نور وسط الظلمات

البارت الاول

في جنوب العراق

:يله گعدي كافي عاد  كاظيته نوم وراچ ملابس وتحظير للقسم ما بقى بس سبوع وتروحين
نور :اووو يمه شدعوه احظر قبل سبوع قابل عرس هو ملابس بعصريه  اشتريهن وعود طبخيلي اي شي اخذه وياي لو من هناك اتسوگ واطبخ حتى خبز اشتري من هناك وبعدين تعالي انتي تردين تفتكين مني وهيج مستعجله على روحتي لا تفرحين هواي كلها بس هاي السنه وتخرج يعني احسبي للشهر السابع اني يمج
ام احمد : عبالي تحچيلچ حچايه بيه خير ولج هو اني شعندي غيرچ علمود افتك منچ بس الله يعلم شلون مقهوره على  روحتج مالت القسم بس شسوي مابيدي شي رغبتچ هاي
نور :شبگت امي ياعمري انتي يا احن بشر يله ما بقى شي خلصت السنه اخر سنه ادعيلي اجيج مهندسه وبعد شغل كهرباىيات كله اني اسويهن الكم ومجانا
ام احمد :ديله فظيه عاد بدلي وگومي خلي نجيب ملابس ونرجع ع السريع
نور :ماشي يوم هس ألحگج
.ها طبعا نسيت اعرفكم عليه اني نور من الجنوب عمري ٢٢سنة گصيره وشويه تارس جسمي لون بشرتي خمري عيوني لونهن عسلي فاتح وشعري نفس لونهن طويل يوصل لحد ركبتي ادرس هندسة قسم كهرباء في جامعة تكريت الوحيده ل٣اخوان احمد اكبر مني عمره ٢٤ خريج علوم حاسبات ومتعين بمدرسة والثنين الزغار حيدر عمر ١٨طالب سادس وعلي ١٦طالب عدادية
ابوي ابو احمد عمره ٥٥سنه متعين باحد الدوائر الحكومية امي ام احمد عمرها ٤٠سنه ربت منزل مممتازه نعم فرق العمر چبير بينهم بس واحد يحب الثاني
لا تخلو حياتنه من المشاكل بسبب الاقارب بس الحمد لله مرتاحين بيتنه وحياتنه العائلية . مستوانا المادي جيد نملك اراضي زراعية وبيوت طبعا من ورث جدي . وهس نكمل قصتنه
نور :طلعت اني وامي ما رجعنه الا صار الساعه ١١ ميتين تعب وديت الاغراض لغرفتي ورجعت لامي اساعده بالغده
ام احمد :ولچ نور تعالي سوي الزلاطه بين ما اكمل المرگة وغسلي التمن بطريقچ
نور : صار هس اكملهن عليمن خابصه نفسچ هم ما يتغدون الا ب١
ام احمد :ميخالف يا امي بله جاعو وگالو هس نريد غده واليوم جمعه هم نريد نصلي نقره قران قبل الاذان مالت الظهر
نور : هاچ هذا التمن غسلته بعد براحتچ اني علمودچ لان اشوفچ تركضين تعبانه
ام احمد : ميخالف لعيونكم يهون التعب شعندي غيركم

