نور وسط الظلمات

البارت ١٨

نور : تبقى ما تستحي يله اطلع
حسين : طالع والله خبصتينه اطلع اطلع
نور : عيبت عيله نهنهنه
حسين : عليمن هاي
نور : عليك
حسين : تقربت منها ولزمتها حيل من فكها وحجيت ... اذا عدتيها اكسر سنونج واشلع لسانج
نور : هدني اوجعتني
حسين : دفعتها وطلعت رحت للطبابه لكيت جعفر واكف بالباب
جعفر : حسوني بداعت الخوه اغنيه تعدل المزاج
حسين : وتموت من كفار قريش
جعفر : اختار.وحده حربيه عاد نموت من النصارا
حسين : هههه اختار.واني اغني
جعفر : ياعقيله
حسين : ماشي ... بديت اغني
ياعقيله اليوم عندج مو كفيل كل احنه كوافل
..... كملتها
جعفر : مو صوت ظيم
حسين : كدامك ما يغله عليك
جعفر : مو هو قندره وما يغله عليه لو ساعه
حسين : ههههه والله حرة وياك دوم ما عاجبك
جعفر : اخخخ بس هذولاك.الناس عاجبيني
حسين : بديت تمسلت اكوم اشكك بنص
جعفر : شوكت تصير حلالي
حسين : عمي من ننزل انطيها الك لان فظحتني وشهرتني
جعفر طفر وتقرب على حسين يحجي بحماس ما مصدك : كول والله
حسين : والله
جعفر : كول وغلات امي
حسين : وغلات امي كافي تره ابطل
جعفر ركض على حسين وحظنه حيل وباسه حيل من ركبته : يابعد حوصلتي
حسين : ولك ركبتي شلعتها بس
جعفر وخر عنه وباوع واردف : حسين انت هيج ترف
حسين استغرب من كلمته : ليش هيج تكول
جعفر حك راسه باصبعه بحيره واردف : هاا مو شسمه هاي ركبتك
حسين : شبيها
جعفر : مو بستك حيل صارت هاي
حسين بنفاذ صبر : شصار احجي جعفر
جعفر : زراكه
حسين : لا صدك ...فتحت كامرت التلفون وشفتها زراكه قويه عطت بيه وركضت وراها :: اليوم ما اطلع حسين اذا ما اسويك اثنين
جعفر : انت ترف شسويلك
حسين : دوكف واراويك الترف
جعفر : واني اركض شفت شيخ محمد ركضت اله وصرت وراه وردفت: شيخ فدوه خلصني
حسين : من وصل لشيخ محمد وكفت كتله : تطلع واعلمك
شيخ محمد : شكو خيركم
جعفر : شيخ ما مسوي شي بس بسته لان كالي انطيك اختي بس ننزل
حسين : وحتى اختي ما تشوفها بعد
جعفر : شيخ فدوه حاجي ما سويت شي
شيخ محمد : شبيك حسين بويه
حسين طلع ركبته : شيخ اكو واحد يبوس واحد هيج هس شلون اركعه هاي الولد لو شافوها شيكولون ويدرون مرتي هنا ما ياخذوها بغير نظره
جعفر غمزله : مو احجي
حسين : اسكت انت تطلع واعلمك
شيخ محمد بظحك : جعفر انت ما تبطل
جعفر : شيخ اخذني الحماس وبسته شو هو تزورك
حسين : اني علمك
شيخ محمد : طيحه لخاطري هاي المره
حسين : بس شيخ ما يبطل يوميه دكه مسوي بيه هذاك اليوم تارس المركه شكر وخلاني بدون غده وكبلها بيوم اسبح وكطع عليه الماي وخلاني نعميت بالصابون والكبله اشد بالكهرباء وبزاني بابره طيحني من فوك البرميل وهس زورك ركبتي وهذاك اليوم اني بالطبابه الولد يكلوله وين حسين يكلهم نايم يم مرته
شيخ محمد كاتم ظحكته : لا بعد ما يسويهن كلهن
حسين : واذا سواهم
شيخ محمد : سوي بيه الي تريده واني وياك
جعفر : ها بعتني
شيخ محمد : اسكت مصخماتك هواي
جعفر : عمي راح اكعد واسكت بعد حتى ما احجي
حسين : نشوف شلون تكض روحك
شيخ محمد : يله رجعو لمكانكم وبطلو هاي السوالف
