وليان اعتقد سمعتوا شنو حجيت مايحتاج احجي كلساع
ريم كافي وليان
سعاد خلي يحجي محمد يكسرها تكسر
ريم عمه مايحتاج هذه الحجي واصلا بس كلام ماكو اي تنفيذ ولا وحده مسجله باسم احد حياتهن وعندهن حريه شلون يعيشنها
سعاد لا عيني مثل كل وحده بالعشيره هيج تقرر عليهن هنه هم يتقرر عليهن هيج شنو بناتج وحد
وليان اي وحد
سعاد جيبولي شيء اكوم الهاي خلصنا من هذيج اجت هاي
محمود كافي فضحتونا كوموا كل واحد لبيته ومهيمن باليل اريد لجين احجي وياها
سعاد شنو تحجي وياها ؟
حمديه مادخلج شنو حاشره روحج عبالك مراهقه
سعاد شنو هنه وحد شوفي فاطمه ورحمه تزوجن وعندهن خلفه وهنه بعدهن
حمديه معليج واخر مره اكول
مهيمن يله ريم وليان وراي
وليان اول مره اصير قويه وارد هيج رد مدري منين اجت القوه هاي بس اهم شيء رديت كافي اسكت عن الاهانه واخاف علئ كل شخص
مهيمن يله دخلوا ريم جوعان بربج فد طماطه
ريم تدلل بس اشوف لجين واجي
وليان اني صاعده يمه مايحتاج
ريم خوش لعد اذا نايمه عوفيها
وليان ميخالف صعدت شفتها متلفلفه بالبطانيه وفاتحه عيونها ها جوجو
لجين ها
وليان ليوم رديت علئ سعاد سويت بيهن تريد يجي مهند يخطبج تكول لام مهند وهذيج تسئل شوكت نجيكم جان ماما تكلها بس كلام حاليا مواكيد وجان سعاد تحجي واني رديت ها وتكول هيه باسمه كتلها سياره باسمه مثلا وجان يكومن عليه عبالج اني سكت لا والله مسحتهن مسح
لجين عفيه طفي الضوء وطلعي
وليان اجيت يمها شبيج لجين ياذيج شيء !؟
لجين لا بره رجاء
وليان ميخالف نزلت
ريم ها شلونها اختج ؟
وليان اباوع لبابا خطيه جوعان وكاعد ياكل وماما تحطله اكل مدري شبيها كالت طفي الضوء وطلعي بره اشوف بابا رفع رأسه لماما وهيه تبادله نفس النضرات جانت خوف وقلق جان ركضوا فوك
مهيمن لجونه بيج شيء ؟
ريم لجونه جاوبني بيج شيء
لجين لا مابيه عوفني وحدي اريد انام
مهيمن بيج لجونه معدل عالي ليش ضايجه
لجين هو مشكله المعدل المعدل هذه ماريده
ريم شنو ماما تريدين اعلئ منه؟
لجين بديت ابجي لا ماريد اعلئ منه اصلا ماريده
مهيمن ليش بابا يخبل وراح تصيرين دكتوره بعد اكو احسن من هيج
لجين ماريد اصير دكتوره مسحت عيوني وخشمي وشفت صدمه بوجوهم
مهيمن لعد شنو تريدين؟
لجين ضابطه
ريم ضابطه!
مهيمن شنو ضابطه بابا
لجين اني اريد اصير ضابطه هذه حلمي ليش ماتفهموني
مهيمن بس دكتوره شكد عضيمه وضخمه شنو ضابطه اصحي لجونه
ريم علئ كيفك وياها
مهيمن ماتسمعيها تريد تفشلنا بين الناس
لجين ركزت علئ كلمه تفشلنا اول مره يكولها بوجهي يعني اني عيب عليك؟
مهيمن عفتها ونزلت
ريم اباوع علئ لجين الي بدت تفقد أعصابها لجونه موقصده حبيبتي
لجين لا قصده اني عيب عليكم لعد موتوني وخلصوا مني يله موتوني شعندي عايشه وياكم خلصوا مني عار عليكم مو .
أنت تقرأ
عيناك ولحن القديم
Kısa Hikayeفي بطن واحد ولدت حياتين مختلفتين الاولئ متماشية مع العادات والتقاليد تدور مع عقارب الساعة اما الثانية ضد العادات والتقاليد عكس عقارب الساعة من ستنجح بالحياة