في مكان اخر من نفس المحافظة
:اااااخ احتركو اهلك
:: هههههه ولك يشورون بيك ساده وعلي ( ساده مصطلح يطلق على العلوين من نسل النبي محمد ومعروف هذا المصطلح كثيرا في العراق ويختلف في اصل نسبهم الى الامام علي السجاد عليه السلام ام الى الامام موسى الكاظم والى بقيت اهل البيت عليهم السلام )
جعفر : مو انت تجبرني مو گاعد اسوي سم تجيب الثلج تشمره بظهري ليش
حسين :غير احبك ومن حبك لاشاك
جعفر :استغفر الله النيه راحت لبعيد هذا المثل لا تحچي
حسين :ههههههه طاح حظ صحبتك ادبسزز. انوب امي تگلي امشي وي جعفر خوش ولد ما تدري بيك سرسري حتى المثل تگلبه
جعفر : اگلك عود صدك العلويه هيج تگلك
حسين :اي والله عباله شريف
جعفر :عوف شريف چا ما تنطيني اختك مادام امك تمدح بيه واني حلو ومتخرج ودكتور شمالك خايب
حسين: لو تموت ما تشوف ذيال اختي . يزوجه هو ابو الوصخ خابصنه دكتور عود هس انت مقدم عرض مغري
جعفر :لا انت ما اغريك اغري حمامت گلبي .دزوجني اياها الك قصر بالجنه واني انطيك مفتاحه
حسين : رگظت عليه ودفرته چلب ما تستحي تحجي هيج على عرظي
جعفر :اخخ اشتعلو بيت ابو لهب ولك ما حچيت اااخ يمه ظهري ولك اريدها بالحلال
حسين :عفته يتلون واني ميت ظحك عليه ادري بجعفر يريد يخطب اختي بس احب اخبث عليه .يووو نسيت اعرفكم عليه لو اكلكم بعدين تعرفوني  خلوها مفاجئه
نرجع وياكم لبيت ام احمد
نور : مر اسبوع بين تحظير للقسم الداخلي من طبخ وتعليب وهم جهزت جنطت ملابس واحذيه وجنط ومستلزمات العناية من شامبو وعطور وغيرهن جنت اجهز بالجنطه وشفت خيال عد راسي طفرت لتفتت شفته نفس نظرته الي ما تغيرت صار الها اربع سنين كل سنه بنفس اليوم اشوفه نفس وگفته ونفس الدمعه تلالي بعينه ونفس الصفنه
: ها رايحه باجر
:تنهدت بحسره وگتله اي رايحه بس والله اسبوعين ونزل ما ابقى هواي تقرب وگعد على ركبة يمي وگال
: ما اوصيج تعرفين الحچي ومو زغيره بس باباتي لا تثقين بصديقه ولا تامنين باحد حجابچ سترچ وامانچ بالدنيا من عيون الناس وبالاخره من النار بنتي اي شي تحتاجي تلفونچ يمچ اتصلي لو بنص ليل لا تترددين انتي رفعت راسي ما اعرف افارگچ ولا اريد تنقهرين بس بابا تعودت اشوفكم يمي على السفره
:شبكني ولا اراديا بچيت جاوبته .بابه لا تظوج هس اسبوعين ورجع ويوميه اتصل بيكم قابل وين رايحه لا تظوج .باسني براسي وگالي
: تره هديت تخرجچ محظرها من هس
نور: يروحي انت هدية ونعمه الله انعمه عليه
(طبعا هذي مو دراما مبالغ بيه بس الي ساكنه قسم داخلي او ما يسمى سكن طالبات راح تعرف هذا الشعور )
نور : كملت تجهيز والصبح نطلع لتكريت بيتي الثاني
اليوم التالي
نور :مشت بينه السيارة وچنه اول مره اروح نفس الظوجه ونفس الدموع خليت راسي على الجامه ونزلت دموعي بهدوء اني طبيعتي متعلقه كلش بعائلتي وبعد معانات الطريق وصلت للقسم الداخلي اني مسجله عليه قبل فتره يعني اعرف غرفتي ومكمله كلشي بس اروح اسكن وهناك صديقاتي نزلت من السياره شفته نفس برائته وطفولته وجمالها تظحك وساحره الناس بظحكته العفويه
:: اجت والله اجت اجت والله اجت
:ولچ شهرتيني اسكتي
: اسوكتي كوووولش مشتاقتلچ
::اوووي ام اسوكتي اني كوميات مشتاقتلچ
نورس : هههههه والله مشتاقه كومه الچ .شبكته حيل لان نور صدك صديقتي الي هواي وگفتلي طبعا ما عرفتكم عن نفسي . اني نورس من بغداد صديقت نور بالسكن تعرفت عليه من چنه مرحلة اولى وصارت اعز اصدقائي بمواقفه الحلوه اني ادرس هندسه قسم نفط وغاز مواصفاتي بيضه كووولش وشعري اسود واصل لنص ظهري عيون كبار لونهن ازرك مثل بابا طويلة بس شكلي طفولي طبعا اني من ام مسيحية واب مسلم وبأحداث القصة راح تعرفون عائلتي .
نور :بعد ما بوستها لهذي المجنونه الطفولية الحلوه دخلنا للقسم وبده عامنه الدراسي
اليوم التالي
نورس :نوره نوره نوره يله كومي صارت ب٧ وعندچ محاظره ب٨ونص يادوب تتركين وتبدلين
نور : نوسه حبابه بس شويه والله تعبانه من طريق البارحه حبابه بس شويه
:: يوووو شنو من ازعاج انتن كولي اكو هنا حيوانات نايمه
نور : كعدت نص كعده وكفشتي مفتوحه وفاتحه عين ومغمظه عين هاچ استلمي يانوسه هاي اول يوم .يابه الحيوانات ما عدكم دراسه
::وانتي شكو عندي ما عندي
نور : مو اگوم وتعرفيني
امال : فدوه بنات كافي تره والله نعسانه جايه من البصره وانتي ام حيوانات گومي ولي حبيبچ ينتظرچ شفته ناشر لبارحه شوكت يجي باچر واروي عيوني
هدى : يبوو اكبر جذاب يگظيها عرك وياي بس جايبلي العين
البنات ::هههههههه
گمنه كلمن لداوامه

