نور وسط الظلمات

البارت ٢١

حسين : لا هي مبينه جدر وغطاه
فاطمة : عليك الله وينه غطاي شنو اسمه شكد عمره وين اهله
حسين : انجبي يله ولي منا ما تنعطين مجال
فاطمة : رايحه ولا تلحكني وتكلي جوعان
حسين : عافتني ومشت لنهاية الطارمه (الطارمه الارظية الي تصير ب  مقدمة البيت تكون صبه او سيراميك )
اردفت... هيووو وين موليه
فاطمة : اقره عندي متحان ب٩
حسين : خوش ولي
فاطمة : خوش اولي بسيطه
حسين : ظحكت على تصرفاتها عبالك جعفر ومكابلني رجعت طبيت لغرفتي الملل كتلني فتحت الحظر عن جعفر ودكيت عليه مره اثنين اربعه ما جاوبني ظليت بالغرفه ساعه انمطل ساعه افتر لحد ما سمعت صوت بره رحت لكيت امي كاعده تسوي ريوك صبحت عليه
.. صباح الخير
ام حسن : صباح النور شمكعدك من هس
حسين : من زمان كاعد
ام حسن : ليش خوما يوجعك شي
: لا يمه كلبه من الحب يوجعه
:: كش لا هله
ام حسن : منين طلعتي
فاطمه : من بطنج
ام حسن : انجبي اقصد شجابج
فاطمة : انتي وابوي نسيتي وغمزت الها
ام حسن : طاح حظ اخلاقج السزز
حسين ': عوفيها متسوفله كلش
.. كعدت فاطمه مدده رجليها
فاطمة : اااخ الدراسه طيرت عقلي وسوفلتني  واذا اشد حيلي حتى انهب
ام حسن  : تفف على هلخلقه انتي صدك يرادلج تربيه
فاطمه : هههههه اشاقه يمه شبيج
حسين: عوفيه يمه اني اربيها  من جديد
فاطمة : عوفكم من اخلاقي جوعانه يمه طكي بيض عيون من فدوه لهلعيون الحلوه
ام حسن : صار يابعد روحي
حسين: ها قشمرتج
فاطمة : يمه لا يخربون بينه مصالحج يمي وغمزت الها
ام حسن : ههه دهر فرج لا محد يخربنه
حسين : شنو من مصالح يمه
ام حسن : ها شسمه
حسين : بيها شسمه خربت السالفه سويلي وياج بيضه خبط خلي اروح
ام حسن: وين رايح
حسين : والله مدري بس اريد اغير جو كلش ظايج
ام حسن : اي يمه روح غير جو
حسين : كملت ريوك وطلعت افتر بالسياره وراها رحت لجماعتي الي بالمستشفى جانو وياي لل١٠ودك تلفوني جعفر فتحت خط
.. ها جعفر
جعفر بنعاس : مخابرني من الفجر خوما فاطمة بيه شي
حسين : ومرض اني صوجي ما اتوب منك
جعفر: هههه لا اشاقه شبيك احجيلي شبيك
حسين : كوم صحصح شويه واجيك
جعفر : تمام انتظرك
حسين : ودعت الولد. ورحت لجعفر  شويه غيرت جو وياه  مرت الايام واني اتواصل وي اهل نور بس كلبي يلوب عليها لحد ما بيوم ابوها كالي تجي تفصخ العقد جان هذا اليوم كلش صعب عليه تعبت نفسيتي وحجيت لجعفر جاوبني وهو يظحك
جعفر : اي نروح نفصخ ليش لا
حسين: انت شتحجي
جعفر بجدية : اسمع مني ما تخسر شهر اخلي نور الك
حسين: شلون
جعفر : ابقى وراي ما تخسر
حسين: هو اني خوفي منك
جعفر : امشي للحلاق
حسين: شنو
جعفر : امشي وجيب وياك ميتين
حسين: استغربت بس كلت خلي اسمعه ما خسران شي  رحت لبيتنه اخذت فلوس ومشيت وياه اول ما اخذني للسوك ونزل كذا لبسه اني نصدمت بالترتيب مالتهن ما جنت اتوقع جعفر عنده هيج ذوق وراها اخذني لمحل اكسسوارات رجاليه جاب ساعات ونظارات ومحابس وسبح  اشكالهن كلش مرتبه وراها مشه الابو العطور انطاه اسم عطر الولد طلعه من شميته حسيت روحي طاير عبالك ما على جماله اخذ منه تعبئه لان العطر بورقه كلش غالي اخر شي التفت الي
جعفر: اممم هس وكتك
حسين: شبيك جعفر
جعفر : ابقى وراي ملك غرض
حسين : انت من شوكت تعرف هاي الاماكن والترتيب
جعفر:  بستهزاء تعلمت منك
حسين: لا عمي اني صح البس وكشخ بس ما اندل هاي المكانات
جعفر: منا وهيج تعلم واندل يله امشي ل .....