حسين : رجعنه لمكانه .. مر الوكت واجه اليوم الي لازم ارجعه بيه حسره بحزن بلهفه بقهر كل المشاعر بوكت واحد وتفكير بالفقدان الكل لاحض عليه شكد تعبان وحتى الاكل قليل اكل وبس عصبي واشتغل اجه البديل وباجر نرجع لهلنا وتنتهي قصتي الي حديثت البداء جهزت غراضي ورحت الها دكيت الباب وطبيت لاكتني
نور : هلوو حسين
حسين بحسره : هلا ياكسرتي وفرحتي
نور بستغراب : شكو شبيك لونك مخطوف
حسين : اااخ كلبي مخطوف وروحي
نور : دحجي شبيك عوفك من هذا الحجي شصاير صار سبوع مو على بعضك
حسين : نور جهزي غراضج باجر ارجعج لهلج
نور : من حجه هيج من الفرحه ظحكت بصوت عالي وظليت اطفر من الحماس ركضت حظنته .. وهو كانو جان ينتظر هذا الشي حظني كل قوته لدرجت حسيت ظهري طك حجيت بصوت مكتوم ... حسين هدني راح اموت ختنكت
حسين : من حظنتني جنت منتظرها جاوبتها .... اني الراح اموت نور
نور : شبيك بله باوعلي
حسين : بعدت عنها ودرت وجهي ما اريد ابين كسرتي كدامها اردفت ... راح تروحين ترتاحين مني
نور : كعدت وحجيت اشاقه وياه ... ايي وافتك من سوالفك الادبسززيه وارتاح من اوامرك وارجع حره
حسين : نور تنسيني
نور : لا لان انت نقذتني
حسين : بس لان نقذتج
نور : اي ولان ساعدتني هواي
حسين بحسره : عادي اطلب منج طلب اخير
نور : كول
حسين : اريد انام بحظنج بس ليله اودعج بيها
نور : لا ما اكدر
حسين : اخر مره بس اودعج
نور : اعرف حسين يحبني وعرف هذا تغيره كله لان راح يفاركني بس ما اكدر اتقبل فكرت الحب والزواج جان طلبه صعب بس منظره يجبرني اتعاطف وياه خصوصا هو هواي ساعدني ... بس بشرط
حسين : عيوني الج
نور : عوف عيونك الك بس اريد ما تسوي اشياء عيب
حسين : صار بس انام حباب
نور : هزيت راسي بالموافقه وكمت جهزت غراضي تحت نظراته الي ما فاركتني اخر شي حجيت ... كافي والله قيدتني
حسين : شبيج
نور : لا تباوعلي خلي اكمل شغلي
حسين : ما اكدر اغمض اريد اشبع منج.
نور : رفعتله حاجبي .. حجه هو
حسين : نوره .... نوره
نور : ها
حسين : نور ...
سبحان الخلقلج هاي العيون
وسبحانه الخلقلج هيج شامه
اليخطفج من هلج والله معذور
وما ينلام اذا هد بعمامه
وانتي البطريق الشافج يجوز
مايوصل لبيت اهله بسلامه
وعذرا عن سوال بداخلي يدور
نور .. نظراتج شدعوه بهلفخامة
...
نور : من كمل غمزلي حرت شكله ظليت صافنه لحد ما هو حجه
حسين : لا تباوعيلي هيج كافي اخذتي كلبي تردين عقلي همين
نور : هاا
حسين : فدوه رحت لل ها
نور : بعد ما حجيت شي من الخجل كملت غراضي وكعدت شويه عنه هو اردف
حسين : تعالي اكعدي يمي
نور : لا هيج مرتاحه
حسين : بس اني ما مرتاح
نور : حسين مو بديت
حسين : يله مدي الفراش نعست
نور : كمت خليت الفراش .. راح تمدد وخله جنطته يم راسه وبده يغني بصوت عذب
حسين : اويلللل اويلللل
لتروح لتروح ابقى انه مجروح
ما احمل النوح .. وحجاية من بطران
موكت الجروح .. تخليني مذبوح
تعذب الروح ..يبقى الكلب تعبان
لتغيب عني وتبتعد وتعوذ الشيطان
لتغيب عني وتبتعد وتعوذ الشيطان
هذي جزاتي انطيتك حياتي
تاليها مالكاك..