نوره حبيبي يله
نور :اجيت يله
هدى : اوووف هم قسم وهم بعيده عن اهلي وهم ميكانيك ادري شتخرج بنچرچي
امال : احمدي ربچ غيرچ يتحسر عليها
هدى : الحمد لله . درت وجهي شفته من بعيد بكشخته ولون الاسود الي يتميز بيه دوم .هاج تفظي
امال :اسود قميصك ليش هاي اني عدله لو تنكلب تكريت حبك ما بدله
هدى : انچبي بله انتي لو ما ساحلتني انتي ونوره الچلبه فلا اجي
امال :احنه لو حبيب الگلب واصلا اني گتلچن ما اريد ادوم جاية من البصره وتعبانه بس انتن اصريتن
هدى : اي اي هو محد دهرنا غير نور ونورس هاي بت الحلو
امال :هههههههه ولج صدك ابوها يموت
هدى : دسكتي اجانه انوب جسمي يرجف چني اول مره اشوفه
امال : يمه الحب يمه شبت بظلوعي نار يم الحب يمه يله اني اروح لمحاظرتي وانتم كالعاده ظاربيها
هدى : لا تعوفيني استحي ولج
امال :لا والله ومحاظرتي دولي .فلتت ايدي كمت سمعنه صوت اجه من ورانه
عمر : السلام عليكم شلونهن بنواتنه
امل وهدى : وعليكم السلام بخير
امل : اني اترخص
عمر : يابه مرخوصه .التفتت لفاتنتي جميلتي كتلت الانوثه والاخلاق .شلونه العشگ . اعاين عليه صار وجه احمر من الخجل .
هدى : هلا عموري الحمد لله انت شلونك
عمر : والله يابو الشباب بخير .تره ماجاي اسلم على صديقي
هدى :چا شسويلك غير جاي اسلم
عمر :وهيچ الناس تسلم على اليحبونه
هدى :يااا چا شلون بله
عمر : هلا حبيبي هلا عمري هلا نبضي هيج السلام
هدى : خجلت اكثر وصار وجه احمر وحجت .احم مو شسمه مو اني هذا .
عمر : عمي اسكتي بطلت خليني بس اباوع لابداع الخالق
هدى : عمر كافي تره والله استحي
عمر : اااخ ربي دتشوف شلون تشلع بگلبي وموت على ربچ
هدى : التفتت خجلانه منه واشوفه وصرخت عزاااا عمر الحك