ريم: ابوي طول برد الجواب وهم ماخابروا بقينا أشهر نحجي اني ومهيمن وتعرفت عليه اكثر الصراحه حبيته ماجذب عليكم شخصيته مرحه وبنفس الوكت معقده مثل عصير مكس (مختلطه) بلحظة يصير كتلة من العصبية وبلحظة يصير ابرد من الثلج احيانا يمر لصيدلية بحجه محتاج شغلة كم مره كتلة لاتجي هواي اخاف أحد يشوفك او يشك بيك بس هو يكول اني مريض شنو اسوي مرت ايام والعلاقتنا حلوه بيوم من الايام قرر بابا يرد الجواب وجان الجواب رفض جنت مادري هذه جوابه بيومها خابرني مهيمن وكالي
مهيمن: جان كتلة من العصبية وصيح ليش رفضتني ها ولج ليش مقصر وياج مسوي شيء حبيتج من كل كلبي وهيج تسوين وياي هيج
ريم: بس فهمني شكو شبيك ؟
مهيمن: ابوج اتصل يكول البنيه رافضة الزواج
ريم: بس اني مارافضة ولا دري والله هسه ارجع واشوف شكو بس .... نسد التلفون بوجهي
زين ليش بابا كال هيج رجعت البيت وجان بابا ماكو سئلت امي يمه ليش بابا سوه هيج اني ماكلت رافضته طبعا سوالفت الامي كلشي لان حناصديقات
ام ريم: والله ماماشنو اكولج بس ابوج استحه شنو يكول لشيخ فطلع هاي الحجه
ريم:بس ماما مايصير غير يسئلني حتئ لويرفض بس غير يسئلني اني صرت جبيره مو زغيره دخل ابوي سلم سلمت ودخلت الغرفه حتئ ماكلت ومهيمن مايحجي وياي بليل اسمع نفتح البابا سويت نفسي نايمه كعد علئ السرير وبدأ يحجي
ابو ريم:تدرين شلون حبيت امج شفتها بالكلية اول مره نعجبت بيها نوب كمت اراقبها واكثر من مره رحت طلبت يدها وأبوهايرفض علئ الرغم مابيه قصور وبيت وسيارة واشتغل وادرس حتى سمعتي زينه وأخلاق وجمال مو صدك ريموم اني حلو ؟
ريم: واني اضحك والدمعه بعيني تخبل بابا
ابو ريم: اعرف لعد شلون سويت هيج إنتاج وكرصت خدها وهيه صايره حمره من البجي ومبتسمه تعرفين اي شخص كامل من كل النواحي ويتقدم لبنيه تقبل مو صح زين اني ماعندي نقص من اي ناحيه فكمت أتقدم أكثر من مره تدرين كم مره
ريم: هزيت راسي بنفي
ابو ريم: 5مرات آخر مره تقدمتلها وافق بوكتها ركصت ركص موطبيعي وبيومها عقدت عليها ثاني يوم عقدت محكمه وسويتها احلئ عرس وتزوجنا بيوم من الايام سئلت عمي كتلةليش رفضتي عمي واني ماناقصني شيء يعني جان بيه قصور احجي واباوع عليها شلون مركزه عليه وابتسم
وكال :لا والله مابيك بس اني راح انطيك جوهره من جواهري ردت اختبر حبك لها وصبرك ردت تثبت هذه الحب لها علمود تكون مرتاح وكال بوكت تصير عندك بنيه ويجي شخص يتقدم لها راح تفهم تدرين هسه فهمت كلام عمي اني سويت هذه الشيءعلمودج اريد اشوف حبه لج نظيف يريد هاي الماس الي عندي لو يعوفه من اول مره
ريم: بجيت وحضنته حبيبي بابا
ابو ريم: تدرين اني واثق بيج ماتسوين شيء غلط ولهذه ماحاسبتج علئ علاقتج لان اني ضايك الحب ولوعته
ريم:بقيت ساكتةومنزلة راسي بس احبه احسه يفهمني رفعت راسي وبنتسمت بابا شنهاي طلعت علاقة وحب وكذا
ابو ريم: هاي القلب مالي شلون ماحبها تكوي خلينا ناكل
ريم:يلة ناكل
صح ضايجه من حجي مهيمن بس وكعه بيد بابا اني شكو 😂😂 اكلت وجريت التلفون بلكت رسالة شيء كلشي ماكو حتئ مامتصل رجعت نمت وافكر بي اخر شيء قررت اتصل
...........................
مهيمن: حيل ضجت من الرفض وصرت عصبي عليها بيومها حتئ اخواتي رزلتهن وامي تصيح مو رفضتك تذب حركتك بينا عفت البيت ورحت الشط دك التلفون شفته ريم رديت
ريم :بتردد مهيمن
مهيمن :ياعيونه وقلبة
ريم :والله مو اني رفضتك بس كتلك جدك ماحط مجال يفكر ابوي واستحه يكول اني رفضت
مهيمن: عوفي هذه الموضوع سئوال
ريم :جواب
مهيمن: تحبيني؟
ريم: شوف اول مره جربت الحب وياك مادري اذا يعتبر هذه حب بس شعوري اذا تغيب عني ازعل واضوج وتكاب واذا يوم تكلي راح اجي لصيدلية أفرح واكشخ واتمكيج والبس احلئ شيء عندي علمود تكلي كلمة حلو تطيرني لسماء كمت طلعت اتمشئ بالحديقة احيانا تصير عصبي عليه وتحاسبني علئ كلشي مثل بابا وتحرص عليه وتهتم بيه احب التفاصيل الصغيره الي تركز بيها احب. ابتسمت من تضحك ومن تعصب ومن تهتم احب. كل تفاصيلك كل سالفة منك
مهيمن: ابتسمت علئ كلامها تدرين ريم انتي تطفين عصبيتي بلحظه وتخليني ابتسم مثل الخبل ريم اني اموت عليج واحبج بكد الدنيا اول ماشفتج والخصلات نازلة علئ وجهج بقيت صافن بيج وكلت خليني ادخل اشوفها من قرب نسحرت بعيونج بوجهج بكل تفاصيلج وكمت كل يوميه أمر عليج وادعي مية دعاء انو انتي مامعزلة لان يوم الجمعة اجيت لكيتج معزلة
ريم :مبتسمة واضحك علئ كلامه فاجئة اسمع صوت بابا ضميت التلفون بلجاكيت و تجهت عليه ها بابا
ابو ريم: بابا بارده الكاع وانتي مالبسه جواريب والجو بده يبرد
ريم :اي بابا هسه راح البس جواريب
ابو ريم: ليش باقية لحد هسه مانايمه ؟
ريم: اشتم هوه
ابو ريم :موزين عليج السهر بابا والجو بارد اخاف تمرضين
ريم :اي بابا هسه انام
اجه بتجاهي وحط يده علئ راسي وباس راسي اني ابتسمت يلة بابا تصبح علئ خير
ابو ريم: وانت بالف خير
مهيمن اني اسمع كلامها هيه وابوها شكد حلو علاقتهم
أنت تقرأ
عيناك ولحن القديم
Contoفي بطن واحد ولدت حياتين مختلفتين الاولئ متماشية مع العادات والتقاليد تدور مع عقارب الساعة اما الثانية ضد العادات والتقاليد عكس عقارب الساعة من ستنجح بالحياة
