ليوم في تاريخ الأحد/9/18
ليوم العقد اي صح مر هواي وكت وتقدملي مهيمن المره الثانيه وهاي المره بابا وافق سوينا عقد كلش حلو وبسيط اهله واهلي وكرايب بس خلينا نتكلم شلون تجهزت
ام ريم :ريم ماما ماما كعدي الازم نروح لصالون والقفطان وصل
ريم :صباح الخير اي كايمه
ام ريم :كاعده تسولفين ويا كومي هسه ولج منالمن توصل
ريم :ههههه يله جاية
رحنا لصالون وبدت المكياج وشعري اني بيضة وشعري اشقر ماردت اصبغة واخرب لونه حطتلي مكياج كلش حلو وسوتلي تسريحه بسيطة ورجعنا البست الفستان جان كلش حلو اجواهل العريس واهلي والشيخ وبدينا نعقد وطيكانا الصور وقطعنا كيك جانت اجمل حفلة بساطتها ونزاكتها ثاني يوم طلعت اني ويا وعقدنا محكمة وتغدينا وتمشينا ورحنا الئ الإمام الكاظم (ع ) علمود يبارك بزواجنا زرنا ورجعنا مرت ايام الخطوبة جانت مثل العسل يوم من الايام
مهيمن :حبيبتي؟
ريم :نعم
مهيمن :تدرين حنا راح نسكن بالناصرية ؟
ريم :هههه لعد واين مثلا اي ادري
مهيمن :توتر شوفي اني ماريد اجبرج علئ شيء ابدا بس اريدج تحجبين
ريم:بس ليش
مهيمن :شوفي ياعمري هناك ماعدنا وحده مامحجبة واخواني بالبيت كلنا صح كل واحد له طابق بس الازم موصح ياعمري؟
ريم :صح نص نص
مهيمن :هههه شلون رهمتها
ريم :ميخالف اتحجب لان اني مقتنعه بس شرط
مهيمن :شنو هوه يله
ريم :جريت منديل من الطاولة وجرت قلم وكتبت أولا راح تحبني هواي ثانيا ماتحب غيري بس أولادنا ثالثا ماتزوج عليه
اذا تخالف شرط واحد نفصل بابتسامه ونظره حاده
مهيمن: اوقع او ابصم او اكلج شيء احسن
ريم :شنو هوه ؟!
مهيمن :وعد زلمة وزلمت شواربي اذا بيوم اخالف نفصل
ريم :مهيمن تحب الطبخ؟
مهيمن: اي والله احب اكل البيت وخاصتن دولمه بوياي اموت عليها انتي تعرفين صح؟!
ريم :ها اي اكيد لعد شلون اني بنيه معدلة
مهيمن :اي لعد اول مانزوج تطبخيلي دولمة
ريم :لا شنو اطبخ
مهيمن: ليش بله
ريم :يعني قصدي مو اول ايام زوجي
مهيمن :ههههه يله ميخالف
مرت ايام وصلنا الزواج ماسوينا حفلة وهوسه لان طريق طويل البست فستان ابيض طويل شعري تسريحه مكياج تصوير ومهيمن يمي واهلي اجمل تفاصيل البنيه تعيشها مع الشخص الصح أبويه وإخواني شلون يصو علية وهو يكلهم بعيوني خفت اعوفهم او مايجون ورأي بقيت خايفة منا لمن وصلنا
مهيمن :يله حبيبتي ايدج
أنت تقرأ
عيناك ولحن القديم
Nouvellesفي بطن واحد ولدت حياتين مختلفتين الاولئ متماشية مع العادات والتقاليد تدور مع عقارب الساعة اما الثانية ضد العادات والتقاليد عكس عقارب الساعة من ستنجح بالحياة
