جواريبي يله وعباتي

نور عمو خلينا هم نروح حنا

هدئ اي عمو نروح وياكم

حمديه يله بسرعه جهزن نفسجن

ريم خلصن طلعنا لبيت كبل وكلها ملتمه هناك ها بشر مهيمن

مهيمن حيل تعبت عفتها تنام بغرفتها

ريم خلينا اسويلكم جاي

نور كعدي اني اسوي

حمديه شبيها تعبت هيج فجاه

لجين مادري والله رحتلها شفتها فجاه ماتنفس وماتسمعني شكد حجيت وياها

وليان حسيت بتأنيب الضمير بقيت مدنكه وساكته بقوا يتناقشون علئ الموضوع شربوا جاي وراحوا رحت نمت

لجين فتحت عيوني الساعه بل ٧شعندي كاعده مادري كعدت تريكت وراجعت لان عندي امتحان وصليت

ريم صباح الخير ياعمري وحضنتها شلونج ليوم

لجين بابتسامه الحمدالله

ريم شعندج كاعده هيج وكت ومبدله ماكو روحه لمدرسه ليوم

لجين لا يمه ماكدر اجل اي ماده ومابيه شيء تره عوفيني اتحرك

ريم علمودج ياعمري بس مأطول تريدين هيج براحتج

مهيمن صباح الخير ياعمري بس ريم ولجين واين

لجين لمدرسه

مهيمن اخاف تعبانه

لجين مابيه شيء بابا خلوني امتحن يله طالعه اخذت جنطي وتفاحه

ريم واختج؟

لجين تأخر يله باي

مهيمن اوصلج بابا؟

لجين ياميحتاج ياعمري بيباي

ريم الله وياج حبيبتي نتبهي لنفسج

لجين اوك بيباي تمشيت واراجع ويا نفسي اسئل واجاوب شفت جدي وجدتي كاعدين بره صبااااااح الخيرررر

حمديه يمه خوفتني يمه تعالي احضنتج شلونج بعد كلبي

لجين الحمدالله بوستهم

محمود بويه تريكي تعالي

لجين ماريد والله شبعانه يله الازم اروح

حمديه لا تروحين لمدرسه تعالي كعدي يمي

لجين عندي امتحان ياروحي يله رايحه بيباي

حمديه ومحمود الله وياج تعالي اول ماترجعين لنا علمود تأكلين يمنا

لجين ميخالف