فدوه اغاتي روحي برظاتي
لو اني اروح وياك
لتروح لتروح ابقى اني مجروح .
......اووووف يابه
نور : صوته يجنن والاغنيه بكل حرف احسه يقصدني ظليت مدنكه والعب باضافري وصافنه ما اعرف شنو اسوي واني اشوف شخص يتعذب بسببي فززني من صفنتي وهو يسحب ايدي ردت احجي حط ايده على حلكي واردف ....
حسين : اششش خليني انام وراي سهر وتعب ايام وسنين
نور : بعد ما حجيت سحبني لفراشه حظني خله راسه بركبتي وظل يتنفس بحسره دكات كلبي فاظحتني وتوتري مبين من رجفت اطرافي صح ما احبه بس تعودت عليه وعلى اهتمامه صعب تفارك شخص صار وياه اشهر وره دقايق حجه بصوت واهن ظعيف
حسين : كلبج دكاته تعبتني ما اعرف حب الي لو خوف مني
نور : حجيت متوترته .... ها بس لان شسمه
حسين : امم هو شسمه صار شكد وياج ما يوم حجيتي شي بدون الشسمه
نور : مو اني من اتوتر اظيع الحجي
رفع راسه من حظني وحجه وعيونه تتنقل على. وجهي
... مو مثل ظيعتي هس
نور : هاا
حسين : يابعد الها واهله شلون اعيش بدونج ما ادري
نور : خجلت كلش من حجيه وكمت احس وجهي اشتعل نار من الخجل قرب اديه من خدي مسحه بالابهام واردف
حسين : احبهن من يخجلن ويصيرن حمر جنت مايس الكه بنيه تخجل بهذا الزمن بس طلعت غلطان
نور : لزمت ايده ابعدها .. دفع ايدي ورجع حظني حيل مرت ساعات وهو كل شويه يتحسر بقوه ادري بيه ما نايم بس ما عندي حجي احجي وياه موقف ما ماره بيه قبل بحضن شخص يحبني وحلالي بس ما املكله اي مشاعر غير الصداقه وباجر ينتهي كلشي مر اليل وبده الصبح يطلع واني ادري بيه كاعد اثنينه ما نمنه ردت اكوم ما كدرت مقيدني بحظنه ندهت بيه ما كعد مسوي روحه نايم اخر شي كتله ..... حسين ادري بيك ما نايم كوم اريد اصلي حباب ...حجه بعد سكوت طويل
حسين : ويقبل الله صلات الكاسرله كلب
نور : شوكت كسرت كلبك
حسين : مو تردين تعوفيني شلونه كسرت الكلب واني كلها جم ساعه واطلك اعز انسانه بحياتي اكثر بنيه حبيته
نور : حسين زواجنه غلط وانبنى على غصب ما يصير
حسين : بس اني حبيتج افهمي حبيتج يا بشر حبييييتججج
نور : دنكت ابجي
حسين بحسره : اااخ من هاي الدموع هس عليمن البجي غير افهم
نور : انت ما تهدني اكوم اصلي وتصيح عليه
حسين : امده حظي يعني عفتي الحجي كله وبجيتي لان صيحت كومي بويه كومي هو صوج كلبي يردم
نور : كمت امسح بدموعي لبست حجابي ورحت صلية وهو هم صله ولبس قميص اسود وبنطرون كابوي ثلجي وترانشوز ابيض ومشط شعره اول مره اشوفه بهذا الشكل المرتب ظليت اباوعله لحد ما فززني من صفنتي وهوي يغمز ويكلي
حسين: عجبتج عادي تكدرين تتزوجيني ما مرتبط
نور : خزرته واردفت ... مغرور
حسين : يحقلي حلو واخبل كل القوط تلوك عليه
نور : عوزك بس تكول الحاكم كال هذا العرس منين وتكمل الزفه
حسين : هاي من يزفوني عليج
نور : سكتني بعد شحجي
حسين : سكتي اممم يله كومي ام عيون نار
نور : كمت وبدت نهاية قصتي وي حسين ما اعرف اذا يجمعنه الزمن بعد او لا ركبنا لسياره ويانه جعفر مر الوقت واخذتني النوم ما كعدت الا قريبين الكوت
حسين : صعدت السياره وبكلبي حسره بس الله يعلم شكبرها