حسين: شسوي هناك
جعفر : اختلي بيك
حسين : انجب واحجي عدل
جعفر : امشي يله
حسين: مشيت لحد ما وصلنا للمنطقه دلاني على محل حلاقه بس كلش جبير مكانه باوعتله بستغراب
جعفر: لا تباوعلي هيج اذوب
حسين : اكل تبن
جعفر : يله ننزل
حسين : نزلنا مثل ما كال وطبيت تعرفت على الولد وهذا جعفر شقه وظحك وميانه وي الولد اخر شي حجه
جعفر: هذا صاحبي عريس اريده من ايدك
:: تدللون انت وصاحبك وكلمن يجي من طرفك
جعفر : ما يدلل عليك ظالم اخوي اريدك تحك وجه بكاغد جام كوسره بكيفك المهم اريد يوجج من النظافه
حسين : من حجه هيج خجلني حسسني وصخ تحلفت اله بكلبي
راح جعفر واستلمني الولد من خيط وتحديد وحلاقه وتنظيف بشره  زلغني زلغ حتى تسريحة شعري غيرها من كمل تعجبت شمسوي بيه صدك حك وجهي دفعت الحساب وطلعت رجعت للبيت نزلت الغراض لاكتني امي وهي تصلي على محمد عبالك صدك عريس
ام حسن: صلاوات يمه الله يحفظك من كل عين وكل حاقد وكل حاسد
حسين : الله يخليج بعد عمري
طبيت لغرفتي صفطت الغراض  كلمن بمكانه للغروب وطبت للغرفه جفت بدون مادك لباب
:: افيش مو عطر ظيم
حسين : تعلمي دكين الباب
فاطمة : من تزوج ادك الباب
اي كلي شنو من عطر هذا
حسين : اطلعي بره
فاطمة : بداعت الغوالي
حسين : اني اجيبلج بعدين
فاطمة : خوش يله باي
حسين : الله وياج سدي الباب ... سدت الباب وطلعت مر اليوم عادي ثاني يوم لازم اروح علمود اطلك احس روحي مفرفحه وجعفر بارد جعفر رغم شخصيته الفكاهية بس ابد مو هين والي يرده يصير ويسوي بكل الطرق مشينه العصر الهم وصلنا وهو يكلي اني بظهرك لا تخاف طبينه لبيتهم وكالو نطلك ومصممين على القرار طلبت اشوفها وجنه اجه هلال عيدي وشفتها بس لحظات وداع عكس الجنت اتمنى جنت اتمنى اشوفها بيتي مو اودعها حظنته بدون ادراك اريد اخليها بين ظلوعي  حجيت وياها وطلعت ومن حجيه عرفت خلص كلشي انته بينه رحت للديوانيه ترخص ابوها وره شويه رجع  بقينه شويه وطلعنه ردت اعرف من جعفر شنو جاي يصير ما انطاني مجال طلعنه من بيتهم والولد اخوانه اصرو نزورهم  وحبو جعفر كلش وعزمهم يمه واخذ ارقامهم رجعنه لبيتنه اهلي ما يعرفون اي شي اني صداع على قهر على تعب  بس عندي امل خصوصا من نزلت جعفر والتفت الي وكال
جعفر: تردها الي
حسين : شنو هي
جعفر : بالايام الجايه تعرف
حسين : جعفر كلبي ممرود
جعفر: نام مرتاح وانه اخوك
حسين : طلكتها جعفر
جعفر: اطلبك دين حسين لا تنسه
حسين: راح جعفر واني ما فاهم شي من حجيه بس صار عندي امل حطيت راسي على المخده واني اتذكرها تذكر كل المواقف الصارت بينه ساعه اظحك وساعه ادمع عيني مشتاق اله وما اعرف شلون احصلها تعبت كلش

-------------------------
: يمه رجعت الي
