لجين لا ماصير شيء
محمود تضمين عليه احجي
لجين ماريد اصير دكتوره
محمود ليش ابوي معدل حلو هندسه موحلوه لج اصلا
لجين ولا هندسه
محمود لعد محاميه
لجين لا
محمود لعد شنو
لجين ضابطه
محمود ..
لجين بقيت اباوع عليه صافن وساكت مايحجي شيء بس يباوع عليه
محمود وليش ضابطه ؟
لجين حلمي
محمود لجونه شنو ضابطه اريدج دكتوره شنو ضابطه
لجين ليش جدو
محمود ليش تضحكيني لجين ضابطه !
لجين اي ضابطه وراح اصير
محمود علئ ركبتي
لجين خفت اي هاي الكلمه ترعبني تحدي جديد بس اكبر واقوئ بقيت اتنفس قوي ويدي ترجف وتموعي تنزل اصير يعني اصير عفت الهديه واني انزل الدرج كلها نضراتها عليه سمعت صوته واكف علئ الدرج
محمود لجين واني والوكت راح يثبت وضربت بعصاي الكاع
لجين بقيت اباوع عليه وكل عيوني دموع هذه سندي وقوتي ضدي
سعاد سويتي يامفلوكه
لجين لاتدخلين وطلعت من بيت جدي واني امشي وابجي علئ احلامي وطوحي واهدافي عبالي يوكفون وياي بس ماكو اختفوا صار طريقين وكفت بنص وهيه تمطر لو اهلي وناسي واعوف احلامي لو حلمي واعوف اهلي وناسي! احيانا تصير إشارات تدليك علي الشيء الي تريده بوكتها اكو اشاره تدلني علئ حلمي وختاريته.
ريم واينج لجين مطر صار قوي وانتي تاخرتي لجونه ليش هيج ملابسج مبلله راح تمرضين يله بدلي وكعدي يم الصوره
لجين اي
مهيمن صاير بيت جدج ها؟
لجين ماصار شيء
مهيمن خابرت امي تكول جدك عصبي من بنتك شنو صار علمود حلمج السخيف كاعدين تحاربينا
لجين حلمي موسخيف تمام ؟
مهيمن اي سخيف
لجين تمام رحت الغرفتي حسيت تعبت من كلشي ضغوطات
ريم شلون تحجي وياها هيج صدك تحجي
مهيمن ردت انرفزها
ريم صدك تحجي مهيمن
مهيمن اي وراح اكولج شغله اذا حنا نولدنا مانحقق احلامنا علئ شنو نولدنا لعد ؟
ريم يعني شنو قصدك
مهيمن بعدين تفهمي
ريم احجي عيني مهيمن
مهيمن اني موافق بس ممنوع تكوليلها اريد اشوفها راح تبقئ تدافع لولا
ريم صدك مهيمن ؟ وافقت
مهيمن اي
ريم وجدك؟
مهيمن معليج اني احجي ويا
ريم حبيبي انت اعرفك تحبهن
مهيمن اكيد ماعندي اغلئ منكم
ريم الله يحفظك لنا
مهيمن ويحفظج
وليان هلايام الي مرت اشوف ساحه حرب بالبيت بين لجين وبابا طاحنه موعاديه وحنا نتفرج عليهم بابا يحجي علئ حلمها بالطالعه ونازله وهيه ولامهتمه أحسها واثقه راح تنتصر واني ٢٤ساعه اترزل علمود اقرا
لجين قرب موعد الاستماره وقررت اسوي خطه b والي هيه الدموع التماسيح شفت بابا كاعد وحده بالغرفه يتستغل دكيته الباب
مهيمن ادخل
لجين عادي اني ادخل
مهيمن دخلي
لجين بابا اطلب منك السماح واني اسفه علئ كلشي وانتم قرروا واني انفذ علئ رغم ماراح اعيش سعيده ولا افرح وراح اكون وحده فاشله بالطب وتعيسه وكئيبه بس حتئ لوهاي اهم شيء رضاكم . وبديت ابجي
مهيمن كافي تمثيل اعرف سوالفج
لجين ها؟
مهيمن ميخالف
لجين شنو ماسمعت
مهيمن ميخالف انتن بناتي كلشي تريدنه يصير ماريد يبقئ شيء بنفسكم.
لجين اروح فدوه ونذر الله يحفظك النا ياتاج راسي
أنت تقرأ
عيناك ولحن القديم
Kısa Hikayeفي بطن واحد ولدت حياتين مختلفتين الاولئ متماشية مع العادات والتقاليد تدور مع عقارب الساعة اما الثانية ضد العادات والتقاليد عكس عقارب الساعة من ستنجح بالحياة