:: منو ولك
: يمه طلكها طلكها
:: يمه ما تعوف هاي السالفه ليش تركض وره قسمت غيرك مايصير
: يمه خليني فرحان اني ردتها بالبدايه والله رجعه الي
:: الله يفرح كلبك ويجبرك
ليث : بعد ما ايست منها رجعت لاهلي واني مكسور جنت ادور اخبارها وما كطعت تواصل وي ابوها مرت الايام وبعده جرحي اخظر بس عرفت بيها اليوم توصل لهلها فرحت ورحت   بسيارتي بالركن مالت فرعهم اترقب وصولها لحد ما وصلت صح فرحت بشوفتها بس نكسرت من شفته وياه رجعت بيومها واني طاير من الفرح كلت الامي الي جانت مصره بانو هي مو نصيبي وما لازم تعلق بيها بس الكلب شيصبره وشنو الي يقنعه ظليت على تواصل وي ابوها وعرفت راح تطلك واجه اليوم الي انتظره وطلكها قررت بس يهداء الوظع اروح اخطبها رسمي من ابوها وباما انو يعرفني فاني اخطبه بدون ما اودي نسوان وجان الرد  يهدم الحيل

: الو شلونك حجي
:: الحمد الله انت شلونك ابني
: بخير ما دامكم بخير
:: عساك دوم بخير شو ماكو من زمان كاطع
: والله حجي  تدري بالدنيا بس انشاء الله منا وهيج اجيكم
:: كل الهلا بيك .. الاهل شلونهم
: الحمد الله زنين كلهم
:: الله يدمها عليكم
: حجي رايدك بسالفه
:: كول ابني عيوني الك
: سالمه عيونك لا نوب تنعمي والمره تعوفك
:: ههههه لا ما تعوفني تدري محد يتحملها غيري
: ها هيج الحجي هم اشوفها واكلها عليك
:: لا يخوي لا انوب تطردني من البيت
: اففا هيج السالفه صايره
:: جا شعبالك حكم القوي
: ههههههه انت طلعت من جماعة اني من سمعت بطاريها ماتن رجليه
:: جا يبويه جذب انه من تصيحلي اتيه دربي
: ههههههههه خربانه الوظعيه جا اروح للحجيه اطلب منها انت ما تفيدني
:: هههه جا هو الشور اله
: اي حجي طلع هيج الحجي
:: اي يبويه كبرنه وبعد مابينه
: لا حجي مبينه السالفه من الشباب هي الحكومه
:: سكنهم مساكنهم لا تجي يمعود فكني
: ههههه انوب جن سويتها
: : هههه اي بويه كول شنو ردت
: حجي اني كلت اخذ اذنك كبل لا اجي
:: بشنو
: حجي اني رايد بتك نور على سنة الله ورسوله
:: بسس
: حجي ادري بكلشي مرت بيه واني رايده كبل هذا الوكت بس الله ما قدر واني شاريها وشنو تطلب وتريد يجرالك ويجرالها
:: والله اتشرف بيك وعيوني الك بس البت متزوجه عاقده
: هااا جا مو طلكة
:: لا بويه بعدهي والزلمه رايدها
: اعذرني حجي ما ادري
:: لا بويه معذور ولو عندي غيرها كبل اكبعها وانطها الك
: ما تقصر ... حجي اني اترخص
:: هلا بيك وليدي ومر بينه مو تنسه
: صار مع للسلامه .......جان هذا الخبر كفيل بانو افقد الوعي بعد ما طفيت التلفون منه ما دريت بالدنيا
-------
لا تنسون التصوية والمتابعه للحساب القصه راح تنتهي مابقى شي وجايتكم بقصه جديده واقعيه 😘😘😘😘